ၥ မိ 50
50
50
1စယိၥၭထိၪလၩ့ထံၩဖါအၥၭ လၧအဖါအမ့ၬအဖၫ့ ခိၪတၭ, အမ့ၬထံၫလၩ့ လၧအဖၫ့ခိၪတၭ, အဲၪဂါဝ့ၫ 2လီၫ.- တၭစယိၥၭမၪလူၬအခ့ၫအၡၩ, ၥံၪဆရၫလဖၪ, ဘဲၫၥိၭအမိအီၪက့ၪအဖါအစွၪ လၧၥံၪနီၪလီၫ. တၭၥံၪ ဆရၫလဖၪနီၪ အီၪက့ၪစအံၫစရ့လၭအစွၪ လၧၥံၪ 3လီၫ.- တၭအနံၩလံဆံၫလၧၫ့ထၪ့ဎွ့ၩထၪ့ဝ့ၫ လၧအဂး လီၫ. အဂဲးဘဲၫယီၩ ၦလၧဆၧအီၪက့ၪအစွၪလၧၥံၪလ ဖၪနီၪအနံၩအၥၫ့လၧၫ့ထၪ့ဎွ့ၩထၪ့ဘဲၫနီၪလီၫ. တၭၦ 4အံဇံၭဖိၪဂၪ့ဝ့ၫဒၪ လၧအဂးအနံၩနွ့ၫဆံၫလီၫ.- ဆၧ ဂၪ့ဆၧယၧၩ့အမုနံၩနီၪ ဖီၩ့ခွံၬတၭ, စယိၥၭလီၩဘၪ ဖၫရိၫအၡၩဂံၪ့ဖိၪတၭ, စံၭဝ့ၫဒၪ, ယအ့ၪဘၪခိးဘၪ တၩလၧနၥံၪအမ့ၬယၫတၭ, ချဲၩ့လါဆၧလၧဖၫရိၫအ 5နါဖၧၩ့တၭ,စံၭ,- ယဖါအၪ့မၧၫ့ယဆိၪလၩ့ယၥၭတၭ, စံၭဝ့ၫဒၪ, ယိခွါ,ယၥံၫယဝ့ၫလီၫ. ဆၧဖၧၩ့လၧယခုၪ့ လၩ့လၧယဂး လၧခးကၫနအၫ့အဖၧၩ့နီၪ, နမိဘၪခုၪ့ လၩ့ဘၧၩ့ခွံၬယၧၩ ထီးနီၪလီၫ. တၭဘိၩ့နဲၪ့ယီၩ, ဒုၭ လ့ၩထၪ့ယၧၩ, ဘဲၫၥိၭယမိခုၪ့လၩ့ဘၧၩ့ခွံၬယဖါဆံၭ. 6တၭယမိဂဲၫထဲၩ့ထဲၩ့လီၫ.- တၭဖၫရိၫစံၭဝ့ၫဒၪ, လ့ၩ ထၪ့တၭ, ခုၪ့လၩ့ဘၧၩ့ခွံၬနဖါ ဘဲၫအဒုၭဆိၪလၩ့နၥၭ အၥိၭဘီၪ.
7တၭစယိၥၭလ့ၩခုၪ့လၩ့ဘၧၩ့ခွံၬအဖါနီၪ, ဖၫရိၫအ ခ့ၫအၡၩထီးအလူၬလ့ၩဖိၬအခဲၫ့, ဒဲအဂံၪ့ဖိၪၥၭၡါလ 8ဖၪ,ဒဲကယဲခးအံဇံၭ အၥုၪ့က့ၭၥၭၡါၥံၪ,- ဒဲစယိၥၭ အဂံၪ့ဖိၪထီးအလူၬ, ဒဲအထၧၫ့ဖုဝဲဒဲအဖါ အဂံၪ့ဖိၪ လီၫ.အ့ၪမွဲဖိၪဒံၩဖိၪၥၪလဖၪ, ဒဲအၥိၪဒဲဘ့ၪလဖၪ, ဒဲချီ လဖၪနီၪ, အီၪက့ၪလၩ့ထးဝ့ၫ လၧခးဂိၡံၫ့အဖၧၩ့လီၫ. 9ၦၡၩၥံၪလ့ၩထၪ့ဝ့ၫလၧလဲၪ့လဖၪ, ဒဲၦထူၬကၥ့ၪလဖၪ 10တၭ, ဆၧလဒီၪ့နီၪၦၡၩခမျၧးအီၪအၪမၬဆ့လီၫ.-အ ဝ့ၫၥံၪလ့ၩထီၩ့လၧအၫတၭအခရဲးဖၧၩ့ လၧအအီၪဝ့ၫ လၧယီၫဒၫ့ဝါလခီၫတၭ, ထီးနီၪအဝ့ၫၥံၪ ဂၪ့ဝ့ၫယၧၩ့ ဝ့ၫလၧဆၧဂၪ့ဆၧယၧၩ့ဖၭဒိၪဆ့လီၫ. တၭအဝ့ၫနီၪ 11ဂၪ့ဝ့ၫလၧအဖါအကၠီၩ့နွ့ၫနံၩလီၫ.- တၭၦထံၫဖိၪခးဖိၪ ၥံၪ,ၦကၫနအၫ့ဖိၪလဖၪဒၪဘၪဝ့ၫ, ၦဂၪ့ကိၭၡၭထၪ့ ဆၧလၧအၫတၭအခရဲးဖၧၩ့တၭ, စံၭဝ့ၫဒၪ, ဆၧဂၪ့ဆၧ ယၧၩ့ယီၩ အီၪလၧၦအံဇံၭဖိၪနၭမၬကၨၬ မၩအၥၭ ဘဲၫနီၪတၭ, ၦကိၭဝ့ၫအမံၩ့လၧအၫဘလၭမံၭဇရံၫ့လၧ 12အအီၪလၧယီၫဒၫ့ဝါလခီၫလီၫ.- အဖိၪခွၫလဖၪနီၪမၩ 13ဝ့ၫဘဲၫအမၪလူၬဝ့ၫအၥိၭနီၪလီၫ.- တၭအဖိၪခွၫလဖၪ လ့ၩဆိၬထၪ့ထဲၩ့အဝ့ၫ လၧခးကၫနအၫ့တၭ, ခုၪ့လၩ့ ဘၧၩ့ခွံၬဝ့ၫလၧဂၪ့ခိၪလဝၩ့, လၧမၭကပံလၫအိၩဖၧၩ့, လၧစအၫဘြဟၫ့ဎွ့ၩန့ဝ့ၫ လၧၦဟ့ၥၭဖိၪစအံဖၧၫ့ဒဲဂၪ့ ခိၪလဝၩ့လၧဆၧၥွၪခိၪ အဆၧဖီၪ့ထၬအဂး, အီၪဝ့ၫလၧ 14မၫမရံၫအမ့ၬယၫလီၫ.- တၭလၧအခုၪ့လၩ့ဘၧၩ့ခွံၬ အဖါအလးခဲၫ့နီၪ, စယိၥၭထဲၩ့ထဲၩ့လၧအံဇံၭ, အဝ့ၫ ဒဲအထၧၫ့ဖုဝဲလဖၪ, ဒဲကယဲၦလၧအလ့ၩဖိၬအခဲၫ့လၧ အဆၧမိခုၪ့လၩ့ဘၧၩ့ခွံၬ အဖါနီၪလီၫ.
စယိၥၭချဲၩ့မုၬထၪ့ထဲၩ့ အထၧၫ့ဖုဝဲခွၫလဖၪအၥၭ.
15စယိၥၭ အထၧၫ့ဖုဝဲလဖၪ ဒၪဘၪလၧအဖါၥံၫယူၭ တၭ,စံၭဝ့ၫဒၪ, ဘၪလဘၪစယိၥၭမိမၩၡၪ့မၩနၭပၧၩ တၭ,မိမၩအၧၩ့ဆၧၫ့ပၧၩ လၧကယဲဆၧအၧၩ့ လၧပ 16မၩအဝ့ၫနီၪတၡါလီၫ.- အဝ့ၫၥံၪအၪ့မၧၫ့လၩ့ဆၧလၧ စယိၥၭတၭ, စံၭဝ့ၫဒၪ, နဖါလချႃၭၥံၫဒံၭဘၪနီၪ, မၪ 17လူၬဆၧစံၭဝ့ၫဒၪ,- နၥံၪဘၪစံၭစယိၥၭဘဲၫယီၩ, ယၫ့ ၥၭဖျါခွံၬနထၧၫ့ဖုဝဲအဆၧမၪ, ဒဲအဆၧဒဲၩဘၭနီၪဆံၭ. အဂဲးဘဲၫယီၩအဝ့ၫၥံၪမၩၡၪ့မၩနၭယူၭနၧၩလီၫ. တၭ ဘိၩ့နဲၪ့ယီၩ, ကွဲၪဖျါနဖါအယွၩအခ့ၫအၡၩ အဆၧမၪ ဆံၭ.ထီးအဝ့ၫၥံၪချဲၩ့ဆၧလၧအဝ့ၫတၭ စယိၥၭအမ့ၬ 18ထံၫလၩ့ဝ့ၫလီၫ.- တၭအထၧၫ့ဖုဝဲလဖၪလ့ၩထိၪလၩ့ ထံၩဖါအၥၭလၧအမ့ၬယၫဆ့, စံၭဝ့ၫဒၪ, ယိခွါ, ပမွဲနဎီး 19နၡၩလီၫ.- တၭစယိၥၭစံၭအဝ့ၫၥံၪ ထီးၥၭမဲၪဆၧလ 20ဂ့ၩ,အဂဲးဘဲၫယီၩမွဲယအီၪလၧယွၩအလးဆ့ဧၪ.- နၥံၪ ဝ့ၫဒၪယီၩ, နၥံၪကိၪ့ထၪ့ဆၧအၧၩ့လၧယဂးလီၫ. အ့ၪ မွဲယွၩဒုၭကဲၪထၪ့ဝ့ၫလၧဆၧဂ့ၩ, ဘဲၫၥိၭအမိမၩဆၧ ဘဲၫလၧမုဆၫလနံၩယီၩအၥိၭ, လၧအမိဒုၭမၧၫ့ဒံၭၦ 21ခမျၧးအၪအၪလ့ၬအဂဲးလီၫ.- ဘိၩ့နဲၪ့ယီၩထီးၥၭမဲၪ ဆၧလဂ့ၩ. ယမိလုအၪ့လုအီၩနၥံၪအဖိၪအလံၩလဖၪ နီၪလီၫ. အဝ့ၫနီၪမၩမုၬထၪ့ထဲၩ့အဝ့ၫၥံၪတၭ ချဲၩ့ဘၪ ၥုၪ့ဘၪၥၭဝ့ၫဆ့လီၫ.
စယိၥၭအဆၧၥံၫ.
22တၭစယိၥၭအီၪဝ့ၫလၧအံဇံၭအဖၧၩ့, အဝ့ၫဒၪ,ဒဲအ ဖါအဂံၪ့ဖိၪလီၫ. တၭစယိၥၭမၧၫ့ဝ့ၫအနံၪ့လယၩလ 23ဆံၫလီၫ.- တၭစယိၥၭဒၪဘၪစအံဖြံၫ့အဖိၪအလံၩၥၧၫ့ ဆိၩလဆိၩလီၫ. တၭစမနၭစ့ၫအဖိၪခွၫစမၫခၧၫအဖိၪ အလံၩအီၪဖျဲၪဝ့ၫလၧစယိၥၭအခၪ့လုးခိၪလီၫ.
24စယိၥၭစံၭအထၧၫ့ဖုဝဲၥံၪ, ယမိၥံၫယဝ့ၫလီၫ. တၭ ယွၩမိဂဲၫအီၪၡီၩ့နၥံၪတၡါတၭ, မိဒုၭစဲၪ့ထၪ့ခွံၬနၥံၪ လၧခးယီၩ, ထီၩ့လၧခးလဘံၪ့နီၪ, လၧအဆိၪလၩ့ အၥၭ လၧအဂဲးအကၠီၪ့ လၧစအၫဘြဟၫ့, ဒဲစအံစၭ, 25ဒဲစယၫကူၭနီၪလီၫ.- စယိၥၭဒုၭဆိၪလၩ့ၦအံၫစရ့လၭ ဖိၪအၥၭတၭ, စံၭဝ့ၫဒၪ, ယွၩမိဂဲၫအီၪၡီၩ့ နၥံၪတၡါ တၭ, နၥံၪမိဘၪဆိၬထၪ့ခွံၬယဎွံၪလဖၪ ထီးယီၩလီၫ.
26စယိၥၭအၥၭၡါအနံၪ့လယၩ လဆံၫနီၪၥံၫဝ့ၫလီၫ. ၦအီၪက့ၪအစွၪလၧၥံၪတၭ, အီၪက့ၪနုၬဝ့ၫလၧတလၫ လဖျိၪ့အဖၧၩ့ လၧအံဇံၭအဖၧၩ့နီၪလီၫ.
Currently Selected:
ၥ မိ 50: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
