၂ မိ 4

ယွၩဖ့ၪလၫ့စမိစ့ၭ လၧဆၧစီၩ့ဆၧမၩ့လၩ့လိလၩ့လၭ.

1တၭစမိစ့ၭစံၭဆၧၫ့ဆၧတၭ, စံၭဝ့ၫဒၪ,ယိခွါ, အဝ့ၫ ၥံၪမိနဲၩယၧၩအ့ၬ. တၭမိခိၭနၪယလူအ့ၬ, အဂဲးဘဲၫ ယီၩမိစံၭဝ့ၫ, ယဟိဝၩနဲၪဖျီၪထၪ့အၥၭ လၧနၧၩအ့ၬ. 2တၭယဟိဝၩစံၭအဝ့ၫ, ဆၧအီၪလၧနစူၪဖၧၩ့မွဲဆၧနီၪ 3မံၩ့လဲၪး တၭအဝ့ၫဒၪစံၭ, မွဲနိၪထိၭဘီၩ့လီၫ.- တၭအ ဆၧစံၭဝ့ၫဒၪ, ခွံၬလၩ့ခွံၬလၧဂၪ့ခိၪဆံၭ. တၭအဝ့ၫနီၪ ခွံၬလၩ့ခွံၬဝ့ၫလၧဂၪ့ခိၪနီၪတၭ, ဆၧကဲၪထၪ့ဂူလဘီၩ့ 4တၭ,စမိစ့ၭစဲၪ့ခွံၬလၧအမ့ၬယၫလီၫ.- ယဟိဝၩစံၭ စမိစ့ၭ, ယူၬထၪ့နစူၪတၭ, ဖီၪ့န့လၧအမ့နီၪဆံၭ. အ ဆၧယူၬထၪ့အစူၪတၭ, မၩန့ဝ့ၫနီၪ, ဆၧကဲၪထၪ့ထဲၩ့နိၪ 5ထိၭဘီၩ့လၧအစူၪဖၧၩ့,- ဘဲၫၥိၭအဝ့ၫၥံၪ မိနဲၩလၧ ယဟိဝၩ, အဖါလဖၪအယွၩ, စအၫဘြဟၫ့အယွၩ, စအံစၭအယွၩ, စယၫကူၭအယွၩနီၪ နဲၪဖျီၪထၪ့ယူၭ အၥၭလၧနမ့ၬယၫယူၭအဂဲးလီၫ.

6တၭယဟိဝၩစံၭအဝ့ၫဒၪ, အီၪက့ၪနစူၪလၧနၥၭနၫ ၡါအဖၧၩ့ဆံၭး အဝ့ၫဒုၭနုၬအစူၪ လၧအၥၭနၫၡါအ ဖၧၩ့တၭ,ထုၭထၪ့ဝ့ၫနီၪ, ယိခွါ, အစူၪခံၫထူၬထၪ့ကဲၪ 7ဘဲၫမူၭခိၪဖီၫအၥိၭနီၪလီၫ.- တၭအဆၧစံၭဝ့ၫဒၪ, အီၪ က့ၪထဲၩ့ဒီၭနစူၪလၧနၥၭနၫၡါအဖၧၩ့နီၪဆံၭ. တၭအ ဝ့ၫနီၪအီၪက့ၪထဲၩ့အစူၪ လၧအၥၭနၫၡါအဖၧၩ့တၭ, ထုၭထၪ့ထဲၩ့ဝ့ၫလၧအၥၭနၫၡါနီၪ, ယိခွါ, ကဲၪထဲၩ့ဝ့ၫ 8ဘဲၫအယၪအၥိၭနီၪလီၫ.- ဆၧမိမၩအၥၭလၧအဝ့ၫၥံၪ အ့ၪလနဲၩဘၪနၧၩတၭ, အ့ၪလနဲၩဘၪဆၧမၩနဲၪ့ အ ခၪ့ထံၭအလူတၭ, မိခိၭနၪဆၧမၩ နဲၪ့လၧခဲၫ့လမံၩ့အလူ 9နီၪလီၫ.- တၭဆၧမိမၩအၥၭ လၧအဝ့ၫၥံၪနီၪ, အ့ၪလ နဲၩဘၪဆၧမၩနဲၪ့ နံၫမံၩ့ယီၩတၭ, အ့ၪလခိၭနၪဘၪန လူနီၪ,နဘၪမၩန့ထံၫ လၧထံၫမိၡါအဖၧၩ့တၭ, လူၫလၩ့ လၧခီၫ့လီၫ. တၭထံၫလၧနမၩန့လၧထံၫမိၡါအဖၧၩ့နီၪ မိကဲၪထၪ့ဆၧၥွံၪလၧခီၫ့လီၫ.

10တၭစမိစ့ၭ စံၭယဟိဝၩ, ပျဲၩဒၪခလူၬဆံၭ, ယက ဆါဧ့,လၧအၥၫ့မွဲဂ့ၩ, လၧနချဲၩ့ဒုၪ့နဎီးနၡၩအလးခဲၫ့မွဲ ဂ့ၩ, ယမွဲၦလၧအချဲၩ့ဆၧၥ့ၪနီၪ, မွဲအ့ၬ,အဂဲးဘဲၫယီၩ 11ယဝ့ၫဒၪယီၩ, ယနိၭဒဲယဖျ့ၩယီၩ ဎၧၫ့ဝ့ၫဒၪလီၫ.- တၭ ယဟိဝၩစံၭအဝ့ၫ, မွဲပလၫအီၪက့ၪနိၭလၧၦၡၩလဂၩ လဲၪး ဒဲမွဲပလၫအီၪက့ၪၦချဲၩ့ဘုၭထၬ, ၦနါအၧၩ့, ၦဒၪ ဆၧၥ့ၪ, ၦမ့ၬဘျီၪနီၪလဂၩလဲၪး ယၧၩ, ယဟိဝၩမွဲအ့ၬ 12ဧၪ.- တၭဘိၩ့နဲၪ့ယီၩ, လ့ၩဘီၪ, ယမိအီၪလၧနနိၭတၭ, နမိချဲၩ့ဆၧ ဘဲၫၥ့ၪလဲၪဘဲၫၥ့ၪလဲၪနီၪ, ယမိၥီၪ့လိၪနၧၩ 13လီၫ.- တၭအဝ့ၫနီၪစံၭ, ကဆါဧ့, ယအၪ့ကံၩ့နၧၩအၪ့ မၧၫ့လၩ့လါၦလၧအဘၪနၥၭလဂၩနီၪဆံၭ.

14ယဟိဝၩအၥၭထၪ့ခဲၩထၪ့ဘၪစမိစ့ၭတၭ, စံၭဝ့ၫဒၪ, ၦလံဝဲၫဖိၪ, စအၫရၧၫ့နီၪ, မွဲနထၧၫ့ဖုဝဲအ့ၬဧၪ. ယၥ့ၪ ယၫလၧအဝ့ၫဒၪချဲၩ့ဆၧၥ့ၪလီၫ. လၧနီၪအမ့ၬယၫ, ယိ ခွါ,အဝ့ၫဒၪဂဲၫဆီးနၧၩတၭ, ထီးအဒၪဘၪနၧၩ, မိၥုၪ့ 15ထိၬၥၭထိၬဝ့ၫလီၫ.- နဘၪချဲၩ့ဆၧလၧအဝ့ၫနီၪ, အီၪ က့ၪဆၧချဲၩ့လၧအနိၭဖၧၩ့တၭ, ယမိအီၪလၧနနိၭ, ဒဲအ ဝ့ၫဒၪအနိၭတၭ, နၥံၪမိမၩဆၧဘဲၫၥ့ၪလဲၪ, ဘဲၫၥ့ၪလဲၪ, 16ယမိၥီၪ့လိၪနၥံၪလီၫ.- အဝ့ၫဒၪနီၪမိချဲၩ့လၧၦခမျၧးလၧ နဂးတၭ, အဝ့ၫဒၪမိအီၪဘၪလၧနဂး, လၧနိၭအလး 17တၭနဝ့ၫဒၪ နမိကဲၪထၪ့ဘဲၫယွၩၥိၭ လၧအဂးလီၫ.- န ဘၪမၩန့နိၪထိၭဘီၩ့ လၧနစူၪဖၧၩ့တၭ, နဘၪမၩဆၧ လၩ့လၭလဖၪ လၧဆၧနီၪလီၫ.

စမိစ့ၭဂဲၫထဲၩ့ထဲၩ့လၧခးအံဇံၭ.

18စမိစ့ၭလ့ၩထၪ့တၭ, ထဲၩ့ထဲၩ့ဝ့ၫလၧအမံၩ့ၡါ, စယံၭ ၥြိၫအအီၪနီၪ,စံၭဝ့ၫ, ဒုၭစဲၪ့ထၪ့ခွံၬယၧၩတၭ, ဒုၭထဲၩ့ထဲၩ့ ယၧၩလၧယထၧၫ့ ဖုဝဲလဖၪအအီၪ, လၧအံဇံၭအဖၧၩ့တၭ, အဝ့ၫၥံၪမၧၫ့ဒံၭဧၪနီၪ, ယမိၥ့ၪယၫလီၫ. တၭစယံၭၥြိၫစံၭ စမိစ့ၭ, လ့ၩကဒၪမုၬမုၬဘီၪ.

19တၭယဟိဝၩစံၭစမိစ့ၭ လၧခးမံဒအၫ့အဖၧၩ့နီၪ,လ့ၩ ဘီၪ. ထဲၩ့ထဲၩ့လၧအံဇံၭအဖၧၩ့ဆံၭ, အဂဲးဘဲၫယီၩ, ၦလဖၪလၧအအၪ့ဎၬ နၥၭမၧၫ့နီၪ ၥံၫယူၭထီးအလူၬ 20ယူၭ.- စမိစ့ၭမၩန့အမၫ, ဒဲအဖိၪခွၫလဖၪတၭ, ဒုၭထူၬ ထၪ့အဝ့ၫၥံၪလၧကၥ့ၪယီၩ့တၭ, ထဲၩ့ထဲၩ့ဝ့ၫလၧခးအံ ဇံၭအဖၧၩ့လီၫ. တၭစမိစ့ၭအၪ့မၩန့ ယွၩအနိၪထိၭဘီၩ့ 21လၧအစူၪဖၧၩ့လီၫ.- တၭယဟိဝၩစံၭစမိစ့ၭ, ထီးနအ့ၪ လ့ၩဆၧဘဲၫၥိၭနမိထဲၩ့ထဲၩ့ လၧခးအံဇံၭနီၪ, ယိခွါ,က ယဲဆၧလၩ့လၭ အဆၧမၩနဲၪ့ လၧယအီၪက့ၪ လၧနစူၪ ဖၧၩ့နီၪ, မၩလၧဖၫရိၫအမ့ၬယၫဆံၭ. ယမိဒုၭဆီၪ့ထၪ့ 22အၥၭတၭ, လမိကွဲၪဖျါဘၪၦခမျၧးလီၫ. တၭနဘၪစံၭ ဖၫရိၫ,ယဟိဝၩစံၭဘဲၫယီၩ, ၦအံၫစရ့လၭမွဲယဖိၪ 23ခွၫ,ယဖိၪဝဲၡါလီၫ.- တၭယစံၭ, ကွဲၪဖျါခွံၬယဖိၪခွၫ, ဘဲၫၥိၭအမိမၩယဆၧဆံၭ. နအ့ၪလကွဲၪဖျါခွံၬဘၪနီၪ, ယိခွါ,ယမိမၩၥံၫနဖိၪခွၫ, နဖိၪဝဲၡါလီၫ.

24ဆၧမၩအၥၭလၧဖၧၩ့ၥၭ, ထီးအအီၪလၧၥရိၬဖၧၩ့ နီၪ,ယဟိဝၩဒၪဘၪအဝ့ၫတၭ, အၪ့ဎၬမၩၥံၫဝ့ၫလီၫ. 25တၭနးဇံၭပိရၫ အၪ့မၩန့ထၪ့လိး လၧအအဲၪ့ဝ့ၫတၭ, ကူၭတရံၭအဖိၪခွၫ အဆၧခိၪဖံၭတၭ, ခွံၬလၩ့ဝ့ၫလၧအ ခၪ့ထံၭ, စံၭဝ့ၫဒၪ, မွဲမၬ, နမွဲဝၩဘၪဆဲၫ့လၧဆၧၥွံၪလၧ 26ယဂးတၭး ဆၧဖျါခွံၬဝ့ၫလီၫ.- ထီးနီၪလဖၧၫ့နးဇံၭပိ ရၫစံၭဝ့ၫဒၪ, နမွဲဝၩဘၪဆဲၫ့လၧဆၧၥွံၪလၧဆၧကူၭတ ရံၭအကၠီၩ့လီၫ.

27တၭယဟိဝၩစံၭစအၫရၧၫ့, လ့ၩဆီးစမိစ့ၭ လၧမံၩ့ လၬကျၩအဖၧၩ့နီၪဆံၭ. တၭအဝ့ၫဒၪ လ့ၩဆီးဝ့ၫလၧ 28ယွၩအခိၪလီၩ့နီၪတၭ, အဲၪဂါဝ့ၫလီၫ.- တၭစမိစ့ၭလီၩ ဘၪစအၫရၧၫ့လၧယဟိဝၩအၪ့မၧၫ့လၩ့ဝ့ၫ လၧဆၧချဲၩ့ ထီးအလူၬ, ဒဲဆၧလၩ့လၭလဖၪ လၧအမၪလူၬဝ့ၫထီးအ လူၬလီၫ.

29တၭစမိစ့ၭဒဲစအၫရၧၫ့ လ့ၩဒုၭအီၪကီၪ့ၦအံၫစရ့လၭ 30ဖိၪအၥုၪ့က့ၭၥၭၡါထီးအလူၬလီၫ.- တၭစအၫရၧၫ့လီၩ လၩ့လၬလၩ့ဆၧချဲၩ့ လၧယဟိဝၩလီၩဘၪ စမိစ့ၭထီး အလူၬ, ဒဲမၩလၩ့လၭဆၧလဖၪ လၧၦခမျၧးအမ့ၬယၫ 31လီၫ.- ၦခမျၧးနဲၩထဲၩ့ဝ့ၫတၭ, နါဂၧၫ့ဝ့ၫလၧယဟိဝၩ အီၪၡီၩ့ယူၭအံၫစရ့လၭဖိၪနီၪ, ဒဲလၧအယိယူၭ အဆၧ ၡၪ့ဆၧနၭယူၭး ထီးနီၪလဖၧၫ့ အဝ့ၫၥံၪ ၡီၫ့လၩ့အခိၪ တၭဘိၪ့ထၪ့ဘၩထၪ့ဆၧလီၫ.

Currently Selected:

၂ မိ 4: pwokyn2

Highlight

Copy