၂ မိ 2

စမိစ့ၭအီၪဖျဲၪထၪ့အဂဲး.

1တၭၦလၧလံဝဲၫအဂံၪ့ဖိၪအကျၩ လဂၩလ့ၩန့မၫလၧ 2လံဝဲၫအဖိၪမုၪလဂၩလီၫ.- ၦမုၪနီၪဒၧၩ့ထၪ့တၭ, ဆီၫ့ အီၪန့အဖိၪခွၫတၭ, ဒၪဘၪဝ့ၫလၧအမွဲအဂ့ၩနီၪ, အီၪ 3က့ၪၥူၪခွံၬဝ့ၫလၩၥၧၫ့ဘံၪ့လီၫ.- ထီးအအီၪက့ၪၥူၪဝ့ၫ လၥ့ၪလၧၩ့ဘၪတၭ, အၪ့မၩန့ဆူၬ လၧၦထဲၫ့ဝ့ၫလၧခီၫ့ ဘီၩ့တၭ, ဂုၪဝ့ၫလၧကျဲၩ့တံၭခိလီၪ့, ဒဲၥံၪ့ထူၭတၭ, အီၪက့ၪဖိၪၥၪနီၪလၧအဖၧၩ့တၭ, အီၪက့ၪလၩ့ဝ့ၫလၧ 4ဖီးထံၫအကျၩ လၧထံၫမိၡါအနဲၩ့နီၪလီၫ.- ဆၧမိမၩအ ဝ့ၫဒၪဘဲၫၥ့ၪလဲၪ, ဘဲၫၥ့ၪလဲၪနီၪ, ဘဲၫၥိၭအမိၥ့ၪယၫဝ့ၫ တၭ,အဝဲမုၪလဂၩဆၧၫ့ထုၪ့အီၪယဲၩ့ လၧအဝ့ၫဒၪလီၫ.

5ဖၫရိၫအဖိၪမုၪလဂၩ ဂဲၫလၩ့အၪ့လူထံၫလၧထံၫမိၡါ တၭ, အဎီးအၡၩအမုၪလဖၪ လ့ၩဆၧလၧထံၫမိၡါအ နဲၩ့တၭ, ထီးအဒၪဘၪဆူၬနီၪ အီၪလၧဖီးထံၫအကျၩ 6တၭ,အၪ့မၧၫ့အဎီးမုၪလဂၩ လ့ၩမၩန့ဝ့ၫလီၫ.- ထီးအ ဝဲထၪ့ဝ့ၫတၭ, ဒၪဘၪဖိၪၥၪတၭ, ယိခွါ, ဖိၪၥၪနီၪဂၪ့ဝ့ၫ ဒၪလီၫ. မွဲအယၫ့ၥၭဝ့ၫတၭ, စံၭဝ့ၫဒၪ, အယီၩမွဲၦဟံ 7ဘြူၫဖိၪအဖိၪခွၫလဂၩလီၫ.- တၭအဝဲမုၪစံၭဖၫရိၫအ ဖိၪမုၪ,မွဲယမိဘၪ လ့ၩကိၭန့နၧၩ လၧၦဟံဘြူၫမုၪလၧ အဒုၭအၪ့နူလဂၩ, ဘဲၫၥိၭအမိဒုၭအၪ့နူဖိၪၥၪယီၩလၧ 8နဂးဆ့ဧၪ.- တၭဖၫရိၫအဖိၪမုၪစံၭအဝ့ၫနီၪ, လ့ၩကဒၪ ဘီၪ. တၭၦမုၪနၩ့လဂၩနီၪ လ့ၩကိၭန့ဖိၪၥၪအမိလီၫ. 9တၭဖၫရိၫအဖိၪမုၪနီၪ စံၭအဝ့ၫဒၪ, ထဲၩ့ဆိၬဖိၪၥၪလ ဂၩယီၩတၭ, ဒုၭအၪ့နူလၧယဂးဆံၭး တၭယမိဖ့ၪလၫ့ နလံၩ့နလဲၫလီၫ. ၦမုၪနီၪမၩန့ဖိၪၥၪတၭ, ဒုၭအၪ့နူဝ့ၫ 10လီၫ.- ဖိၪၥၪနီၪဒိၪထၪ့ဝ့ၫတၭ, အမိဂဲၫထဲၩ့ဆိၬဝ့ၫလၧ ဖၫရိၫအဖိၪမုၪအအီၪတၭ, ကဲၪထၪ့အဝ့ၫဒၪ အဖိၪခွၫ နီၪ,ဖျိၬဝ့ၫအမံၩ့စမိစ့ၭတၭ, စံၭဝ့ၫဒၪ, အဂဲးဘဲၫယီၩ ယကၠူၭထၪ့ခွံၬအဝ့ၫ လၧထံၫကျၩလီၫ.

စမိစ့ၭစဲၪ့ဖီၩ့ဖျ့ၭထၪ့ ဒဲလ့ၩစိၩလၧမံဒအၫ့.

11ဆၧမၩအၥၭ လၧမုနံၩလဖၪနီၪ စမိစ့ၭဒိၪထၪ့ယူၭ တၭ, လ့ၩထၪ့ဝ့ၫလၧအထၧၫ့ဖုဝဲ အအီၪတၭ, ဒၪဘၪဝ့ၫ လၧအဆၧအွံၪဆၧယိၭတၭ, ဒၪဘၪၦအံဇံၭဖိၪ ဖ့ၬၦ 12ဟံဘြူၫဖိၪအထၧၫ့ဖုဝဲလဂၩလီၫ.- ယိဝ့ၫလၧယီၩလခီၫ ဒဲလၧနီၪလခီၫတၭ, ဒၪဘၪၦၡၩနးဂၩအ့ၬတၭ, ဖ့ၬၥံၫၦအံ 13ဇံၭဖိၪနီၪခုၪ့လၩ့ဘၧၩ့ခွံၬဝ့ၫ လၧမ့ၭကျၩလီၫ.- တၭနံၫနံၩ လနံၩနီၪထီးအလ့ၩထၪ့ဝ့ၫ, ယိခွါ, ၦဟံဘြူၫဖိၪနံၫဂၩ မၩဒုၪ့လိၬအၥၭတၭ, အဝ့ၫဒၪစံၭ ၦလၧအမၩလတီၩ 14ဘၪလဂၩနီၪ, နကျီၪ့နၥိၭလဂၩနီၪမွဲဘၪလဲၪ.- တၭအ ဝ့ၫဒၪစံၭဆၧၫ့ဆၧ, မွဲပလၫအီၪက့ၪနၧၩလၧၦဒိၪဖၭဒိၪ ဒဲၦစ့ၩရၫ့ခွးလၧပဖၫ့ခိၪလဂၩလဲၪး နစံၭလၧနမိမၩၥံၫ ယၧၩဘဲၫနမၩၥံၫၦအံဇံၭဖိၪ အၥိၭဆ့ဧၪး စမိစ့ၭၥၭ မဲၪဆၧတၭ, စံၭဝ့ၫဒၪ မွဲမၬၦၥ့ၪယၫဆၧနီၪလမံၩ့လီၫ.

15ဖၫရိၫနါဂၧၫ့ဆၧလမံၩ့နီၪတၭ, အၪ့ဎၬမၩၥံၫစမိစ့ၭ လီၫ.စမိစ့ၭစဲၪ့ထၪ့ခွံၬ လၧဖၫရိၫအမ့ၬယၫတၭ, လ့ၩ အီၪဝ့ၫလၧခးမံဒအၫ့နီၪ ဆၧၫ့နၩ့ဝ့ၫလၧထံၫဖၧၩ့အနဲၩ့ 16ထံၭလီၫ.- ခးမံဒအၫ့အၡၩလုဆၧ အီၪလၧအဖိၪမုၪနွ့ၫ ဂၩတၭ, အဝ့ၫၥံၪဂဲၫအၪ့ဒုၪ့ထံၫ, ဒဲမၩဎွ့ၩချိၭလၧထံၫ ဘဲၫၥိၭအမိဒုၭအီၩ အဖါအၥိၪ ဒဲအဘ့ၪလဖၪအထံၫ 17လီၫ.- တၭၦယိဆၧဖိၪလဖၪ ဂဲၫနၫ့ထၪ့ခွံၬအဝ့ၫၥံၪတၭ, စမိစ့ၭဂဲထုၪ့မၩဘိၭမၩဆၧၩ့အဝ့ၫၥံၪ ဒဲဒုၭအီၩအၥိၪ 18ဒဲဘ့ၪၥံၪအထံၫလီၫ.- အဝ့ၫၥံၪနီၪဂဲၫလၧအဖါစရုၫအ့ လၭအအီၪတၭ, အဆၧစံၭဝ့ၫဒၪ, လၧမုလနံၩယီၩနၥံၪ 19ဂဲၫထဲၩ့ချဲၫ့ချဲၫ့လ့ၬမွဲဘၪလဲၪ.- အဝ့ၫၥံၪစံၭ, ၦအံဇံၭ ဖိၪလဂၩမၩဖီၩ့ဖျ့ၭပၧၩ လၧၦယိဆၧဖိၪ အစူၪဖၧၩ့ တၭ,အၪ့ဒုၪ့ထံၫ လၧၫ့လၧၫ့ဎွ့ၩဎွ့ၩ လၧပဂးတၭ, ဒုၭ 20အီၩၥိၪဒဲဘ့ၪလဖၪအထံၫလီၫ.- တၭအဝ့ၫဒၪ စံၭအဖိၪ မုၪလဖၪနီၪ, မွဲအအီၪခီၫခီၫလဲၪး နၥံၪဂဲၫထဲၩ့ဒုၭအီၪ လၩ့ထးၦလဂၩနီၪ မွဲဘၪလဲၪ. ကိၭန့အဝ့ၫဒၪ ဘဲၫၥိၭ 21အမိအၪ့ဆၧဘီၪ.- ဘၪစမိစ့ၭအၥၭလၧအမိအီၪဝ့ၫလၧ ၦလဂၩနီၪအၥိၭတၭ, အဝ့ၫနီၪဖ့ၪလၫ့စမိစ့ၭလၧအဖိၪ 22မုၪနးဇံၭပိရၫလီၫ.- အဝ့ၫဒၪဆီၫ့အီၪန့အဖိၪခွၫတၭ, ဖျိၬအမံၩ့စဂၧၡၧၫ့လီၫ. အဂဲးဘဲၫယီၩ စံၭဝ့ၫဒၪ, ယမွဲ ယူၭၦမွံၩလၧၦလခီၫဘၩ့မုးအဖၧၩ့လီၫ.

23တၭလၧအၪနံၩအၪၥၫ့အထးဖၧၩ့နီၪ, ဆၧမၩအၥၭ လၧအံဇံၭ အစဎွၩ ၥံၫဝ့ၫလီၫ. တၭၦအံၫစရ့လၭဖိၪ ဂၪ့အုၩဂၪ့ထိၬ လၧအမၩဎီးအဆၧမၩအကၠီၩ့နီၪ, အ ဝ့ၫၥံၪကိၭၡၭထၪ့ဆၧတၭ, အဆၧအၪ့ကံၩ့အၪ့ယၫလၧ အမၩဎီးအဆၧမၩအကၠီၩ့နီၪ ထၪ့ဘၭလၧယွၩအအီၪ 24တၭ,- ယွၩနါဂၧၫ့အဂၪ့အုၩဂၪ့ထိၬဆၧတၭ, ယွၩနၪ့ ထၪ့ထဲၩ့အဆၧအုၩ့လၩ့ လၧစအၫဘြဟၫ့, ဒဲစအံစၭ, 25ဒဲစယၫကူၭနီၪ,- ယွၩယိလၩ့ၦအံစရ့လၭဖိၪတၭ, ယွၩ ယၫ့ၥၭဝ့ၫဒၪလီၫ.

Currently Selected:

၂ မိ 2: pwokyn2

Highlight

Copy