ၥ မိ 40

စယိၥၭဖၭၦထီၫ့ဖိၪလဖၪ အဆၧမံၫမး.

1တၭဆၧမၩအၥၭလၧဆၧလဖၪနီၪ အလးခဲၫ့လၧအံ ဇံၭအစဎွၩအၡၩ ယိဆၧအၪ့ဆၧအီၩလဂၩ, ဒဲအၡၩ မၩကိၪလဂၩ, မၩမၪဘၪအကဆါအံဇံၭ အစဎွၩလီၫ. 2တၭဖၫရိၫၥၭထၪ့ၦဒိၪနံၫဂၩနီၪ, ၦယိဆၧအၪ့ဆၧအီၩ လဖၪအဒိၪလဂၩ, ဒဲၦလၧအမၩကိၪလဖၪ အဒိၪလဂၩ 3လီၫ.- တၭဖ့ၪလၫ့အဝ့ၫၥံၪ လၧၦခိၭထၬဆၧ လၧၦမၩ ၥံၫဆၧအဒိၪအဂံၪ့ဖၧၩ့, ထီးစယိၥၭအီၪစၧၩ့ထၬ အ 4ၥၭအလးလီၫ.- ၦမၩဆၧလဖၪအဒိၪနီၪ, အၪ့မၧၫ့စယိ ၥၭယိထဲၩ့ခွါထဲၩ့အဝ့ၫၥံၪတၭ, မၩအဝ့ၫၥံၪ အခ့ၫအ ၡၩအဆၧး တၭအဝ့ၫၥံၪ ဘၪဆၧအီၪခိၭထၬဝ့ၫဒၪ မု နံၩလနၩ့လီၫ.

5အဝ့ၫၥံၪမံၫမးဆၧမံၫမးနံၫဂၩလူၬ, လဂၩအဆၧမံၫ မး, လဂၩအဆၧမံၫမး လၧမုလနၩဎးတၭ, လဂၩဘဲၫ အဆၧမံၫမးဖၭဝ့ၫအၥိၭ, လဂၩဘဲၫအဆၧမံၫမးဖၭဝ့ၫ အၥိၭ, အံဇံၭစဎွၩအၡၩ ယိအဆၧအၪ့ဆၧအီၩ လ ဂၩ,ဒဲအၡၩမၩကိၪလဂၩ, လၧအအီၪစၧၩ့ထၬအၥၭ 6လၧထီၫ့ဖၧၩ့နီၪလီၫ.- ဆၧဖၩ့ထၪ့လၧဂီၩလခီၫနီၪ စယိ ၥၭဂဲၫလၧအအီၪတၭ, ယိအဝ့ၫၥံၪတၭ, ယိခွါ, အၥုၪ့ခိ 7အၥၭဝီၩဝ့ၫလီၫ.- တၭအဝ့ၫဒၪအၪ့စၪ့ ဖၫရိၫအၡၩၦ ဒိၪလၧအအီၪ လၧအၥိၭလဖၪ, လၧအဘၪဆၧခိၭထၬ ဝ့ၫလၧအကဆါအဂံၪ့ဖၧၩ့တၭ, စံၭဝ့ၫဒၪ, ဆၧလၧမု 8ဆၫလနံၩယီၩ, နၥံၪအမ့ၬလၩ့ၡါမွဲဘၪလဲၪ.- အဝ့ၫၥံၪ စံၭအဝ့ၫဒၪ, ပမံၫမးဆၧမံၫမးတၭ, ၦဖၭဆၧမံၫမးယီၩ အီၪအ့ၬ. တၭစယိၥၭစံၭဝ့ၫ, ဖၭဆၧလဖၪအီၪလၧယွၩ နီၪမွဲအ့ၬဧၪ, လီၩဘၪလါယၧၩဆံၭ.

9တၭၦယိဆၧအၪ့ဆၧအီၩလဖၪ အဒိၪလဂၩနီၪ,လီၩ ဘၪအဆၧမံၫမး လၧစယိၥၭတၭ, စံၭအဝ့ၫ, ယမံၫမး ဆၧအဘိၩ့ဘၭတၭ, ယိခွါ, စဘံၭမုအီၪလၧယမ့ၬယၫ 10လီၫ.- တၭစဘံၭမုနီၪ, အီၪလၧအထဲၩ့ၥၧၫ့ဘီၩ့လီၫ. မၩအၥၭဘဲၫအထိ ထၪ့အၥိၭတၭ, ဖၭထၪ့ဝ့ၫတၭ, 11အၥၪဆူၬလဖၪမံၫ့ထၪ့ဝ့ၫလီၫ. ဖၫရိၫအလိၫ့အီၪလၧ ယစူၪဖၧၩ့တၭ, ယအၪ့မၩန့စဘံၭအၥၪနီၪတၭ, ယ ဘံၭနုၬအထံၫ လၧဖၫရိၫအလိၫ့ဖၧၩ့တၭ ယအီၪက့ၪ 12လိၫ့နီၪလၧဖၫရိၫ အစူၪဖၧၩ့လီၫ.- တၭစယိၥၭစံၭအဝ့ၫ, အယီၩမွဲအဆၧဖၭန့, ဆၧလၧအထဲၩ့ၥၧၫ့ဘီၩ့နီၪ,မွဲမု 13ၥၧၫ့နံၩလီၫ.- လၧၥၧၫ့နံၩအထးဖၧၩ့နီၪ, ဖၫရိၫမိဘိၭ ထၪ့နခိၪတၭ, မိအီၪက့ၪထဲၩ့နၧၩ လၧနလးတၭ,နမိဖ့ၪ ထဲၩ့လိၫ့နီၪ လၧဖၫရိၫအစူၪဖၧၩ့ ဘဲၫအထူၫအရူၫလၧ အခၪ့ထံၭအၥိၭ, လၧနမွဲအၡၩယိအဆၧအၪ့ဆၧအီၩ 14အၥိၭနီၪလီၫ.- အနီၪတၭ ထီးနဘၪထဲၩ့ဆၧမုၬဆၧဂ့ၩ တၭ,နၪ့ထၪ့ထဲၩ့ယၧၩတၭ, မၩယၧၩလၧဆၧအခိးအ တၩတၭ, လီၩဘၪဖၫရိၫလၧယဂဲးယကၠီၪ့တၭ, ဒုၭစဲၪ့ 15ထၪ့ခွံၬယၧၩ လၧဂံၪ့လဖျိၪ့အဖၧၩ့ယီၩဆံၭ.- အဂဲးဘဲၫ ယီၩ ဆၧအၪ့ဂူၪန့ယၧၩ လၧၦဟံဘြူၫဖိၪ အခးဖၧၩ့တ ၡါတၭ, ထီးယီၩဒၪလ့ၬ ဘဲၫၥိၭၦမိဒုၭနုၬယၧၩ လၧ ဆၧဖၧၩ့ယီၩတၭ, ယမၩမၪဘၪဆၧနးမံၩ့အ့ၬ.

16တၭၦၡၩမၩကိၪလဖၪ အဒိၪလဂၩနီၪ, ဒၪဘၪဝ့ၫ လၧအဖၭဆၧမွဲအဂ့ၩတၭ, စံၭစယိၥၭ, ဆၧလၧယၧၩ ယီၩ, ယအီၪလၧဆၧမံၫမးဆ့လီၫ. ယိခွါ, ကိၪဘွၩ 17အဒၩ့ၥၧၫ့ဖျိၪ့ အီၪလၧယခိၪအဖၫ့ခိၪလီၫ.- တၭဒၩ့အ ထီၫထုၬလဖျိၪ့နီၪ, အီၪလၧဖၫရိၫအဆၧ အၪ့ကိၭအမံၩ့ ဒ့ၭလၧၦမၩကိၪနီၪမၩဝ့ၫလီၫ. တၭထိၪၥံၪလံၪၥံၪအၪ့ ထုၫ့ထၪ့ခွံၬဝ့ၫလၧဒၩ့ဖၧၩ့ လၧအအီၪလၧယခိၪအဖၫ့ 18ခိၪနီၪလီၫ.- စယိၥၭစံၭဆၧၫ့ဆၧတၭ, စံၭဝ့ၫဒၪ, အယီၩ မွဲဆၧဖၭဝ့ၫ, ဆၧလၧဒၩ့ၥၧၫ့ဖျိၪ့နီၪ မွဲမုၥၧၫ့နံၩနီၪလီၫ. 19လၧၥၧၫ့နံၩအထးဖၧၩ့နီၪ, ဖၫရိၫမိဒၪ့ထ့ၬခွံၬနခိၪလၧ နလီၩ့တၭ, မိဘျၭလၩ့ဆဲၩနၧၩ လၧၥံၪ့လထံၭအလီၩ့ တၭ,ထိၪၥံၪလံၪၥံၪ မိအၪ့ခွံၬနဖံၭနယၪ လၧနလီၩ့လီၫ.

20ဆၧမၩအၥၭလၧမုၥၧၫ့နံၩလနံၩ, ဘၪလၧဖၫရိၫအီၪ ဖျဲၪအနံၩ ဆၧၫ့ထဲၩ့အလးတၭ, မၩဆၧအၪ့ဆၧအီၩ လၧအခ့ၫအၡၩ ထီးအလူၬအဂးတၭ, ဘိၭထၪ့ၦယိ ဆၧအၪ့ဆၧအီၩလဖၪ အဒိၪလဂၩအခိၪ, ဒဲၦမၩကိၪ 21လဖၪအဒိၪလဂၩ လၧအခ့ၫအၡၩအကျၩလီၫ.- တၭ အဝ့ၫအီၪက့ၪထဲၩ့ ၦယိဆၧအၪ့ဆၧအီၩလဖၪ အဒိၪ လၧအယိဆၧအလးတၭ, အဝ့ၫဒၪအီၪက့ၪထဲၫ့လိၫ့နီၪ 22လၧဖၫရိၫအစူၪဖၧၩ့လီၫ.- အ့ၪမွဲၦလၧအမၩကိၪလ ဖၪအဒိၪလဂၩနီၪ, ဘျၭလၩ့ဆဲၩ့ဝ့ၫ, ဘဲၫစယိၥၭဖၭဝ့ၫ 23လၧအဂးအၥိၭနီၪလီၫ.- မွဲလါနၫ့တၭ, ၦယိဆၧအၪ့ ဆၧအီၩလဖၪအဒိၪနီၪ နၪ့ထၪ့ထဲၩ့ စယိၥၭအ့ၬး ၥၭ နၪ့ခွံၬဝ့ၫလီၫ.

Currently Selected:

ၥ မိ 40: pwokyn2

Highlight

Copy