ရဲ 4
4
4
ဆၧဒၪဆၧလၧယၫဘၪထွ့ၫလၧမ့ၪဒိၩ့မိၡါ.
1တၭၦအၥီၫ့လၧအချဲၩ့ဒုၪ့ယၧၩလဂၩနီၪ ထိၪဂဲထုၪ့ 2ယၧၩဘဲၫၦထိၪဂဲထုၪ့ၦလၧအမံၫဝ့ၫအၥိၭနီၪ,- တၭစံၭ ယၧၩ,မွဲနဒၪဆၧနီၪလမံၩ့လဲၪး တၭယစံၭ,ယဒၪဆၧ တၭ,ယိခွါၬ မ့ၪဒိၩ့မိၡါထီၫ့ထၧၫ့ဖျိၪ့ယၫ, ဒဲလိၫ့လဖျိၪ့ လၧအဖၫ့ခိၪ, ဒဲမ့ၪဒိၩ့ဖိၪနွ့ၫဖျိၪ့အီၪလၧအဖၫ့ခိၪ, ဒဲအ ဖီၩ့နွ့ၫဖီၩ့လၧအဘၪဆဲၫ့လၧမ့ၪဒိၩ့ဖိၪနွ့ၫဖျိၪ့ လၧအအီၪ 3ဝ့ၫလၧအဖၫ့ခိၪ,- တၭၥံၪ့အလဲအိၫ့နံၫထုၪ့အီၪဝ့ၫလၧ အနဲၩ့ထံၭ, လၧလိၫ့အစူၪထွ့ၪလခီၫလထုၪ့,ဒဲလၧလိၫ့ အစူၪစ့ၪလခီၫလထုၪ့လီၫ.
4ယချဲၩ့ဆၧလၧအၥီၫ့ လၧအချဲၩ့ဒုၪ့ယၧၩတၭ,ယစံၭ 5ဆၧယီၩလဖၪ မွဲဆၧနီၪလဖၪလဲၪ,ယကဆါဧ့,- တၭ အၥီၫ့လၧအချဲၩ့ဒုၪ့ယၧၩ, ချဲၩ့ဆၧၫ့ဆၧတၭ,စံၭယၧၩ, ဆၧယီၩလဖၪ မွဲနီၫလဲၪနီၫလဲၪနီၪ, နၥ့ၪယၫအ့ၬဧၪ. တၭယစံၭယၥ့ၪယၫအ့ၬး ယကဆါဧ့.
6အဝ့ၫချဲၩ့ဆၧၫ့ ယၧၩတၭ, ချဲၩ့ဒုၪ့ယၧၩ,စံၭဝ့ၫဒၪ. အယီၩမွဲယဟိဝၩ အလူလၧ စဇရၧၭဘၫဘ့လၭနီၪ, စံၭဝ့ၫဒၪ, မွဲလၧဆၧ အဂဲးအဘၭအကၠီၩ့အ့ၬး ဒဲလၧဆၧ အစီၩ့အမၩ့အကၠီၩ့နီၪဆ့အ့ၬ. အ့ၪမွဲလၧယၥၭ, ဆၧ 7ၥုၭမုခမျၧးအယဟိဝၩစံၭဝ့ၫဒၪ.- ခိၪလီၩ့ဖၭဒိၪလ ဖျိၪ့ဧ့,နမွဲပလၫလဂၩလဲၪ. လၧစဇရၧၭဘၫဘ့လၭအမ့ၬ ယၫနီၪ နမိလၩ့ဒၩလီၫ.တၭဆၧမိဂဲၫဆိၬ လိးအခိၪ လဖျိၪ့အီၪလၧဆၧကိၭထၪ့း မွဲဆၧအခိးအတၩ, မွဲဆၧ အခိးအတၩဘၪ အဝ့ၫဆံၭ. ယဟိဝၩအလူလၩ့ဘၪယၧၩတၭ,စံၭဝ့ၫဒၪ. 8-9စဇ ရၧၭဘၫဘ့လၭအစူၪအီၪက့ၪလၩ့ယူၭ ဂံၪ့လဖျိၪ့ယီၩ အခၪ့ထံၭယူၭ. အဝ့ၫဒၪအစူၪနီၪမိမၩဂီၩ့ဝ့ၫတၭ,နၥံၪ မိၥ့ၪယၫလၧဆၧၥုၭမုခမျၧး အယဟိဝၩအၪ့မၧၫ့လၩ့ 10န့ယူၭယၧၩလၧနၥံၪအအီၪလီၫ.- အဂဲးဘဲၫယီၩမွဲပလၫ လယူၭယၪ့ဘၪ ဆၧအဆံၭလဖၪ အမုလနံၩနီၪလဂၩ လဲၪ.ယဟိဝၩအမ့ၬနွ့ၫတီၪ့နီၪ လၧအစဲၪ့ဝံၩ့ဝၩ့ လၧ ဂၪ့ခိၪဎံၩ့ဎံၩ့လ့ၬတၭ, ထီးအဝ့ၫၥံၪအ့ၪဒၪပနီၫ့အဖျံၩ လၧစဇရၧၭဘၫဘ့လၭအစူၪဖၧၩ့တၭ, မိၥုၪ့ထိၬၥၭထိၬ ဝ့ၫလီၫ.
11ထီးနီၪလဖၧၫ့ယချဲၩ့ဆၧတၭ, ယစံၭ,ၥံၪ့အလဲအိၫ့ နံၫထုၪ့လၧမ့ၪဒိၩ့အမိၡါ လၧစူၪထွ့ၪလထုၪ့ဒဲလၧစူၪ 12စ့ၪလထုၪ့နီၪ, မွဲဆၧနီၪလဖၪလဲၪ.- ယချဲၩ့ဆၧၫ့ဒီၭတၭ စံၭအဝ့ၫ, ၥံၪ့အလဲအိၫ့အထဲၩ့နံၫထဲၩ့ လၧဖီၩ့ထီၫ့နံၫ ဘီၩ့အကၠီၪ့တၭ, အဝ့ၫၥံၪခဲၩလၩ့ခွံၬအၥိၪထီၫ့လၧအ 13ဖၧၩ့နီၪ,မွဲဆၧနီၪလမံၩ့လဲၪ.- အဝ့ၫဒၪစံၭဆၧၫ့ယၧၩ တၭ,စံၭဝ့ၫဒၪ. အယီၩမွဲနီၫလဲၪနီၫလဲၪနီၪ, နၥ့ၪယၫ 14အ့ၬဧၪ.တၭယစံၭ, ယၥ့ၪယၫအ့ၬ,ယကဆါဧ့း- ထီး နီၪလဖၧၫ့,စံၭဝ့ၫဒၪ, အယီၩမွဲပဒိၭဂုၪအၥၭနံၫဂၩလၧ အဆၧၫ့ထုၪ့လၧဂၪ့ခိၪထၧၫ့ဖျိၪ့ယၫ အကဆါအမ့ၬယၫ နီၪလီၫ.
Currently Selected:
ရဲ 4: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
