၂ မိ 1
1
1
ၦအံၫစရ လၭဖိၪလဖၪ ဘၪဆၧအၪ့မၧၫ့ဆီၪ့ဝ့ၫ လၧခးအံဇံၭ.
1တၭအယီၩမွဲၦအံၫစရ့လၭဖိၪလဖၪအမံၩ့, လၧအဂဲၫ နုၬလၧအံဇံၭအဖၧၩ့း လဂၩဒဲအၡၩဂံၪ့ဖိၪ, လဂၩဒဲအ 2ၡၩဂံၪ့ဖိၪဂဲၫဝ့ၫလၧစယၫကူၭအၥိၭလီၫ.- စရုဘံၫ့ စစံ 3မအၧၫ့, စလံဝဲၫ,စယုဒၫ,- စအံစခၫ, စဇ့ၭဘလၧၫ့ဒဲ စ 4ဘံၪ့ယမံၫ့,- စဒၫ့,ဒဲစနၭၥလဲၫ, စဂၭ,ဒဲစအၭၡၧၫလီၫ. 5တၭကယဲၦအၥၭလၧအဂဲၫလၩ့ လၧစယၫကူၭအယး ဒံၩ့နီၪ, မွဲၦအၥၭနွ့ၫဆံၫလီၫ. အဂဲးဘဲၫယီၩ စယိၥၭ 6အီၪယူၭဝ့ၫလၧခးအံဇံၭအဖၧၩ့လီၫ.- တၭစယိၥၭၥံၫ ဝ့ၫ,ဒဲအထၧၫ့ဖုဝဲထီးအလူၬ, ဒဲကယဲၦလဆိၩနီၪထီး 7အလူၬလီၫ.- တၭၦအံၫစရ့လၭဖိၪၥံၪၥၪထၪ့, ဒဲအၪထၪ့ ဝ့ၫအၪအၪလ့ၬတၭ, ဆီၪ့ထၪ့ဝ့ၫဒိၪဒိၪလ့ၬလီၫ. တၭ ထံၫၥံၪခးၥံၪနီၪဎွ့ၩလၧအဝ့ၫၥံၪလီၫ.
8တၭစဎွၩအၥၫ့လဂၩ အီၪထၪ့လၧအံဇံၭ အဖၫ့ခိၪ 9လၧအလၥ့ၪယၫဘၪစယိၥၭ,- တၭအဝ့ၫဒၪ စံၭအခ့ၫ အၡၩ,ယိခွါ, ၦခမျၧး, ၦအံၫစရ့လၭဖိၪ အၪနဲၪ့ဆီၪ့ 10နဲၪ့ပဝ့ၫဒၪယီၩလီၫ.- ဂဲၫဘီၪ, မၩၡီၩ့အဝ့ၫၥံၪလၧဆၧ ကိၪ့ၥ့ၪဆံၭး အဝ့ၫၥံၪမိအၪထၪ့တၭ, ဆၧမိမၩဘၪခိၬ အၥၭလၧထီးဒၪဆၧဒုၭၥုၭမိအီၪထၪ့ လမံၩ့မံၩ့တၭ, အဝ့ၫၥံၪမိအီၪက့ၪကီၪ့လိၬအၥၭ လၧၦလၧအမ့ၬလဲၩ ပၧၩတၭ, ဒုၭဆၧထၫ့ဒုၪဒၩပၧၩတၭ, မိစဲၪ့ထၪ့ခွံၬလၧ 11ခးယီၩလီၫ.- တၭဆၧအီၪက့ၪၦအၪ့မၧၫ့ဆီၪ့ဝ့ၫ လၧအ ဝ့ၫၥံၪအဖၫ့ခိၪ, ဘဲၫၥိၭအမိမၩၡၪ့မၩနၭဝ့ၫ လၧအဆၧ အွံၪဆၧယိၭလီၫ. တၭအဝ့ၫၥံၪ ဘၪမၩကဲၪထၪ့ဆၧ အီၪက့ၪကီၪ့အလးအဒိၩ့လဖၪ လၧဖၫရိၫအဂး ဒိၩ့ 12ပဲၥၫ့,ဒဲဒိၩ့ရမံစံၭလီၫ.- မွဲလါနၫ့တၭ, ဒံၩ့အမၩၡၪ့မၩ နၭဝ့ၫနီၪ, ဒံၩ့အဝ့ၫၥံၪ အၪထၪ့ဒဲဆီၪ့ထၪ့ လခီၫလီၫ. တၭအဝ့ၫၥံၪအၥၭဆၫဝ့ၫ လၧၦအံၫစရ့လၭဖိၪအကၠီၩ့ 13လီၫ.- တၭၦအံဇံၭဖိၪၥံၪအၪ့မၧၫ့ ၦအံၫစရ့လၭဖိၪလ 14ဖၪမၩအဆၧဆီၪ့ဆီၪ့လ့ၬလီၫ.- တၭမၩခိမၩဝီၩၦလ ဖၪနီၪလၧဎီးအဆၧမၩ ဘၪဆဲၫ့လၧအၩ့ကတဲၩ, ဒဲၥယိၭ ဒဲကယဲဎီးအဆၧမၩ လၧဆံၬဖၧၩ့လမံၩ့လါလါလီၫ. အ ဝ့ၫၥံၪအဆၧမၩ လၧအဘၪဆၧအၪ့မၧၫ့ အမၩလမံၩ့ လါလါနီၪ, ဘၪမၩဝ့ၫဆီၪ့ဆီၪ့လ့ၬ ကိၭအမံၩ့ဒ့ၭဆ့ လီၫ.
15တၭအံဇံၭအစဎွၩ စံၭၦဟံဘြူၫအၡၩယိၦဂူၭ, အလ ဂၩအမံၩ့မွဲနးၡံၭဖၫ, ဒဲအဝ့ၫဒၪလဂၩ အမံၩ့ နးပူအၫ 16လီၫ.- တၭစံၭဝ့ၫဒၪ, ထီးနၥံၪမၩၦယိၦဂူၭ အလးလၧ ယဟိဝၩၦဟံဘြူၫမုၪအဂးတၭ, အီၪဒံၭလၧလးဆၧၫ့နၩ့ဖိၪအ ဖၫ့ခိၪတၭ, နၥံၪဘၪယိဆၧလီၫ. အ့ၪမွဲအဖိၪခွၫတၭ နၥံၪမိဘၪမၩၥံၫခွံၬဝ့ၫး အ့ၪမွဲအမုၪတၭ, မိမၧၫ့ဘၪဝ့ၫ 17လီၫ.- ၦယိၦဂူၭလဖၪနီၪ ၥၭမဲၪယွၩတၭ, မၩဝ့ၫဘဲၫအံ ဇံၭအစဎွၩ အၪ့မၧၫ့ဝ့ၫအၥိၭနီၪအ့ၬး အ့ၪမွဲအအီၪ 18က့ၪမၧၫ့ၦဖိၪၥၪအခွၫလဖၪလီၫ.- အံဇံၭစဎွၩကိၭထဲၩ့ ၦယိၦဂူၭတၭ, စံၭအဝ့ၫၥံၪ, နၥံၪမၩဆၧယီၩတၭ, ဒုၭ 19မၧၫ့ဒံၭၦဖိၪၥၪအခွၫ လဖၪနီၪမွဲဘၪလဲၪ.- တၭၦယိ ၦဂူၭစံၭဖၫရိၫ, အဂဲးဘဲၫယီၩ ၦဟံဘြူၫမုၪ မွဲဘဲၫၦအံ ဇံၭမုၪအၥိၭအ့ၬ. အဝ့ၫၥံၪအဂဲးဆီၪ့ အဘၭဆီၪ့တၭ, ၦယိၦဂူၭလချႃၭထီၩ့ဒံၭဘၪ လၧအအီၪတၭ, လၩ့ဖျဲၪ 20ဝ့ၫလီၫ.- ယွၩမၩဂ့ၩၦယိၦဂူၭတၭ, ၦခမျၧးအၪထၪ့ဒဲ 21ဆီၪ့ထၪ့ဆီၪ့မၬလီၫ.- မွဲၦယိၦဂူၭၥၭမဲၪယွၩ အကၠီၩ့ 22တၭ,အဝ့ၫဒုၭအၪထၪ့ ၦခမျၧးအဂံၪ့ဖိၪလီၫ.- ဖၫရိၫမၪ လူၬအခ့ၫအၡၩ ထီးအလူၬတၭ, စံၭဝ့ၫဒၪ, ဖိၪခွၫလၧ အအီၪဖျဲၪလဖၪနီၪ, နၥံၪဘၪခွံၬၡိၭခွံၬ လၧထံၫမိၡါအ ဖၧၩ့ကိၭဂၩဒ့ၭလီၫ. အ့ၪမွဲအမုၪလဖၪနီၪ နၥံၪဘၪဒုၭ မၧၫ့ကိၭဂၩဒ့ၭလီၫ.
Currently Selected:
၂ မိ 1: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
