ၥ မိ 44

လိၫ့လၧအလၩ့မါ.

1အဝ့ၫဒၪမၪလူၬၦ လၧအမွဲအဂံၪ့ဖိၪၥံၪအခိၪလဂၩ တၭ,စံၭဝ့ၫ, မၩဎွ့ၩထၪ့ၦလဖၪနီၪ အထိၪ့ဖၧၩ့ဒဲဆၧ အၪ့ဆၧအီၩ ကယဲအဆိၬထၪ့ဝ့ၫၥ့ၪတၭ, ဒုၭနုၬၦအ စ့ၩ,လဂၩအစ့ၩ လၧအထိၪ့ခိၪ, လဂၩအစ့ၩလၧအထိၪ့ 2ခိၪ,- တၭဒုၭနုၬယလိၫ့, လိၫ့စ့ၩလဖျိၪ့ လၧၦအဆံၭအ ထိၪ့ခိၪ, ဒဲဘုၪအဎွ့ၩနီၪဆံၭ. အဝ့ၫဒၪမၩဘဲၫစယိၥၭ 3ချဲၩ့ဆၧအၥိၭနီၪလီၫ.- ထီးမုဆဲၪ့ထၪ့ဆၧဖၩ့ထၪ့တၭ, ဆၧအၪ့မၧၫ့ ၦလဖၪနီၪလ့ၩဆၧ, အဝ့ၫၥံၪဒဲအကၥ့ၪ ယီၩ့လီၫ.

4တၭအဝ့ၫၥံၪစဲၪ့ထၪ့ခွံၬ လၧဒိၩ့ဖၧၩ့, လယဲၩ့ဘၪနီၪ စယိၥၭစံၭ, ၦပၧၩ့အဂံၪ့လဂၩ ဂဲထုၪ့လီၩ့ဆီးၦလဖၪနီၪ ဆံၭး ထီးနချႃၭန့ဝ့ၫနီၪ, စံၭအဝ့ၫၥံၪ, နၥံၪဖ့ၪဆၧၫ့ထဲၩ့ 5ဆၧအၧၩ့လၧဆၧဂ့ၩအဂး, မွဲဘၪလဲၪ.- အယီၩ,မွဲဆၧ လၧကဆါအီၩဝ့ၫလၧအဖၧၩ့, ဒဲအတွၭန့ဆၧကိၪ့လဖၪ မွဲအ့ၬဧၪ. နၥံၪမၩဆၧအၧၩ့ လၧနၥံၪမၩဆၧနီၪလီၫ. 6တၭအဝ့ၫဒၪ လ့ၩချႃၭန့ဝ့ၫတၭ, ချဲၩ့အဝ့ၫၥံၪလၧဆၧ 7ချဲၩ့နီၪလီၫ.- တၭအဝ့ၫၥံၪစံၭ, ယကဆါချဲၩ့ဆၧချဲၩ့လ ဖၪနီၪ,မွဲအဘၪဆၧနီၪလဲၪး ဘဲၫနဆၧချဲၩ့လဖၪအၥိၭ 8နီၪ,မွဲနဎီးနၡၩထီးမၩလဂ့ၩ,- ယိခွါ,စ့ၩလၧပဒၪန့ဘၪ လၧပထိၪ့ခိၪနီၪ, ပဂဲၫထဲၩ့ဆိၬထီးနအီၪယီၩ, လၧခး ကၫနအၫ့အဖၧၩ့နီၪလီၫ. တၭပအၪ့ဂူၪကျိၪၥံၪစ့ၩၥံၪ, 9ထီၫ့ၥံၪလွ့ၫၥံၪ, လၧနကဆါအဂံၪ့ဖၧၩ့ဘဲၫၥ့ၪလဲၪ.- ထီး ဒၪနဎီးနၡၩ လၧဆၧဒၪန့အဝ့ၫ လၧအစူၪဖၧၩ့လဂၩဂၩ ယီၩ,မွဲအၥံၫဆံၭ. တၭပဝ့ၫဒၪယီၩ ပမိကဲၪထၪ့ပကဆါ 10အဎီးအၡၩဆ့လီၫ.- တၭအဝ့ၫနီၪစံၭဝ့ၫဒၪ, ဘိၩ့နဲၪ့ ယီၩမွဲအမၩဒၪဝ့ၫအၥၭ ဘဲၫနၥံၪချဲၩ့အၥိၭနီၪဆံၭ. ထီးဒၪၦလၧဆၧဒၪန့ဝ့ၫ လၧအစူၪဖၧၩ့လဂၩဂၩနီၪ, မွဲ အကဲၪထၪ့ယဎီးဆံၭ. တၭနၥံၪဝ့ၫဒၪယီၩ, နၥံၪအဆၧ 11ဒဲၩဘၭအီၪလၧနၥံၪအလီၩ့အ့ၬ.- အဝ့ၫၥံၪဆိၬလၩ့ခွံၬ အထိၪ့ချဲၫ့ချဲၫ့လၧဂၪ့ခိၪတၭ ဝဲထၪ့အထိၪ့, လဂၩအ 12ထိၪ့ဒၪဝ့ၫ, လဂၩအထိၪ့ဒၪဝ့ၫ,- အၪ့ဎၬဆိၫဝ့ၫလၧအ ဝဲၡါလဂၩတၭ, ထုၬဝ့ၫလၧအဆံၭလဂၩး တၭဒၪန့ လိၫ့လဖျိၪ့နီၪ လၧစဘံၪ့ယမံၫ့အထိၪ့ဖၧၩ့လီၫ.

13အဝ့ၫၥံၪၡၫ့ယၬ အကီၩ့အၥိၭတၭ, ဖဒၨၭထၪ့ဆၧ လၧကၥ့ၪယီၩ့အခိၪ, လဂၩလၧအကၥ့ၪယီၩ့အခိၪ တၭ, လဂၩလၧအကၥ့ၪယီၩ့အခိၪတၭ, ထဲၩ့ထဲၩ့လၧ 14ဒိၩ့ဖၧၩ့လီၫ.- စယုဒၫဒဲအထၧၫ့ဖုဝဲ, ဂဲၫဝ့ၫလၧစယိၥၭ အဂံၪ့, အဝ့ၫဒၪအီၪဒံၭထီးနီၪတၭ အဝ့ၫၥံၪ ထိၪလၩ့ 15ထံၩဖါအၥၭလၧဂၪ့ခိၪလၧအမ့ၬယၫလီၫ.- တၭစယိ ၥၭစံၭအဝ့ၫၥံၪ, ဆၧလၧနၥံၪမၩဆၧယီၩ, မွဲဆၧနီၪလ မံၩ့လဲၪ, ၦဘဲၫယၧၩအၥိၭ, ဖၭဆၧဘၪနီၪ, မွဲနၥံၪၥ့ၪ 16ယၫဒံၭအ့ၬဧၪ.- တၭစယုဒၫစံၭ, ပဝ့ၫဒၪ ပမိစံၭပက ဆါဘဲၫၥ့ၪလဲၪး ပမိချဲၩ့ဆၧဘဲၫၥ့ၪလဲၪး ပမိအီၪက့ၪ တီၩပၥၭဘဲၫၥ့ၪလဲၪ, ယွၩဒၪန့နဎီးနၡၩ အဆၧအၧၩ့ ဆၧၥၫ့လီၫ. ယိခွါ, ပမွဲကဆါအဎီးအၡၩ, ပဝ့ၫဒၪဒဲၦ 17လဂၩလၧဆၧဒၪန့လိၫ့နီၪ အီၪလၧအစူၪဖၧၩ့လီၫ.- တၭ အဝ့ၫဒၪစံၭ, မွဲယထီးမၩဆၧ ဘဲၫနီၪလါလါလဂ့ၩး ၦ လၧဆၧဒၪန့လိၫ့လဖျိၪ့ လၧအစူၪဖၧၩ့လဂၩနီၪ,မိကဲၪ ထၪ့ယဎီးလီၫ. အ့ၪမွဲနၥံၪဝ့ၫဒၪယီၩ, ဂဲထုၪ့ထဲၩ့ထဲၩ့ မုၬမုၬလၧနၥံၪအဖါအအီၪနီၪဆံၭ.

စယုဒၫအၪ့ယၫဆၧလၧစဘံၪ့ယမံၫ့အဂး.

18စယုဒၫၥုၭဘူၭအၥၭလၧအအီၪတၭ, စံၭဝ့ၫဒၪ,ဖ့ၪ လၫ့ဒၪခလူၬ, ဒုၭချဲၩ့လါနဎီးနၡၩ လၧဆၧချဲၩ့လထံၪ လၧယကဆါအနါဖၧၩ့ဘီၪ. မွဲနထီးၥၭထၪ့ခဲၩထၪ့ဘၪ နဎီးနၡၩလဂ့ၩ, အဂဲးဘဲၫယီၩ နဝ့ၫဒၪနန့ၫၥိၭဒဲဖၫရိၫ 19လီၫ.- ယကဆါအၪ့စၪ့အဎီးအၡၩတၭ, စံၭဝ့ၫဒၪ,န ၥံၪအဖါမွဲဂ့ၩ, နၥံၪအထၧၫ့ဖုဝဲမွဲဂ့ၩ, မွဲအအီၪဆ့ဧၪ. 20တၭပလီၩဘၪယကဆါ, ပအီၪလၧပဖါ ၦၥၭၡါလဂၩ, ဒဲအဖိၪၥၪခွၫဘၪဆဲၫ့ လၧအၥုၪ့က့ၭၥၭၡါ, အဆံၭလဂၩ ဒဲအဝဲလဂၩၥံၫယူၭတၭ, လၧအမိနီၪအီၪလၩ့ထး က 21ယဲအဝ့ၫလဂၩနီၪလီၫ. တၭအဖါအဲၪအဝ့ၫလီၫ.- တၭ နစံၭနဎီးနၡၩ, ဘဲၫၥိၭယမိယိဘၪတၭ, ဂဲၫဆိၬလၩ့အ 22ဝ့ၫလၧယအီၪဆံၭ.- တၭပစံၭယကဆါ, ဖိၪၥၪခွၫနီၪ, စဲၪ့ဒၪအဖါၥ့ၪအ့ၬ. အ့ၪစဲၪ့ဒၪအဖါတၭ, အဝ့ၫဒၪမိၥံၫ 23လီၫ.- တၭနစံၭနဎီးနၡၩ, နၥံၪအဖုဒၪဘၨၩအ့ၪလဂဲၫ လၩ့ဘၪ လၧနၥံၪအၥိၭတၭ, နၥံၪဒၪဘၪလၧၩ့ယမ့ၬ အ့ၬ.

24တၭဆၧမၩအၥၭ ထီးပထဲၩ့ထဲၩ့လၧနဎီးနၡၩ ပဖါ လဂၩအအီၪတၭ, ပလီၩဘၪအဝ့ၫ လၧပကဆါအဆၧ 25ချဲၩ့နီၪလီၫ.- တၭပဖါစံၭ, လ့ၩဎွ့ၩန့ဆၧအၪ့ဆၧအီၩ 26လၧပဂးနးဆံၭဘီၪ.- တၭပစံၭပလ့ၩလၩ့ၥ့ၪအ့ၬ. ပဖု အဆံၭလဂၩ အ့ၪအီၪလၧပၥိၭတၭ, ပမိလ့ၩလီၫ. အ ဂဲးဘဲၫယီၩ ပဖုအဆံၭလဂၩ အ့ၪလအီၪဘၪ လၧပၥိၭ 27တၭ,ပဒၪဘၪၦလဂၩနီၪ အမ့ၬၥ့ၪအ့ၬ.- တၭနဎီးနၡၩ ယဖါလဂၩနီၪစံၭပၧၩ, နၥံၪၥ့ၪယၫလၧယမၫဆီၫ့အီၪ 28န့ယၧၩလၧၦနံၫဂၩလီၫ.- တၭအဝ့ၫလဂၩစဲၪ့ထၪ့ခွံၬ လၧယအီၪတၭ, ယစံၭ, ဆၧအဲၪ့ၥံၫယူၭဝ့ၫတၡါယူၭ. တၭယလဒၪလၧၩ့ဘၪအဝ့ၫဒၪ ခီးဘိၩ့နဲၪ့ယီၩလီၫ. 29နၥံၪအ့ၪအၪ့မၩန့ခွံၬအယီၩလဂၩဆ့ လၧယအီၪတၭ, အ့ၪဘၪဆၧၡၪ့ဆၧနၭ, နၥံၪမိဒုၭဂဲၫလၩ့ယခိၪဘွၩလၧ ဖျႃဖၧၩ့လၧဆၧၡၪ့ဆၧနၭလီၫ.

30ဘိၩ့နဲၪ့ယီၩ, ယအ့ၪထီၩ့လၧနဎီးနၡၩ, ယဖါအအီၪ တၭ, ၦဖိၪၥၪခွၫလဂၩယီၩ လအီၪဘၪလၧပၥိၭတၭ, မွဲလၧအၥၭမၧၫ့ ဘၪဆၧစၧၩ့ထၬဝ့ၫ လၧအဖိၪအၥၭ 31မၧၫ့အဖၧၩ့တၭ,- ထီးအဒၪဘၪလၧဖိၪၥၪခွၫယီၩလအီၪ ဘၪတၭ, ဆၧမိမၩအၥၭလၧအမိၥံၫဝ့ၫလီၫ. တၭနဎီး နၡၩမိဒုၭလ့ၩလၩ့နဎီးနၡၩ, ပဖါအခိၪဘွၩလၧဖျႃဖၧၩ့ 32လၧဆၧၥုၪ့အုၭဆၧၥၭအုၭလီၫ.- အဂဲးဘဲၫယီၩ နဎီး နၡၩကဲၪထၪ့ၦထိးအၥၭ လၧအဂး လၧပဖါအမ့ၬယၫ နီၪ,ယစံၭ, ယအ့ၪလဂဲၫထဲၩ့ဆိၬဘၪအဝ့ၫဒၪ လၧနအီၪ တၭ, ယမိဘၪဆၧဒဲၩဘၭလၧယဖါအမ့ၬယၫ ကိၭမုနံၩ 33မုနၩဒ့ၭလီၫ.- တၭဘိၩ့နဲၪ့ယီၩ, ဒုၭအီၪလါယၧၩလၧ ယကဆါအဎီး လၧဖိၪၥၪခွၫနီၪအလး, ဒုၭထဲၩ့ထဲၩ့ဖိၪ 34ၥၪခွၫလၧအထၧၫ့ဖုဝဲၥံၪအၥိၭဆံၭ.- အဂဲးဘဲၫယီၩဖိၪ ၥၪခွၫနီၪ, လအီၪဘၪတၭ, ယမိထဲၩ့ထၪ့လၧယဖါအ အီၪဘဲၫၥ့ၪလဲၪး ယမိဒၪဘၪခိၬ ဆၧၡၪ့ဆၧနၭလၧအမိ ဘၪယဖါနီၪလီၫ.

Currently Selected:

ၥ မိ 44: pwokyn2

Highlight

Copy