ၥ မိ 39
39
39
စယိၥၭဒဲစပီတံၫဖၫအမၫ.
1ၦလ့ၩဆိၬလၩ့စယိၥၭ, လၧအံဇံၭအဖၧၩ့တၭ,ၦ အံဇံၭဖိၪ, ဖၫရိၫအၦဒိၪး ၦမၩၥံၫဆၧလဖၪအခိၪ, စပီ တံၫဖၫနီၪ ဎွ့ၩဝ့ၫ လၧၦအံၡမၫအ့လၭဖိၪ လၧအလ့ၩ 2ဆိၬဝ့ၫလဖၪအစူၪဖၧၩ့လီၫ.- ယဟိဝၩအီၪလၧစယိ ၥၭအၥိၭတၭ, အဝ့ၫဒၪမွဲၦလၧ အဘီၪထၪ့ယီၫထၪ့လ ဂၩလီၫ. တၭအီၪဝ့ၫလၧအကဆါ ၦအံဇံၭဖိၪအဂံၪ့ 3ဖၧၩ့လီၫ.- တၭအကဆါနီၪဒၪဘၪ လၧယဟိဝၩအီၪ လၧအဝ့ၫဒၪအၥိၭ, ဒဲကယဲအမၩဆၧ လမံၩ့လါလါ, ယဟိဝၩဒုၭကဲၪထၪ့ဝ့ၫ လၧအစူၪဖၧၩ့ ထီးအလူၬလီၫ. 4စယိၥၭဘၪခိးဘၪတၩ လၧအမ့ၬယၫတၭ, မၩဆၧအ ခ့ၫအၡၩအဆၧလီၫ. တၭအဝ့ၫဒၪအီၪက့ၪအဝ့ၫ လၧ အဂံၪ့ဖိၪအခိၪတၭ, ကယဲအဆၧအီၪနီၪ, အီၪက့ၪဝ့ၫ 5လၧအဝ့ၫနီၪအစူၪဖၧၩ့ ထီးအလူၬလီၫ.- ဆၧမၩအၥၭ ထီးအအီၪက့ၪအဝ့ၫ လၧအဂံၪ့ဖိၪအခိၪ, ဒဲကယဲအဆၧ ဖိၪဆၧလံၩ လၧအအီၪဝ့ၫထီးအလူၬနီၪတၭ, ယဟိဝၩ ဆိၪဂ့ၩၦအံဇံၭဖိၪအဂံၪ့ လၧစယိၥၭအကၠီၩ့လီၫ. တၭ ယဟိဝၩအဆၧဆိၪဂ့ၩ ဘၪကယဲဆၧလၧ အအီၪဝ့ၫလၧ 6ဂံၪ့ဖၧၩ့,ဒဲလၧအအီၪ လၧခီၫ့ထီးအလူၬလီၫ.- တၭအဝ့ၫ အီၪက့ၪကယဲအဆၧအီၪ လမံၩ့လါလါထီးအလူၬလၧ စယိၥၭအစူၪဖၧၩ့နီၪ, ၥ့ၪယၫအဆၧဒၪဝ့ၫနးမံၩ့အ့ၬ, ၥ့ၪယၫန့ၫဆၧအၪ့ လၧအအၪ့ဝ့ၫလီၫ. စယိၥၭနီၪအခံး အဂၩ့ဂ့ၩတၭ, ၦယိဝ့ၫနီၪဂ့ၩမၬလီၫ.
7ဆၧမၩအၥၭလၧဆၧလဖၪနီၪ အလးခဲၫ့,ယိခွါ,အ ကဆါအမၫလဂၩ စၪ့ထၪ့အမ့ၬလၧစယိၥၭ အအီၪတၭ, 8စံၭဝ့ၫ, မံၫဎုၬလၧယၧၩဆံၭ.- အဝ့ၫနီၪလမၩဘၪတၭ, စံၭ အကဆါအမၫ, ယိခွါ, ယကဆါ လၥ့ၪယၫဘၪ ဆၧအီၪလၧဂံၪ့ဖၧၩ့တၭး အဝ့ၫဒၪအီၪက့ၪယူၭကယဲ အဆၧလမံၩ့လါလါ လၧယစူၪဖၧၩ့ထီးအလူၬယူၭ. 9ဆၧဒိၪနဲၪ့ယၧၩ လၧဂံၪ့ဖၧၩ့ယီၩအီၪအ့ၬ. တၭပဒၩ့ ထၬဆၧလၧယၧၩနးမံၩ့အ့ၬ, ပဒၩ့ထၬကယဲနၧၩလဂၩ ဎးလၧနမွဲအမၫအကၠီၩ့လီၫ. တၭယမိမၩ ဆၧအၧၩ့ ဆၧၥၫ့အဒိၪ အယိၬလမံၩ့ယီၩ, ဒဲမၩမၪဘၪယွၩနီၪမိ 10ၥ့ၪဘဲၫၥ့ၪလဲၪ.- တၭဆၧမၩအၥၭ ထီးအချဲၩ့ဆၧလၧ စယိၥၭလနံၩဘၪလနံၩ လနံၩဘၪလနံၩ ဘဲၫၥိၭအမိမံၫ နၩ့ဝ့ၫလၧအနဲၩ့ထံၭ ဒဲအီၪလၧအၥိၭနီၪ, အဝ့ၫနီၪ,ခိၭ 11နၪအလူအ့ၬ.- တၭဆၧမၩအၥၭ လၧမုလနံၩနီၪ, စယိ ၥၭလ့ၩနုၬလၧဂံၪ့ဖၧၩ့ ဘဲၫၥိၭ အမိမၩအဆၧမၩတၭ, 12ၦဂံၪ့ဖိၪအခွၫလဖၪ အီၪလၧဂံၪ့ဖၧၩ့နးဂၩအ့ၬ.- ၦမုၪ နီၪဖီၪ့ထၬအဖၬဘဲၩ့တၭ, စံၭဝ့ၫ, မံၫနၩ့လၧယၥိၭ ဆံၭ,တၭစယိၥၭ စဲၪ့ဒၪခွံၬ အဖၬဘဲၩ့ လၧအစူၪဖၧၩ့ 13နီၪ,စဲၪ့ထၪ့ခွံၬတၭ လ့ၩထၪ့လၧခီၫ့လီၫ.- ဆၧမၩအၥၭ ထီးၦမုၪနီၪ ဒၪဘၪလၧအဒုၭအီၪ လၩ့ထးအဖၬဘဲၩ့ 14လၧအစူၪဖၧၩ့, စဲၪ့ထၪ့ခွံၬလၧခီၫ့တၭ,- အဝ့ၫဒၪကိၭန့ အဂံၪ့ဖိၪအခွၫလဖၪတၭ, လီၩဘၪအဝ့ၫၥံၪတၭ, စံၭဝ့ၫ, ယိခွါ,အဝ့ၫနီၪ မၩန့ၦဟံဘြူၫဖိၪလၧပကျၩဘဲၫၥိၭအ မိမၩကြၩ့ထမးပၧၩလီၫ. အဆၧဂဲၫထၪ့ဝ့ၫလၧယအီၪ, ဘဲၫၥိၭအမိမံၫနၩ့လၧယၥိၭယီၩ, ယကိၭၡၭထၪ့လၧ 15ယလူဖၭဒိၪလီၫ.- ဆၧမၩအၥၭထီးအနါဂၧၫ့လၧယ ထုၭထၪ့ယလူ, ဒဲကိၭထၪ့ဆၧတၭ, မွဲအစဲၪ့ဒၪခွံၬအဖၬ 16ဘဲၩ့လၧယနဲၩ့ထံၭတၭ, လ့ၩထၪ့ဝ့ၫလၧခီၫ့လီၫ.- တၭ အဆၧအီၪက့ၪအဖၬဘဲၩ့လဘံၪ့နီၪ လၧအနဲၩ့ထံၭ,ထီး 17အကဆါဂဲၫထဲၩ့ထီၩ့ လၧအဂံၪ့လီၫ.- တၭလီၩဘၪဝ့ၫ ဘဲၫဆၧချဲၩ့ယီၩအၥိၭတၭ, စံၭဝ့ၫဒၪ, ၦဎီးဖိၪဟံဘြူၫ ဖိၪ,လၧနဂဲၫထဲၩ့ဆိၬ လၧပကျၩလဂၩနီၪ, ဂဲၫထၪ့လၧ 18ယအီၪဘဲၫအမိမၩ ကြၩ့ထမးယၧၩအၥိၭလီၫ.- ဆၧ မၩအၥၭထီးယကိၭၡၭထၪ့ဆၧတၭ, အဝ့ၫစဲၪ့ဒၪခွံၬ အဖၬဘဲၩ့လၧယနဲၩ့ထံၭတၭ, လ့ၩထၪ့ဝ့ၫလၧခီၫ့လီၫ. 19တၭဆၧမၩအၥၭ ထီးအကဆါနီၪ နါဂၧၫ့အမၫအဆၧ ချဲၩ့လၧအလီၩဘၪအဝ့ၫတၭ, စံၭဝ့ၫ,နဎီးဖိၪလဂၩမၩ ယၧၩဘဲၫဆၧချဲၩ့လဖၪယီၩ အၥိၭနီၪတၭ, အဝ့ၫနီၪအ 20ၥၭခဲၩထၪ့ဝ့ၫဒၪလီၫ.- စယိၥၭ အကဆါနီၪ မၩန့ဝ့ၫ တၭ,ဒုၭနုၬဝ့ၫလၧထီၫ့ဖၧၩ့, ထီးဆၧအလးလၧစဎွၩ အထီၫ့ဖိၪလဖၪ အီၪစၧၩ့ထၬ အၥၭလီၫ. တၭအဆၧ အီၪလၧထိၬအဝၩ့ အဂံၪ့ဖၧၩ့လီၫ.
21တၭယဟိဝၩအီၪလၧစယိၥၭအၥိၭ, မၩခိးမၩတၩ အဝ့ၫဒၪတၭ, ဒုၭဘၪဝ့ၫလၧဆၧအခိးအတၩ လၧၦထိၬ 22အဝၩ့အဂံၪ့အၦဒိၪလဂၩ အမ့ၬယၫလီၫ.- တၭထိၬအ ဝၩ့အဂံၪ့အၦဒိၪလဂၩနီၪ, အီၪက့ၪၦထီၫ့ဖိၪ လၧအအီၪ လၧထိၬအဝၩ့အဂံၪ့ဖၧၩ့ ထီးအလူၬလၧ စယိၥၭအစူၪ ဖၧၩ့လီၫ. တၭထီးဒၪ ၦမၩဆၧလမံၩ့လါလါ ထီးနီၪ 23မွဲအဝ့ၫဒၪမၩဝ့ၫလီၫ.- တၭထိၬအဝၩ့ အဂံၪ့အၦဒိၪ လဂၩနီၪ, ယိဆၧအီၪလၧအစူၪဖၧၩ့ နးမံၩ့အ့ၬ, အဂဲး ဘဲၫယီၩယဟိဝၩ အီၪလၧစယိၥၭအၥိၭတၭ, ဆၧလၧ အမၩဆၧနီၪ, ယဟိဝၩဒုၭကဲၪထၪ့ဝ့ၫဒၪလီၫ.
Currently Selected:
ၥ မိ 39: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
