ၥ မိ 45
45
45
စယိၥၭလီၩဖျီၪထၪ့ အထၧၫ့ဖုဝဲခွၫလဖၪ လၧအဝ့ၫမွဲပလၫလဂၩလဲၪအဂဲး.
1တၭစယိၥၭထုၭအၥၭ လၧၦလၧအဆၧၫ့ထုၪ့လၧ အနဲၩ့ထံၭထီးအလူၬ အမ့ၬယၫကဲၪအ့ၬ. တၭကိၭထၪ့ ဝ့ၫ, ဒုၭစဲၪ့ထၪ့ခွံၬ ကယဲၦလၧယအီၪ ကိၭဂၩဒ့ၭဆံၭ. စယိၥၭနဲၪဖျီၪထၪ့အၥၭ လၧအထၧၫ့ဖုဝဲအမ့ၬယၫအ ဘိၩ့ဘၭနီၪတၭ, ၦဆၧၫ့ထုၪ့ဘၪဝ့ၫ လၧအၥိၭ နးဂၩ 2အ့ၬ.- တၭအဝ့ၫဂၪ့ၥီၫထၪ့တၭ အမ့ၬထံၫလၩ့နီၪ,ၦအံ 3ဇံၭဖိၪ, ဒဲဖၫရိၫအဂံၪ့ဖိၪၥံၪ နါဂၧၫ့ဝ့ၫလီၫ.- တၭစယိ ၥၭစံၭအထၧၫ့ဖုဝဲၥံၪ, ယမွဲစယိၥၭလီၫ. မွဲယဖါမၧၫ့ဒံၭ ဆ့ဧၪ, တၭအထၧၫ့ဖုဝဲချဲၩ့ဆၧၫ့ဝ့ၫ ကဲၪအ့ၬ. အဂဲးဘဲၫ ယီၩအဝ့ၫၥံၪ အၥုၪ့ခိအၥၭဝီၩ လၧအအီၪလၧအမ့ၬယၫ အကၠီၩ့လီၫ.
4တၭစယိၥၭ စံၭအထၧၫ့ဖုဝဲၥံၪ, ၥုၭဘူၭနၥံၪအၥၭ လၧယအီၪဆံၭ. အဝ့ၫၥံၪၥုၭဘူၭအၥၭလီၫ. အဝ့ၫနီၪ စံၭအဝ့ၫၥံၪ, ယမွဲနၥံၪအထၧၫ့ဖုဝဲစယိၥၭ, လၧနၥံၪအၪ့ 5ဆၫလၩ့ခွံၬ လၧအံဇံၭနီၪလီၫ.- တၭဘိၩ့နဲၪ့ယီၩ, နၥံၪ ထီးၥၭအုၭလဂ့ၩး တၭနၥံၪထီးၥၭထၪ့ဘၪ နၥံၪအၥၭ လၧနၥံၪအၪ့ဆၫခွံၬယၧၩ ထီးယီၩအကၠီၩ့လဂ့ၩ. အဂဲး ဘဲၫယီၩယွၩအၪ့မၧၫ့ ယဂဲၫလၩ့လၧနၥံၪအမ့ၬ ယၫဘဲၫ 6ၥိၭဆၧမိဒုၭမၧၫ့ဒံၭနၥံၪလီၫ.- ဆၧၥၭဝံလၩ့ဒိၩယီၩ, အီၪယူၭ လၧခးဖၧၩ့ယီၩ နံၫနံၪ့ယူၭ. တၭအီၪဒံၭယဲ နံၪ့လၧအလမိအီၪဘၪ လၧထဲၫဆၧ, ဒဲကူၭဆၧနီၪလီၫ. 7ယွၩအၪ့မၧၫ့ ယလ့ၩလၧနၥံၪအမ့ၬယၫ, ဘဲၫၥိၭအမိ အီၪက့ၪဆၧအီၪလၩ့ထး လၧနၥံၪအဂး လၧဂၪ့ခိၪချိၫ့, ဒဲဒုၭမၧၫ့ဒံၭနၥံၪ လၧဆၧမၩဖီၩ့မၩဖျ့ၭဆၧ ဖၭဒိၪလီၫ. 8တၭဘိၩ့နဲၪ့ယီၩ နၥံၪအၪ့မၧၫ့ယဂဲၫထီးယီၩမွဲအ့ၬ, မွဲ ယွၩလီၫ. တၭယွၩအီၪက့ၪယၧၩ လၧဖၫရိၫအဖါ, ဒဲအ ဂံၪ့ဖိၪထီးအလူၬအကဆါ, ဒဲၦပၧၩ့ဆၧလၧ ခးအံဇံၭ 9ထၧၫ့ခးယၫလီၫ.- ထဲၩ့ထၪ့နၥံၪဝ့ၫချဲၫ့ချဲၫ့ လၧယဖါ အအီၪတၭ, စံၭအဝ့ၫး နဖိၪခွၫစယိၥၭစံၭဘဲၫယီၩ, ယွၩ အီၪက့ၪလၩ့ယၧၩ လၧခးအံဇံၭထၧၫ့ခးယၫ အကဆါ လီၫ. ဂဲၫလၩ့လၧယအီၪတၭ, ထီးၥုၭနံၩၥုၭၥၫ့လဂ့ၩ 10ဘီၪ.- တၭနမိအီၪလၧခးဂိၡံၫ့တၭ, နမိအီၪဘူၭလၧ ယၧၩ,နဝ့ၫဒၪ, ဒဲနဖိၪခွၫၥံၪ, ဒဲနဖိၪခွၫၥံၪအဖိၪခွၫလဖၪ, ဒဲနၥိၪ,ဒဲနဘ့ၪလဖၪ ဒဲနချီလဖၪ, ဒဲကယဲနဆၧအီၪလ 11မံၩ့လါလါဆ့လီၫ.- ယမိလုအၪ့လုအီၩနၧၩ ထီးနီၪ, အဂဲးဘဲၫယီၩ ဆၧၥၭဝံလၩ့ဒိၩမိအီၪဒံၭ ယဲနံၪ့လီၫ. န ဝ့ၫဒၪ,ဒဲနဂံၪ့ဖိၪၥံၪ, ဒဲကယဲၦအီၪလၧနစူၪဖၧၩ့နီၪ, ဘဲၫ 12ၥိၭနထီးဘၪၡၪ့ဘၪနၭလဂ့ၩတၭ,- ယိခွါ, နၥံၪအမ့ၬ ၥၪဒဲယဖု စဘံၪ့ယမံၫ့အမ့ၬၥၪဒၪဘၪဝ့ၫ, လၧအမွဲယ 13နိၭလၧအချဲၩ့ဆၧလၧနၥံၪလီၫ.- တၭနၥံၪမိလီၩဘၪယ ဖါလၧယလၩယဖၩ့, လၧအံဇံၭအဖၧၩ့ထီးအလူၬအ ဂဲးအကၠီၪ့, ဒဲကယဲဆၧလၧနၥံၪဒၪဘၪ ထီးအလူၬလီၫ. နၥံၪဘၪ မၩချဲၫ့ချဲၫ့တၭ, ဂဲၫထဲၩ့ဆိၬလၩ့ ယဖါထီး ယီၩဘီၪ.
14အဝ့ၫဒၪထိၪလၩ့ထံၩဖါအၥၭ လၧစဘံၪ့ယမံၫ့အခိၬ အမ့ၬထံၫလၩ့တၭ, စဘံၪ့ယမံၫ့အမ့ၬထံၫလၩ့ လၧအဝဲ 15အခိၬနီၪလီၫ.- အဝ့ၫအဲၪဂါအထၧၫ့ဖုဝဲ ထီးအလူၬတၭ, အမ့ၬထံၫလၩ့လၧအလီၩ့း တၭလၧဆၧနီၪလဖၪအလး ခဲၫ့နီၪ အထၧၫ့ဖုဝဲၥံၪချဲၩ့ဒုၪ့အဝ့ၫဒၪလီၫ.
16ဆၧမၩအၥၭနီၪအပရၧၫ့ ဂၧၫ့ထၪ့ၥၩလၩ့လၧဖၫရိၫ အဂံၪ့ဖၧၩ့တၭ, စံၭဝ့ၫဒၪ, စယိၥၭအထၧၫ့ဖုဝဲလဖၪဂဲၫ ယူၭးတၭဂ့ၩဝ့ၫလၧ ဖၫရိၫအမ့ၬယၫ, ဒဲလၧအခ့ၫအၡၩ 17အမ့ၬယၫလီၫ.- တၭဖၫရိၫစံၭစယိၥၭ, လီၩဘၪနထၧၫ့ ဖုဝဲၥံၪ, မၩဆၧယီၩး ဖဒၨၭထၪ့ဆၧလၧနၥံၪ အဆၧဖိၪ ဆၧဎါအခိၪတၭ, လ့ၩ, ထဲၩ့ထဲၩ့ လၧခးကၫနအၫ့အ 18ဖၧၩ့,- တၭအၪ့မၩန့နၥံၪအဖါ ဒဲနၥံၪအဂံၪ့ဖိၪတၭ, ဂဲၫ လၧယအီၪဆံၭ. တၭယမိဖ့ၪလၫ့နၥံၪ လၧခးအံဇံၭအ 19ဆၧဂ့ၩတၭ, နၥံၪမိအၪ့ထံၫၥံၪခးၥံၪအၥိၪလီၫ.- တၭ ဘိၩ့နဲၪ့ယီၩ ဆၧမၪလူၬနၧၩမၩဆၧယီၩ, မၩန့လဲၪ့လၧ အံဇံၭအဖၧၩ့ လၧနၥံၪအဖိၪဒံၩဖိၪၥၪလဖၪအဂး, ဒဲလၧ နၥံၪအဖိၪအမၫၥံၪအဂး, ဆိၬထၪ့နၥံၪအဖါတၭ, ဂဲၫ 20ထဲၩ့ဆံၭ.- တၭမွဲနၥံၪအမ့ၬၥၪထီးလီၫ့ကီၩ့နၥံၪအဆၧ ဖိၪဆၧလံၩလဂ့ၩ, အဂဲးဘဲၫယီၩ ခးအံဇံၭထၧၫ့ခးယၫ အဆၧဂ့ၩထုၬနီၪ မွဲနၥံၪအဆၧလီၫ.
21တၭအံၫစရ့လၭအဖိၪခွၫၥံၪ မၩဝ့ၫဘဲၫနီၪလီၫ. တၭ စယိၥၭဖ့ၪလၫ့လဲၪ့လဖၪ ဘဲၫဖၫရိၫ မၪလူၬဝ့ၫအၥိၭ တၭ, ဖ့ၪလၫ့အဝ့ၫၥံၪ အဆၧအၪ့ဆၧအီၩ လၧဖၧၩ့ၥၭ 22အဂးလီၫ.- တၭအဝ့ၫဖ့ၪလၫ့ ၦလဖၪနီၪ ထီးအလူၬ လၧအကီၩ့အၥိၭ, လဂၩလၧအမိလုထၪ့အၥၭအဂး, လဂၩ လၧအမိလုထၪ့အၥၭ အဂးလီၫ. အ့ၪမွဲလၧစ ဘံၪ့ယမံၫ့လဂၩနီၪ, ဖ့ၪလၫ့အဝ့ၫစ့ၩ ၥၧၫ့ယၩ, ဒဲအ ကီၩ့အၥိၭ လၧအမိလုထၪ့အၥၭ ယဲဘျၩ့အဂးလီၫ. 23တၭအဝ့ၫဒၪဖ့ၪယုအဖါဘဲၫယီၩ, ကၥ့ၪယီၩ့အဖၫဆံၫ ဒုၩအဆၧဖဒၨၭ လၧခးအံဇံၭအဆၧဂ့ၩလဖၪ, ဒဲကၥ့ၪ ယီၩ့အမိဆံၫဒုၩ လၧအဖဒၨၭဘုၪ, ဒဲကိၪ, ဒဲဆၧအၪ့ 24လၧအဖါမိအၪ့လၧဖၧၩ့ၥၭအဂးလီၫ.- တၭအဝ့ၫဖျါ ခွံၬအထၧၫ့ဖုဝဲတၭ, အဝ့ၫၥံၪလ့ၩဝ့ၫလီၫ. တၭအဝ့ၫနီၪ စံၭအဝ့ၫၥံၪ, မွဲနၥံၪထီးၥုၪ့ခိၥၭဝီၩလိၬ နၥံၪအၥၭလၧ ဖၧၩ့ၥၭနီၪလဂ့ၩ, ဧီၪ.
25တၭအဝ့ၫၥံၪစဲၪ့ထၪ့ခွံၬ လၧအံဇံၭတၭ ထီၩ့ဝ့ၫလၧခး ကၫနအၫ့အဖၧၩ့ လၧအဖါစယၫကူၭ အအီၪနီၪလီၫ. 26အဝ့ၫၥံၪလီၩဘၪအဝ့ၫတၭ စံၭဝ့ၫဒၪ, စယိၥၭမၧၫ့ဒံၭ တၭး ပၧၩ့ဘၪခးအံဇံၭ ထၧၫ့ခးယၫလီၫ. တၭစယၫ 27ကူၭအၥၭချံးဝ့ၫတၭ, အဂဲးဘဲၫယီၩနဲၩဝ့ၫအ့ၬ.- တၭ ဆၧချဲၩ့လဖၪ လၧစယိၥၭလီၩဘၪဝ့ၫနီၪ အဝ့ၫၥံၪလီၩ ထဲၩ့အဝ့ၫထီးအလူၬလီၫ. အဆၧဒၪဘၪလဲၪ့လဖၪလၧ စယိၥၭဖ့ၪယုဝ့ၫတၭ, အဖါစယၫကူၭအၥၭ မၧၫ့ထၪ့ 28ထဲၩ့ဝ့ၫလီၫ.- တၭအံၫစရ့လၭစံၭဝ့ၫဒၪ, အၪယူၭၬ ယ ဖိၪခွၫ စယိၥၭ မၧၫ့ဒံၭလီၫ. ဘိၩ့ယလချႃၭၥံၫဒံၭဘၪ ယမိလ့ၩတၭ, ယမိဒၪဘၪအဝ့ၫဒၪလီၫ.
Currently Selected:
ၥ မိ 45: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
