၂ မိ 3
3
3
ယွၩကိၭစမိစ့ၭ.
1စမိစ့ၭယိအမံၩ့ၡါခးမံဒအၫ့အၡၩလုဆၧ, စယံၭၥြိၫ အၥိၪဒဲဘ့ၪလဒီၪ့တၭ, ၥိၫ့ထၪ့ခွံၬၥိၪ ဒဲဘ့ၪလဒီၪ့လၧ မံၩ့လၬကျၩအဝါလခီၫတၭ, ဂဲၫထီၩ့လၧယွၩအခိၪလီၩ့ 2ဟိရ့ၭလီၫ.- ယဟိဝၩအၥီၫ့လဂၩ နဲၪဖျီၪထၪ့အၥၭ လၧအဝ့ၫဒၪလၧမ့ၪခဲၩအဖၧၩ့ လၧဆၧၡိၬကျၩနီၪ, အ အဝ့ၫဒၪယိဝ့ၫတၭ, ယိခွါ, ဆၧဆူၭထၪ့ဆၧၡိၬနီၪလၧ 3မ့ၪလါနၫ့တၭ, အၪ့ဆၧၡိၬနီၪဆ့အ့ၬ.- စမိစ့ၭစံၭဝ့ၫဒၪ, ယမိကၠၪယၥၭ ဘိၩ့နဲၪ့ယီၩတၭ, ယိဆၧအီၪဖျီၪလၩ့ လၭယီၩ, လၧမ့ၪလအၪ့ဘၪ ဆၧၡိၬလဝၩ့နီၪ အဂဲး 4လီၫ.- တၭယဟိဝၩဒၪဘၪဝ့ၫ လၧအကၠၪအၥၭဘဲၫၥိၭ အမိယိဆၧတၭ, ယွၩကိၭထၪ့အဝ့ၫဒၪ လၧၥံၪ့ဆၧၡိၬ လဝၩ့အၥၭကျၩတၭ, စံၭဝ့ၫဒၪ, စမိစ့ၭဧ့ၬ စမိစ့ၭဧ့ၬ 5တၭအဝ့ၫဒၪစံၭဆၧၫ့ဝ့ၫ, ယအီၪထီးယီၩလီၫ.- တၭ စံၭဝ့ၫဒၪ,ၥုၭဘူၭနၥၭ ထီးယီၩလဂ့ၩ, ကွဲၪလၩ့ခွံၬနခၪ့ ဖံၭအဖျံၩတၭ, ဘဲၪ့လၩ့ခွံၬနခၪ့ဖံၭနီၪဆံၭ. အဂဲးဘဲၫ ယီၩဆၧအလးထီးနဆၧၫ့ထုၪ့နီၪ မွဲဂၪ့ခိၪဆံၫ့ဎံၪလီၫ. 6တၭစံၭဝ့ၫဒၪ, ယမွဲနဖါအယွၩ, စအၫဘြဟၫ့အယွၩ, စအံစၭ အယွၩ, ဒဲစယၫကူၭ အယွၩလီၫ. ထီးနီၪလ ဖၧၫ့ စမိစ့ၭချႃၬဘံၭအမ့ၬလီၫ. အဂဲးဘဲၫယီၩ မွဲအယိ ယွၩအမ့ၬနီၪ ၥၭမဲၪဝ့ၫဒၪလီၫ.
7တၭယဟိဝၩစံၭဝ့ၫ, ယဒၪဘၪတၡါယူၭ, ယခ့ၫယ ၡၩလဖၪလၧအံဇံၭအဖၧၩ့ အဆၧၡၪ့ဆၧနၭ, ဒဲယနါ ဂၧၫ့ယူၭ အဝ့ၫၥံၪ အဆၧကိၭၡၭထၪ့ယူၭ လၧကဆါ လၧအအၪ့မၧၫ့အဝ့ၫၥံၪအကၠီၩ့နီၪလီၫ. အဂဲးဘဲၫယီၩ 8ယၥ့ၪယၫအၥုၪ့ခိအၥၭဝီၩလီၫ.- တၭယဂဲၫလၩ့ဘဲၫ ၥိၭယမိမၩဖီၩ့မၩဖျ့ၭအဝ့ၫၥံၪ လၧၦအံဇံၭဖိၪအစူၪ ဖၧၩ့,ဒဲဒုၭစဲၪ့ထၪ့ခွံၬ လၧခးလဘံၪ့နီၪအဖၧၩ့, ထီၩ့ လၧခးလဘံၪ့ လၧအဂ့ၩဒဲလၧအလဲ, ဒဲခးလဘံၪ့လၧ အယွၩဝ့ၫလၧဆၧနူထံၫဒဲန့ၫစၩ့, လၧၦကၫနအၫ့ဖိၪ, ဒဲၦဟ့ၥၭဖိၪ, ဒဲၦအၫမိၫဖိၪ, ဒဲၦပံရ့ၭဖိၪ, ဒဲဟံဝဲၭဖိၪ ဒဲၦ 9ယ့ဘုၫဖိၪၥံၪအလးလီၫ.- တၭယိခွါ, ဘိၩ့နဲၪ့ယီၩ, ၦအံၫစရ့လၭဖိၪ အဆၧဂၪ့ကိၭဂၪ့ၡၭနီၪ ထၪ့ဘၭလၧ ယအီၪတၭ ယဒၪဆ့ယူၭ, အဝ့ၫၥံၪအဆၧအၧၩ့ဆၧၥၫ့ အဆၧၡၪ့ဆၧနၭ လၧၦအံဇံၭဖိၪလဖၪ မၩဝ့ၫလီၫ. 10တၭဘိၩ့နဲၪ့ယီၩ, ဂဲၫဘီၪ, ယမိအၪ့မၧၫ့လၩ့နလ့ၩလၧ ဖၫရိၫအအီၪဘဲၫၥိၭ နမိဒုၭစဲၪ့ထၪ့ ယခ့ၫယၡၩခမျၧး 11ၦအံၫစရ့လၭဖိၪလၧအံဇံၭအဖၧၩ့နီၪလီၫ.- တၭစမိစ့ၭ စံၭယွၩ, ယဝ့ၫဒၪယီၩ ယမွဲပလၫလၧအမိလ့ၩလၧဖၫ ရိၫအအီၪတၭ, ဒုၭစဲၪ့ထၪ့ခွံၬၦအံၫစရ့လၭဖိၪလၧအံ 12ဇံၭအဖၧၩ့လဂၩလဲၪ.- တၭအဆၧချဲၩ့ဆၧၫ့ဝ့ၫဒၪ, ယမိ အီၪတၡါလၧနၥိၭလီၫ. တၭအယီၩမွဲဆၧမၩနဲၪ့လၧ ယအၪ့မၧၫ့လၩ့နၧၩ, ထီးနဒုၭစဲၪ့ထၪ့ခွံၬ ၦခမျၧးလၧအံ ဇံၭအဖၧၩ့တၭ, နၥံၪမိမၩယွၩအဆၧလၧခိၪလီၩ့လဖျိၪ့ ယီၩအလီၩ့လီၫ.
13တၭစမိစ့ၭစံၭယွၩ,ယိခွါ, ယဝ့ၫဒၪယီၩယအ့ၪထီၩ့ လၧၦအံၫစရ့လၭဖိၪအအီၪတၭ, ယစံၭအဝ့ၫၥံၪ, နၥံၪ အဖါလဖၪအယွၩအၪ့မၧၫ့လၩ့န့ယၧၩ လၧနၥံၪအအီၪ တၭ,အဝ့ၫၥံၪမိစံၭယၧၩ, အမံၩ့, မွဲဆၧနီၪလမံၩ့လဲၪး 14တၭယမိဘၪစံၭဆၧၫ့အဝ့ၫၥံၪဘဲၫၥ့ၪလဲၪ.- တၭယွၩ စံၭစမိစ့ၭ, ယမွဲဆၧအီၪ, တၭအဝ့ၫနီၪ စံၭဝ့ၫဒၪ, နဘၪလီၩဘၪၦအံၫစရ့လၭဖိၪဘဲၫယီၩ, ယအီၪ အၪ့ 15မၧၫ့လၩ့ယၧၩလၧနၥံၪအအီၪလီၫ.- တၭယွၩစံၭစမိစ့ၭ နဘၪစံၭၦအံၫစရ့လၭဖိၪဘဲၫယီၩ, ယဟိဝၩနၥံၪအဖါ ၥံၪအယွၩ, စအၫဘြဟၫ့အယွၩ, စအံစၭအယွၩ, စယၫ ကူၭအယွၩအၪ့မၧၫ့လၩ့ယၧၩ လၧနၥံၪအအီၪလီၫ. အ နီၪမွဲယမံၩ့အဆိၩဆိၩအကၠၪကၠၪ, ဒဲအနီၪ, မွဲဆၧဒုၭ 16နၪ့ထၪ့ထဲၩ့ယၧၩ အဆိၩဆိၩအကၠၪကၠၪလီၫ.- လ့ၩ ဘီၪ,တၭဒုၭအီၪကိၩ့အီၪကီၪ့ ၦအံၫစရ့လၭဖိၪ အၥုၪ့ က့ၭအၥၭၡါလဖၪတၭ, စံၭအဝ့ၫၥံၪ, ယဟိဝၩနၥံၪအဖါ လဖၪအယွၩ, စအၫဘြဟၫ့, စအံစၭ, စယၫကူၭအယွၩ နဲၪဖျီၪထၪ့အၥၭလၧယၧၩတၭ, စံၭဝ့ၫဒၪ, ယအီၪၡီၩ့ တၡါယူၭနၥံၪ, ဒဲဆၧလၧအမၩနၥံၪလၧအံဇံၭအဖၧၩ့ 17ယဒၪဘၪယူၭ.- တၭယလီၩဘၪယူၭ, ယမိဒုၭလ့ၩထၪ့ ခွံၬနၥံၪ လၧအံဇံၭအဆၧၡၪ့ဆၧနၭအဖၧၩ့ ထီၩ့လၧၦ ကၫနအၫ့ဖိၪ, ဒဲၦဟ့ၥၭဖိၪ, ဒဲၦအၫမိၫဖိၪ, ဒဲၦပံရ့ၭဖိၪ, ဒဲၦဟံဝဲၭ, ဒဲယ့ဘုၫဖိၪၥံၪအခး, ထီၩ့လၧခးလဘံၪ့လၧ 18အယွၩလၩ့လၧဆၧနူထံၫ, ဒဲန့ၫစၩ့လီၫ.- တၭအဝ့ၫၥံၪမိ ခိၭနၪနလူတၭ, နဘၪဂဲၫနဝ့ၫ, ဒဲၦအံၫစရ့လၭဖိၪအၥုၪ့ က့ၭအၥၭၡါ, လၧအံဇံၭအစဎွၩအအီၪတၭ, နၥံၪဘၪ စံၭအဝ့ၫ,ယဟိဝၩ, ၦဟံဘြူၫဖိၪအယွၩဒၪဘၪလိၬအ ၥၭလၧပၧၩတၭ, ဘိၩ့နဲၪ့ယီၩဒုၭလ့ၩလါပၧၩ ၥၧၫ့နံၩ ဖၧၩ့ၥၭ လၧမံၩ့လၬကျၩ, ဘဲၫၥိၭပမိလုထၪ့ဆၧလၧ 19ယဟိဝၩပယွၩနီၪဆံၭ.- တၭယၥ့ၪယၫယဝ့ၫလၧဆၧ အစူၪဆီၪ့အခၪ့ဆီၪ့အ့ၪလအီၪဘၪတၭ, အံဇံၭအစဎွၩ 20ဖ့ၪလၫ့နၥံၪလ့ၩအ့ၬ.- ယမိယၩ့ထၪ့ယစူၪတၭ, ထး အံဇံၭလၧဆၧလၩ့လိလၩ့လၭ, လၧယမိမၩလၧအၥၭခံ ဖၧၩ့ထီးအလူၬလီၫ. တၭဆၧလဖၪနီၪအလးခဲၫ့မွဲအမိ 21ကွဲၪဖျါနၥံၪလီၫ.- ယမိဖ့ၪလၫ့ၦခမျၧးနီၪ လၧဆၧအခိး အတၩလၧၦအံဇံၭဖိၪအမ့ၬယၫတၭ, ထီးနၥံၪအ့ၪလ့ၩ ထၪ့ခွံၬနီၪ, ဆၧမိမၩအၥၭလၧနၥံၪမိလ့ၩထၪ့ဘၪပျီၩ 22ပျီၩအ့ၬ,- တၭကယဲၦမုၪလဂၩလါလါ, မိအၪ့ကံၩ့က ယၧၩ့စ့ၩ ဒဲကယၧၩ့ထီၫ့, ဒဲဆၧကီၩ့ဆၧၥိၭ လၧၦအီၪ လၧအနဲၩ့ထံၭ, ဒဲၦအီၪမွံၩလၧအဂံၪ့ဖၧၩ့, ဒဲနၥံၪမိဒုၭ ကီၩ့ဒုၭၥိၭနၥံၪအဖိၪခွၫၥံၪ, ဒဲနၥံၪအဖိၪမုၪၥံၪ, ဒဲနၥံၪမိ အၪ့ဂူၬန့ၦအံဇံၭဖိၪအဆၧလီၫ.
Currently Selected:
၂ မိ 3: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
