၂ မိ 5

စမိစ့ၭဒဲစအၫရၧၫ့ အီၪလၧခးအံဇံၭ အစဎွၩ အမ့ၬယၫ.

1လၧခဲၫ့ထဲၩ့တၭ, စမိစ့ၭဒဲစအၫရၧၫ့လ့ၩနုၬတၭ, စံၭ ဖၫရိၫ, ယဟိဝၩၦအံၫစရ့လၭအယွၩ စံၭဘဲၫယီၩ, ကွဲၪ ဖျါခွံၬယၡၩခမျၧးဘဲၫၥိၭအမိလ့ၩမၩဘိၪ့ လၧယဂး, 2လၧမံၩ့လၬကျၩနီၪဆံၭ.- တၭဖၫရိၫစံၭဝ့ၫဒၪ, ဘဲၫၥိၭ ယမိခိၭနၪအလူတၭ, ကွဲၪဖျါခွံၬအံၫစရ့လၭနီၪ, ယဟိ ဝၩမွဲပလၫလဂၩလဲၪ. ယဟိဝၩယၥ့ၪယၫအ့ၬး တၭယ 3ကွဲၪဖျါခွံၬအံၫစရ့လၭဖိၪဆ့အ့ၬ.- တၭအဝ့ၫၥံၪစံၭဆၧၫ့, ၦဟံဘြူၫဖိၪအယွၩ အီၪၡီၩ့ယူၭပၧၩယူၭတၭး ဒုၭလ့ၩ လါပၧၩဘီၪး ဘဲၫၥိၭပမိလ့ၩ လၧမံၩ့လၬကျၩၥၧၫ့နံၩ ဖၧၩ့ၥၭနီၪ, ဒဲလုထၪ့ယဟိဝၩပယွၩနီၪဆံၭ. အ့ၪလမွဲ ဘၪဘဲၫနီၪတၭ, ဘၪလဘၪအဆၧမိဒုၭဘၪဘၪခိၬပၧၩ လၧဆၧၥံၫချဲၫ့မွဲဂ့ၩ, လၧဖၩ့ၥံၪ နၭၥံၪမွဲဂ့ၩနီၪလီၫ. 4တၭအံဇံၭအစဎွၩစံၭအဝ့ၫၥံၪ, မွဲဘၪနီၫလၧနၥံၪ, စမိ စ့ၭဒဲစအၫရၧၫ့ပဒၩ့ၦခမျၧး လၧအမၩဆၧနီၪလဲၪ. လ့ၩ 5မၩကဒၪနၥံၪအဆၧမၩနီၪအ့ၪဆီၪ့ဘီၪ.- တၭဖၫရိၫစံၭ ဝ့ၫဒၪ,ယိခွါ, ဘိၩ့နဲၪ့ယီၩထံၫၥံၪခးၥံၪအၡၩခမျၧးအီၪ အၪမၬလီၫ. တၭနၥံၪဒုၭအီၪထီအဝ့ၫၥံၪ လၧအဆၧဖံၭ ဆၧမၩနီၪကၨၬ

6တၭဆၧလၧမုလနံၩဎးနီၪ ဖၫရိၫမၪလူၬၦခမျၧးအက ဆါၥံၪအၪ့မၧၫ့ဆၧနီၪ, ဒဲၦကဲၪအခိၪလဖၪတၭ, စံၭဝ့ၫ 7ဒၪ,- ဖ့ၪလၫ့ၦခမျၧးလၧလီခၫ့ဘဲၫၥိၭ အမိမၩအၩ့က တဲၩလဖၪ, ဘဲၫလၧမုဂၪတဂၪအၥိၭနီၪလဂ့ၩ, မွဲအဝ့ၫ 8ၥံၪလ့ၩအၪ့ထုၫ့ကီၪ့ဒၪဝ့ၫ လၧအဂးဆံၭ.- တၭအၩ့က တဲၩလဖၪ, ဎွ့ၩဎီၩ့ဘဲၫဆၧစ့ၩရၫ့ လၧအမၩဝ့ၫလၧမုဂၪ တဂၪအၥိၭနီၪ, အၪ့မၧၫ့အမၩဆံၭး ထီးမၩၡၩလၩ့လ ဂ့ၩ,အဂဲးဘဲၫယီၩ အဝ့ၫၥံၪဆၧကၠႃၪ့အၥၭလီၫ. မၩအ ၥၭဘဲၫနီၪတၭ, ကိၭၡၭထၪ့ဆၧ, စံၭဝ့ၫ, ဒုၭလ့ၩလါပၧၩ 9ဘဲၫၥိၭပမိလုထၪ့ပယွၩနီၪဆံၭ.- မၩဎၧၫ့ထၪ့ၦလဖၪနီၪ အဆၧမၩတၭ, ဒုၭမၩအဝ့ၫၥံၪနီၪဆံၭ. မွဲအဝ့ၫၥံၪထီး ခိၭနၪဆၧချဲၩ့ပျီၩပျီၩနီၪလဂ့ၩ.

10ၦခမျၧးအကဆါအၪ့မၧၫ့ဆၧလဖၪနီၪ, ဒဲၦကဲၪအခိၪ လဖၪစဲၪ့ထၪ့ဝ့ၫတၭ, ချဲၩ့ဆၧလၧၦခမျၧးတၭ, စံၭဝ့ၫဒၪ, ဖၫရိၫစံၭဘဲၫယီၩ, ယမိဖ့ၪလၫ့နၥံၪ လၧလီခၫ့အ့ၬ. 11လ့ၩအၪ့မၩန့လီခၫ့ လၧနၥံၪမိဒၪန့လစီၪ့စီၪ့နီၪဆံၭ. မွဲ 12လါနၫ့ဆၧမိမၩၡၩလၩ့နၥံၪအဆၧမၩနးမံၩ့အ့ၬ.- တၭ ၦခမျၧးလၩ့မုလၩ့ဖၭ လၧအံဇံၭ ထၧၫ့ခးယၫ, ဘဲၫၥိၭ 13အမိအၪ့ထုၫ့လီထိၭနၫ လၧလီခၫ့အလးလီၫ.- ဆၧအွံၪ ဆၧယိၭအကဆါလဖၪနီၪ, အၪ့မၧၫ့ဝ့ၫဆီၪ့ဆီၪ့လ့ၬတၭ, စံၭဝ့ၫဒၪ, မၩနၥံၪအဆၧမၩ ထီးအဂီၩ့, နၥံၪအဆၧမၩ လၧလနံၩအဂးလနံၩအဂး ဘဲၫလၧလီခၫ့အီၪဝ့ၫအၥိၭ 14နီၪဆံၭ.- တၭၦအံၫစရ့လၭဖိၪအၡၩကဲၪအခိၪၥံၪလၧ ဖၫရိၫအဆၧအွံၪဆၧယိၭ အကဆါလဖၪ အီၪက့ၪလၧ အဝ့ၫၥံၪအဖၫ့ခိၪလဖၪနီၪ, ဘၪဆၧထးဝ့ၫတၭ, ဆၧစံၭ အဝ့ၫၥံၪ, လၧမုဂၪလနံၩ ဒဲလၧမုဆၫလနံၩယီၩ, နၥံၪမၩ အၩ့ကတဲၩလဖၪ လဎွ့ၩဎီၩ့ဘၪဘဲၫဆၧမၪလူၬနၥံၪလၧ မုဂၪတဂၪအၥိၭနီၪမွဲဘၪလဲၪ.

15တၭၦအံၫစရ့လၭဖိၪ လၧအကဲၪအခိၪၥံၪဂဲၫလၧဖၫရိၫ အအီၪကိၭထၪ့တၭ, စံၭဝ့ၫဒၪ, နမၩနဎီးနၡၩလဖၪဘဲၫ 16ယီၩမွဲဘၪလဲၪ.- ဆၧလဖ့ၪလၫ့ဘၪလီခၫ့ လၧနဎီးနၡၩ တၭ, အဝ့ၫၥံၪစံၭပၧၩ, မၩအၩ့ကတဲၩဆံၭ, တၭယိခွါ, နဎီးနၡၩၥံၪ ဘၪဆၧထးဝ့ၫတၭ, ဆၧဒဲၩဘၭအီၪလၧ 17နခ့ၫနၡၩခမျၧးဒၪနဝ့ၫအလီၩ့လီၫ.- တၭအဝ့ၫနီၪစံၭဝ့ၫ ဒၪ,ဆၧကၠႃၪ့နၥံၪအၥၭ, ဆၧကၠႃၪ့နၥံၪအၥၭလီၫ. အခိး မွဲဘဲၫနီၪတၭ, နၥံၪစံၭ, ဒုၭလ့ၩပၧၩဘဲၫၥိၭပမိလ့ၩလု 18ထၪ့ယဟိဝၩအၥိၭနီၪဆံၭ.- တၭဘိၩ့နဲၪ့ယီၩလ့ၩမၩ ဆၧဆံၭ, တၭၦဘၪဖ့ၪလၫ့လီခၫ့လၧနၥံၪနးဂၩအ့ၬ, မွဲ လါနၫ့တၭ, နၥံၪဘၪဖ့ၪလၫ့အၩ့ကတဲၩ ဎွ့ၩဎီၩ့လၧဆၧ 19စ့ၩရၫ့လီၫ.- တၭၦစံၭဝ့ၫ, နၥံၪအအၩ့ကတဲၩလဖၪ, ဘၪ ဆဲၫ့လၧနၥံၪမၩဆၧလနံၩအဂးလနံၩအဂး လၩ့ၡၩဘၪ အ့ၬအကၠီၩ့နီၪတၭ, ၦအံၫစရ့လၭဖိၪလၧအကဲၪအခိၪ လဖၪဒၪဘၪဝ့ၫ လၧအအီၪ လၧဆၧအၧၩ့အဖၧၩ့လီၫ. 20တၭလၧအဝ့ၫၥံၪစဲၪ့ထၪ့ လၧဖၫရိၫအအီၪနီၪ, ဘၪခီၩ့ 21လၧစမိစ့ၭဒဲစအၫရၧၫ့အီၪ ဆၧၫ့ထုၪ့ဝ့ၫလၧဖၧၩ့ၥၭ,- တၭ စံၭအဝ့ၫၥံၪ, မွဲယဟိဝၩယိနၥံၪတၭစ့ၩရၫ့ဆၧဆံၭ. အ ဂဲးဘဲၫယီၩ ပဆၧနၧၫ့မၧၫ့နီၪ နၥံၪမၩကဲၪထၪ့ယူၭဆၧ နၧၫ့အုၪယူၭလၧဖၫရိၫအမ့ၬယၫ, ဒဲလၧအခ့ၫအၡၩၥံၪ အမ့ၬယၫ, ဒဲဖ့ၪလၫ့နၭလဘံၪ့လၧအဝ့ၫၥံၪ အစူၪဖၧၩ့, ဘဲၫအမိမၩၥံၫပၧၩအၥိၭလီၫ.

စမိစ့ၭအီၪက့ၪဆၧမၪလၧယွၩအလီၩ့.

22စမိစ့ၭထဲၩ့ထဲၩ့ လၧယဟိဝၩ အအီၪတၭ, စံၭဝ့ၫ, ကဆါဧ့, နမၩအၧၩ့မၩနၭ ၦခမျၧးယီၩမွဲဘၪလဲၪ. မွဲ 23ဘၪနီၫနအၪ့မၧၫ့လၩ့ယၧၩလဲၪ.- လၧယဂဲၫချဲၩ့ဆၧလၧ နမံၩ့လၧဖၫရိၫအအီၪ လံၩလံၩနီၪ, အဝ့ၫဒၪမၩအၧၩ့ မၩနၭၦခမျၧးနီၪတၭ, နမၩဖီၩ့ဖျ့ၭနခ့ၫနၡၩ လၩလါ အ့ၬ.

Currently Selected:

၂ မိ 5: pwokyn2

Highlight

Copy