ရဲ 6
6
6
ဆၧဒၪဆၧလၧယၫဘၪထွ့ၫလဲၪ့ၥုၭလံခိၪ.
1ယစၪ့ထၪ့ဒီၭယမ့ၬ,ဒဲယိဆၧတၭ, ယိခွါ,လဲၪ့ၥုၭလံ ခိၪဂဲၫထၪ့လၧခိၪလီၩ့နံၫဖျိၪ့အဆူၭဖၧၩ့တၭ, ခိၪလီၩ့ 2လဖၪနီၪမွဲခိၪလီၩ့ထီးဝီၩလီၫ.- လဲၪ့ၥုၭလၧအခၪ့ထံၭ လခိၪနီၪအီၪလၧကၥ့ၪဝီၩလဖၪတၭ, လဲၪ့ၥုၭနံၫခိၪလ 3ခိၪနီၪအီၪလၧကၥ့ၪၥၧၫ့လဖၪ,- လဲၪ့ၥုၭၥၧၫ့ခိၪလခိၪနီၪ အီၪလၧကၥ့ၪဘွၩလဖၪ, လဲၪ့ၥုၭလံခိၪလခိၪနီၪအီၪ 4လၧကၥ့ၪကံၪဆံၩဖီးလီၫ.- ယချဲၩ့ဆၧၫ့ဆၧတၭ, စံၭ အၥီၫ့လၧအချဲၩ့ဒုၪ့ယၧၩနီၪ အယီၩမွဲဆၧနီၪလဖၪ လဲၪ,ယကဆါဧ့,
5အၥီၫ့လဂၩချဲၩ့ဆၧၫ့ဆၧတၭ, စံၭယၧၩ, အယီၩမွဲ မူၭခိၪအၥၭလံဂၩ လၧအစဲၪ့ထၪ့ဝ့ၫ လၧအဆၧၫ့ထုၪ့ 6လၧဂၪ့ခိၪထၧၫ့ဖျိၪ့ယၫ အကဆါအမ့ၬယၫလီၫ.- ဆၧ အီၪလၧကၥ့ၪၥၧၫ့လဖၪနီၪ လ့ၩဝ့ၫလၧခးလၧမုဖၩလခီၫ တၭ,ကၥ့ၪဘွၩလဖၪနီၪလ့ၩလၧမုနုၬလခီၫတၭ, က ၥ့ၪကံၪဆံၩဖီးလဖၪနီၪ လ့ၩဝ့ၫလၧခးမုခံၫ့လခီၫလီၫ. 7တၭကၥ့ၩဝီၩလဖၪနီၪလ့ၩထၪ့ဝ့ၫတၭ, အၪ့ကံၩ့ဝ့ၫဘဲၫ ၥိၭအမိလ့ၩဂၭဝံၩ့ဝၩ့ ဆၧလၧထံၫၥံၪခးၥံၪ ထၧၫ့ဘံၪ့ ယၫတၭ,အဆၧစံၭဝ့ၫဒၪ, လ့ၩထၪ့ဂၭဝံၩ့ဝၩ့ဆၧလၧ ထံၫၥံၪခးၥံၪထၧၫ့ဘံၪ့ယၫဆံၭ. တၭအဝ့ၫၥံၪလ့ၩစဲၪ့ ဝံၩ့ဝၩ့လၧထံၫၥံၪခးၥံၪထၧၫ့ဘံၪ့ယၫလီၫ.
8ထီးနီၪလဖၧၫ့ အဝ့ၫဒၪကိၭထၪ့ဝ့ၫလၧယၧၩ ဒဲချဲၩ့ ဒုၪ့ယၧၩတၭ, စံၭဝ့ၫဒၪ. ယိခွါ, အဝ့ၫၥံၪလၧအလ့ၩ ထၪ့လၧခးမုဖၩလဖၪနီၪ မၩမုၬထၪ့ထဲၩ့ယူၭယၥၭလၧ ခးလၧမုဖၩအဖၧၩ့ယူၭလီၫ.
ဆၧမၪလူၬလၧဆၧမိဒုၭချႃၬထၪ့ စယီၡုၫအ့ၫလၧၥရဖူၩ.
9-10ယဟိဝၩအလူလၩ့ဘၪယၧၩတၭ, စံၭဝ့ၫဒၪ, မၩန့ ဆၧလၧၦကဲၪဎီးလဖၪအကျၩ လၧစဟ့လဒဲၫ, ဒဲစထိၫ ဘဲယၫ,ဒဲစယ့ၫဒဲယၫ, လၧအဂဲၫထၪ့လၧဘၭဘလၧၫ့ တၭ,လ့ၩနုၬနဝ့ၫလၧမုလနံၩဎး လၧစဇ့ၭဖနဲအၫအဖိၪ 11ခွၫစယိၫစဲအၫအဂံၪ့ဖၧၩ့း- တၭမၩန့စ့ၩ ဒဲထီၫ့နီၪ တၭ,တဲၩ့ၥရဖူၩလဖၪတၭ, ဒုၭချႃၬၥရဖူၩလၧၦလုဆၧ 12အခိၪစယီၭစဒ့ၭအဖိၪခွၫစယီၡုၫအ့ၫတၭး- ချဲၩ့ဆၧ လၧအဝ့ၫနီၪ,စံၭ, ဆၧၥုၭမုးခမျၧးအယဟိဝၩချဲၩ့ဘဲၫ ယီၩ,စံၭဝ့ၫဒၪ, ယိခွါ, ၦၡၩလၧအမံၩ့မွဲဆၧအထဲၩ့ လဂၩမိမဲၪထၪ့လၧအလးဒၪဝ့ၫအဖၧၩ့တၭ, မိမၩထၪ့ 13ယဟိဝၩအနီးလီၫ.- အဝ့ၫဒၪမိမၩထၪ့ယဟိဝၩအနီး တၭ,မိအီၪလၧဆၧအလၩအဖၩ့တၭ, မိဆၧၫ့နၩ့ဒဲစ့ၩ ရၫ့ဆၧလၧအလးဆီၩ့ဆီအဖၫ့ခိၪတၭ, မိကဲၪထၪ့ၦလု ဆၧလၧအလးဆီၩ့ဆီအဖၫ့ဖိၪ, ဒဲဆၧဘၪလိၬအိၭလိၬ အဆၧဒုၭကိၪ့ဆၧနီၪ မိအီၪဝ့ၫလၧနံၫမံၩ့အဘိၩ့ဆၧၩ့ လီၫ.
14တၭၥရဖူၩလဖၪနီၪ မိအီၪလၧစဟံလံၫ့,ဒဲစထိၫဘဲ ယၫ,စယ့ၫဒဲအၫဒဲစဇ့ၭဖနဲအၫအဖိၪခွၫ, စဟံၫ့အဂး လၧဆၧနၪ့ထၪ့ထဲၩ့ဆၧ လၧယဟိဝၩအနီးဖၧၩ့အဂး 15လီၫ.- တၭၦအီၪဝ့ၫလၧအယဲၩ့နီၪ မိဂဲၫမၩထၪ့ယဟိဝၩ အနီးတၭ, နၥံၪမိၥ့ၪယၫလၧဆၧၥုၭမုခမျၧးအယဟိ ဝၩအၪ့မၧၫ့လၩ့ယၧၩလၧနၥံၪအအီၪလီၫ. နၥံၪအ့ၪခိၭ နၪယဟိဝၩ နၥံၪအယွၩအလူတၡါတၭ, ဆၧမိမၩအ ၥၭလီၫ.
Currently Selected:
ရဲ 6: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
