ၥ မိ 38

စယုဒၫဒဲနးတၫမၫ.

1အထီထီးနီၪ ဆၧမၩအၥၭလၧစယုဒၫ လ့ၩဆၧစဲၪ့ ထၪ့ခွံၬ လၧအထၧၫ့ဖုဝဲအကျၩတၭ, ကၠၪကဒၩအၥၭ လၧၦလဂၩ, ၦအဒၧလၫ့ဖိၪအအီၪတၭ, အမံၩ့မွဲစဟဲ 2ရၫလီၫ.- တၭစယုဒၫနီၪဒၪဘၪၦလဂၩ, ၦကၫနအၫ့ဖိၪ စရှုအၫအဖိၪမုၪထီးနီၪတၭ, မၩန့ဝ့ၫတၭ, လ့ၩနုၬဝ့ၫ 3လၧအအီၪလီၫ.- အဝ့ၫနီၪဒၧၩ့ထၪ့တၭ, ဆီၫ့အီၪန့အ 4ဖိၪခွၫတၭ ဖျိၬဝ့ၫအမံၩ့စအံရၫလီၫ.- မွဲအဒၧၩ့ထၪ့ဒီၭ တၭ,ဆီၫ့အီၪန့အဖိၪခွၫတၭ, ဖျိၬဝ့ၫအမံၩ့ စအိနၫ့လီၫ. 5ဒၧၩ့ထၪ့ဒီၭဝ့ၫတၭ, ဆီၫ့အီၪန့အဖိၪခွၫတၭ, ဖျိၬဝ့ၫအ မံၩ့စၡံလၫလီၫ. တၭလၧအဆီၫ့အီၪန့အဝ့ၫလဂၩနီၪ, စယုဒၫအီၪဝ့ၫလၧဒိၩ့ ခံဇံၭလီၫ.

6စယုဒၫမၩန့မၫ လၧအဖိၪခွၫဝဲၡါ စအံရၫအဂးတၭ, 7အမံၩ့မွဲနးတၫမၫလီၫ.- စယုဒၫအဖိၪဝဲၡါစအံရၫလဂၩ နီၪအၧၩ့ဝ့ၫ လၧယဟိဝၩအမ့ၬယၫတၭ, ယဟိဝၩမၩ 8ၥံၫအဝ့ၫဒၪလီၫ.- တၭစယုဒၫစံၭစအိနၫ့, လ့ၩနုၬလၧနဝဲ အမၫအအီၪတၭ, န့မၫလၧအဝ့ၫတၭ, ဒုၭအီၪထၪ့ဆၧ 9အချံၫအၥၫလၧနဝဲအဂးဆံၭ.- တၭစအိနၫ့နီၪၥ့ၪယၫ လၧဆၧအချံၫအၥၪနီၪ မိကဲၪထၪ့အဆၧဒၪဝ့ၫအ့ၬး တၭ ဆၧမၩအၥၭထီးအလ့ၩနုၬ လၧအဝဲအမၫအအီၪတၭ, ဒုၭလၩ့ခွံၬအဆၧလၧဂၪ့ခိၪ ဘဲၫၥိၭအထီးဖ့ၪလၫ့ဆၧ 10အချံၫအၥၪလၧအဝဲလဂၩနီၪလဂ့ၩလီၫ.- တၭဆၧလၧ အမၩဝ့ၫနီၪ, မွဲဆၧအၧၩ့လၧယဟိဝၩ အမ့ၬယၫတၭ, 11ဆၧမၩၥံၫခွံၬအဝ့ၫဆ့လီၫ.- တၭစယုဒၫစံၭ အဒဲၪနးတၫ မၫနီၪ, အီၪမဲၫလၧနဖါအဂံၪ့ဖၧၩ့ ထီးယဖိၪခွၫစၡံလၫ ဒိၪထၪ့ဆံၭ. အဂဲးဘဲၫယီၩစံၭဝ့ၫဒၪ, မိၥံၫဘၪခိၬဘဲၫ အဝဲလဖၪအၥိၭလီၫ. တၭနးတၫမၫနီၪ လ့ၩအီၪဝ့ၫလၧ အဖါအဂံၪ့ဖၧၩ့လီၫ.

12လၧအၪနံၩအၪၥၫ့အလးခဲၫ့တၭ, စရှုအၫအဖိၪမုၪ, စယုဒၫအမၫၥံၫဝ့ၫဒၪလီၫ. စယုဒၫ ဘၪဆၧမၩမုၬဝ့ၫ ဂီၩ့တၭ,လ့ၩဝ့ၫ လၧၦထံၬၥိၪဆီၪ့ အအီၪလၧတံမနၫ, အဝ့ၫဒၪဒဲအထံၩအၥိၭ, ၦအဒၧလၫ့ဖိၪ စဟဲရၫလီၫ. 13ၦလီၩဘၪ နးတၫမၫနီၪ, စံၭဝ့ၫဒၪ, နမံၩ့ၡါအခွၫလ့ၩ 14ထၪ့လၧတံမနၫ ဘဲၫၥိၭအမိထံၬၥိၪအဆီၪ့လီၫ.- တၭ အဝ့ၫဒၪဘဲၪ့လၩ့ခွံၬ အမုၪမဲၫ အကီၩ့အၥိၭတၭ, ချႃၬ ဘံၭထၪ့အၥၭ လၧဆၧချႃၬဘံၭနီၪ, ကီၩ့ၥိၭဆၧတၭ, ဆၧၫ့နၩ့ဝ့ၫလၧ ထံၫထၪ့ဖျိၭနံၫဖၧၩ့ အတရၫ့ထံၭလၧအ အီၪဝ့ၫလၧတံမနၫ အဖၧၩ့ၥၭအနဲၩ့ထံၭနီၪလီၫ. အဂဲး ဘဲၫယီၩမွဲအဒၪဘၪဝ့ၫ လၧစၡံလၫဒိၪထၪ့ဝ့ၫတၭ, ဆၧ ဖ့ၪလၫ့ဝ့ၫ လၧအဝ့ၫနီၪ အမၫအဂးအ့ၬ.

15စယုဒၫဒၪဘၪဝ့ၫတၭ, လၧအချႃၬဘံၭအမ့ၬအကၠီၩ့ 16နီၪ, ဆီၫ့မီၪ့ဝ့ၫလၧအမွဲ ၦမဲၩဎွဲၩမုၪလဂၩလီၫ.- အဝ့ၫ ကၠၪအၥၭလၧအအီၪ, လၧဖၧၩ့ၥၭနဲၩ့ထံၭတၭ, စံၭဝ့ၫ ဒၪ,ဂဲၫဘီၪ, ဒုၭလ့ၩနုၬလါယၧၩ လၧနအီၪဆံၭ. အဂဲး ဘဲၫယီၩလၥ့ၪယၫဘၪ လၧအမွဲအဒဲၪလီၫ. တၭအဝ့ၫ ဒၪစံၭ,ဘဲၫၥိၭနမိဂဲၫနုၬ လၧယအီၪတၭ, နမိဖ့ၪလၫ့ 17ယၧၩလၧဆၧနီၪလမံၩ့လဲၪ.- တၭအဝ့ၫဒၪစံၭ, ယမိ အၪ့မၧၫ့ၦဂဲၫဆိၬန့နၧၩ လၧဘ့ၪလဒုၩ လၧဘ့ၪအကျၩ လီၫ.တၭအဆၧ စံၭဆၧၫ့ဝ့ၫ, နလချႃၭအၪ့မၧၫ့လၩ့ဒံၭ ဘၪနီၪမွဲနမိအီၪ က့ၪဝဲၩပီၩ့လၩ့ဆၧလၧ ယစူၪဖၧၩ့လ 18မံၩ့မံၩ့ဆ့ဧၪ.- တၭအဝ့ၫစံၭ, ယမိဘၪဖ့ၪဝဲၩနၧၩပီၩ့ လၩ့ဆၧလၧ ဆၧနီၪလမံၩ့လဲၪ. တၭအဝ့ၫနီၪစံၭ, နဆၧ စဲၩနဲၪ့, ဒဲအဖျံၩ, ဒဲနိၪထိၭဘီၩ့, လၧအအီၪလၧနစူၪ ဖၧၩ့လီၫ. တၭအဆၧဖ့ၪလၫ့ ဆၧလဖၪနီၪ လၧအဝ့ၫ တၭ,လ့ၩနုၬလၧအအီၪနီၪ, အဆၧဒၧၩ့ထၪ့ဝ့ၫလၧအ 19ကၠီၩ့လီၫ.- တၭအဝ့ၫဂဲထုၪ့ထဲၩ့ ထဲၩ့ဝ့ၫနီၪ, ဘဲၪ့လၩ့ ခွံၬအဆၧချႃၬဘံၭလၧအလီၩ့တၭ, ကီၩ့ၥိၭထၪ့ထဲၩ့ 20ၦမုၪမဲၫအကီၩ့အၥိၭလီၫ.- တၭစယုဒၫအၪ့မၧၫ့အထံၩ အၥိၭၦအဒၧလၫ့ဖိၪ လဂၩလ့ၩဆိၬဘ့ၪဖိၪ လဒုၩဘဲၫ ၥိၭအမိန့ ဘၪထဲၩ့အဆၧပီၩ့လၩ့ လၧၦမုၪအစူၪဖၧၩ့ 21လီၫ.မွဲလါနၫ့တၭ ဒၪဘၪအဝ့ၫနီၪအ့ၬ.- တၭအၪ့စၪ့ၦ အီၪလၧအလးနီၪတၭ, စံၭ,ၦမဲၩဎွဲၩမုၪ လၧအအီၪယူၭ လၧထံၫထၪ့ဖျိၭနံၫဖၧၩ့ အတရၫ့ထံၭလဂၩနီၪ, မွဲအအီၪ ခီၫခီၫလဲၪး တၭအဝ့ၫၥံၪစံၭဝ့ၫ, ၦမဲၩဎွဲၩမုၪအီၪထီး 22ယီၩနးဂၩအ့ၬ.- အဝ့ၫဒၪထဲၩ့ထဲၩ့ လၧစယုဒၫအအီၪ တၭ,စံၭဝ့ၫ, ယဒၪဘၪၦမုၪနးဂၩအ့ၬ. တၭၦအီၪလၧ 23ဆၧအလးနီၪစံၭဝ့ၫ, ၦမဲၩဎွဲၩမုၪ အီၪနးဂၩအ့ၬ.- တၭ စယုဒၫစံၭ, မွဲအမၩန့ဒၪဝ့ၫဆံၭ. ပမ့ၬမိမဲဘၪခိၬလီၫ. ယိခွါး ယအၪ့မၧၫ့လၩ့ ဘ့ၪဖိၪလဒုၩယီၩတၭ, နဒၪဘၪ အဝ့ၫအ့ၬ.

24တၭဆၧမၩအၥၭ လၧခဲၫ့လၩၥၧၫ့ဘံၪ့ ကၪယူၭနီၪ ၦလီၩဘၪစယုဒၫတၭ, စံၭဝ့ၫ, နဒဲၪနးတၫမၫလဂၩ,မၩ မၪဘၪဆၧတၭ, ယိခွါ,ဒၧၩ့ထၪ့ဝ့ၫလီၫ. စယုဒၫစံၭ,ဂဲၫ ဆိၬထၪ့န့အဝ့ၫတၭ, မွဲအဘၪဆၧဎူလၩ့ခွံၬဝ့ၫဘီၪ. 25ထီးၦဂဲၫဆိၬထၪ့ဝ့ၫနီၪ အဝ့ၫအၪ့မၧၫ့လၩ့ဆၧလၧအမံၩ့ ၡါအအီၪတၭ, စံၭဝ့ၫဒၪ,ယဒၧၩ့ထၪ့ လၧဆၧလဖၪနီၪ အကဆါလီၫ. တၭစံၭဝ့ၫဒၪ, ယိနဲၪ့လါဆံၭ. ဆၧစဲၩ နဲၪ့ဒဲအဖျံၩ, ဒဲနိၪထိၭဘီၩ့လဖၪယီၩ, မွဲပလၫအဆၧ 26လဲၪ.- တၭစယုဒၫယိနဲၪ့ဆၧတၭ, စံၭဝ့ၫဒၪ, အဝ့ၫနီၪ တီၩနဲၪ့လီၩ့နဲၪ့ယၧၩဒံၭလီၫ. အဂဲးဘဲၫယီၩ ယလဖ့ၪ လၫ့ဘၪအဝ့ၫ လၧယဖိၪခွၫ စၡံလၫလီၫ. လၧခဲၫ့လ့ၩ ဘူၭလၧၩ့ဝ့ၫအ့ၬ.

27ဆၧမၩအၥၭလၧအဂူၭဆၫအဘိၩ့ဘၭတၭ, ယိခွါ, 28ၦအဎဲၩ့အီၪလၧအဒၧၩ့လးအဖၧၩ့လီၫ.- တၭဆၧမၩ အၥၭလၧအဂူၭ ဆၫအဘိၩ့ဘၭနီၪ, ဆၧအစူၪအီၪဖျီၪ ထၪ့တၭ, ၦယိၦဂူၭဖီၪ့ဝ့ၫတၭ, ခဲးအစူၪလၧဖျံၩ အ ဝီၩတၭ,စံၭဝ့ၫဒၪ အဝ့ၫလဂၩယီၩ, ဂဲၫဆိၫဝ့ၫဒၪလီၫ. 29ဆၧမၩအၥၭ လၧအထုၭထၪ့ထဲၩ့ အစူၪတၭ, ယိခွါ, အထၧၫ့ဖုဝဲလဂၩ ဂဲၫထၪ့ခွံၬဝ့ၫလီၫ. တၭၦမုၪ စံၭဝ့ၫ ဒၪ,နဘုၪ့ဖိး ဆၧဘဲၫၥ့ၪလဲၪၬ မွဲဆၧဘုၪ့ဖျီၫ့ ဆၧယီၩ အီၪလၧနလီၩ့ဆံၭ. တၭဖျိၬဝ့ၫအမံၩ့ လၧစဖၫရ့ၭလီၫ. 30လၧခဲၫ့ထဲၩ့တၭ, အထၧၫ့ဖုဝဲ လၧအအီၪလၧဖျံၩဝီၩ လၧအစူၪလီၩ့လဂၩနီၪ, ဂဲၫထၪ့ခွံၬဝ့ၫလီၫ. တၭဖျိၬအ မံၩ့လၧစဇၫရၫလီၫ.

Currently Selected:

ၥ မိ 38: pwokyn2

Highlight

Copy