ၥ မိ 37
37
37
စယိၥၭဒဲအထၧၫ့ဖုဝဲခွၫလဖၪ.
1တၭစယၫကူၭအီၪဝ့ၫ လၧခးနီၪအဖၧၩ့, ထီးအဖါ အီၪမွံၩ လၧခးကၫနအၫ့အဖၧၩ့လီၫ.
2အယီၩမွဲစယၫကူၭအဆၨၩအဆၬလီၫ. စယိၥၭအ ၥၭဎွ့ၩထၪ့လဆံၫနွ့ၫနံၪ့နီၪတၭ, ယူၬၥိၪ ဒဲဘ့ၪလဖၪ လၧအထၧၫ့ဖုဝဲအၥိၭတၭ, ဖိၪၥၪခွၫနီၪ အီၪလၧအဖါ အမၫလဖၪ နးဘံလဟၫအဖိၪခွၫၥံၪ, ဒဲနးဇံလဖၫအဖိၪ ခွၫၥံၪ,အၥိၭတၭ, စယိၥၭဂဲၫဆိၬအဝ့ၫၥံၪ အပရၧၫ့အ 3အၧၩ့လၧအဖါအအီၪနီၪလီၫ.- တၭစအံၫစရ့လၭအဲၪ စယိၥၭအၪနဲၪ့အဖိၪခွၫ ထီးအလူၬဒံၭလီၫ. အဂဲးဘဲၫ ယီၩမွဲအၥၭၡါ အဖိၪခွၫလီၫ. တၭမၩဆဲၫ့ဖၭထီၫ လ 4ဘံၪ့လၧအဂးလီၫ.- အထၧၫ့ဖုဝဲလဖၪနီၪ ဒၪဘၪလၧအ ဖါအဲၪအဝ့ၫဒၪ အၪနဲၪ့အအဲၪအထၧၫ့ဖုဝဲ ထီးအလူၬ ဒံၭတၭ, အဝ့ၫၥံၪ ၥၭဂဲၫ့အဝ့ၫနီၪတၭ, ချဲၩ့ဆၧမုၬမုၬ လၧအဝ့ၫဒၪကဲၪအ့ၬ.
5စယိၥၭမံၫမးဆၧမံၫမးတၭ လီၩဘၪအထၧၫ့ဖုဝဲနီၪ, အဝ့ၫၥံၪ ၥၭဂဲၫ့ဝ့ၫ အၪနဲၪ့ဒံၭ လၧအခၪ့ထံၭဒံၭလီၫ. 6တၭအဝ့ၫဒၪ စံၭအဝ့ၫၥံၪ ခိၭနၪလါ ယဆၧမံၫမးယီၩ 7ဘီၪ.- တၭယိခွါ, ပကၭထံၬဘုၪ လၧဆံၬဖၧၩ့တၭ, ယိ ခွါ, ယဘုၪထူဂဲထုၪ့တၭ, အီၪဆၧၫ့ထုၪ့လီၫ. တၭယိ ခွါ, နၥံၪအဘုၪထူအီၪဝၬဖီၩ့ဝ့ၫတၭ, ကူၭလၩ့အၥၭလၧ 8ယဘုၪထူအမ့ၬယၫလီၫ.- တၭအထၧၫ့ဖုဝဲၥံၪစံၭအဝ့ၫ ဒၪ, မွဲနမိကဲၪစဎွၩ လၧပဖၫ့ခိၪတၡါဆ့ဧၪး တၭလၧအ ဆၧမံၫမးအကၠီၩ့, ဒဲလၧအဆၧချဲၩ့အကၠီၩ့နီၪ, အဝ့ၫၥံၪ 9ၥၭဂဲၫ့ဒံၭအဝ့ၫဒၪ အၪနဲၪ့အလးဒံၭလီၫ.- တၭအဝ့ၫ မံၫမးဒံၭဆၧမံၫမး လၧအဂူၫဂၩလမံၩ့နီၪ, လီၩဘၪအ ထၧၫ့ဖုဝဲၥံၪတၭစံၭဝ့ၫဒၪ, ယိခွါ, ယမံၫမးဒံၭဆၧမံၫမး လမံၩ့ဒံၭတၭ, ယိခွါ, မုဒဲလၩဒဲၡၪၥံၪ လဆံၫလဖျိၪ့ကူၭ 10လၩ့အၥၭလၧယမ့ၬယၫလီၫ.- တၭအဝ့ၫလီၩဘၪအဖါ ဒဲအထၧၫ့ဖုဝဲၥံၪ, အဖါအၪ့ၥီၪ့ဝ့ၫတၭ, စံၭ, ဆၧမံၫမး လၧနမံၫမးယီၩ, မွဲဘဲၫၥ့ၪလဲၪး ယၧၩ,ဒဲနမိ, ဒဲနထၧၫ့ဖုဝဲ 11ၥံၪမိဂဲၫထွံၩလၩ့ လၧနမ့ၬယၫတၡါဆ့ဧၪ.- တၭအထၧၫ့ ဖုဝဲလဖၪနီၪၥၭခ့ၬဝ့ၫလီၫ. အ့ၪမွဲအဖါလဂၩနီၪ, ထီးန့ ဆၧချဲၩ့လထံၪနီၪလီၫ.
စယိၥၭဘၪဆၧအၪ့ဆၫလၩ့ဝ့ၫ ဒဲလ့ၩန့ဝ့ၫလၧအံဇံၭ.
12တၭအထၧၫ့ဖုဝဲလဖၪ လ့ၩယူၬ အဖါအၥိၪဒဲဘ့ၪ 13လဖၪ လၧၡံခံၫ့နီၪလီၫ.- တၭစအံၫစရ့ လၭစံၭစယိၥၭ, နထၧၫ့ဖုဝဲလဖၪ ယူၬဆၧလၧၡံခံၫ့အဖၧၩ့,မွဲအ့ၬဧၪ. ဂဲၫဘီၪ,ယမိအၪ့မၧၫ့ နလ့ၩဆၧလၧအအီၪလီၫ. အဝ့ၫနီၪ 14စံၭဝ့ၫ ယအီၪထီးယီၩလီၫ.- တၭစံၭ အဝ့ၫဒၪလ့ၩဘီၪး နထၧၫ့ဖုဝဲအီၪမုၬဧၪ, ဒဲၥိၪဒဲဘ့ၪၥံၪ အီၪဂ့ၩဘၪစဲၪဆ့ ဧၪနီၪ, လ့ၩယိခွါ, တၭဂဲၫထဲၩ့လီၩ ဘၪယၧၩဘီၪ. တၭအၪ့မၧၫ့အစဲၪ့ထၪ့ခွံၬ လၧဆၧပျၩ့ဟံဘြၧၫ့တၭ, 15အဝ့ၫနီၪဂဲၫထီၩ့လၧၡံခံၫ့လီၫ.- ၦလဂၩဒၪဘၪအဝ့ၫတၭ, ယိခွါ, လ့ၩဝံၩ့ဝၩ့ဆၧလၧမံၩ့လၬကျၩလီၫ. ၦလဂၩနီၪ အၪ့စၪ့ဝ့ၫတၭ, စံၭ, မွဲနအၪ့ဎၬ ဆၧနီၪလမံၩ့လဲၪ. 16တၭအဆၧစံၭဝ့ၫ, ယအၪ့ဎၬယထၧၫ့ဖုဝဲၥံၪလီၫ. ဒုၭနဲၪ လါယၧၩထီးအဝ့ၫၥံၪ ယူၬၥိၪအဒီၪ့ၥံၪအလးနီၪဘီၪ. 17တၭၦလဂၩနီၪ စံၭဆၧၫ့ဆၧ, အဝ့ၫၥံၪစဲၪ့ထၪ့ခွံၬယူၭ ထီးယီၩယူၭ. အဂဲးဘဲၫယီၩ ယနါဂၧၫ့အစံၭဝ့ၫ, မွဲပလ့ၩၡီၩ့ လၧဒိၥၫ့နီၪဘီၪ. စယိၥၭလီၩ့ဝ့ၫတၭ ဒၪဘၪအဝ့ၫၥံၪ လၧဒိၥၫ့အဖၧၩ့နီၪလီၫ.
18အဝ့ၫၥံၪဒၪဘၪအဝ့ၫဒၪ လၧအယဲၩ့တၭး ဘိၩ့အလ ချႃၭဂဲၫဘူၭဒံၭဘၪနီၪ, အဝ့ၫၥံၪ ကိၪ့ထၪ့ထၫ့ဒုၪဒၩအ 19ဝ့ၫလၧအမိမၩ ၥံၫဝ့ၫအဂဲးလီၫ.- ချဲၩ့လိၬအၥၭတၭ,စံၭ 20ဝ့ၫဒၪ,ယိခွါ, ၦမံၫမးဆၧအကဆါ, ဂဲၫဖီၬ- ဘိၩ့နဲၪ့ယီၩ, ဂဲၫဘီၪ, မွဲပမၩၥံၫၡီၩ့အဝ့ၫဒၪတၭ, ခွံၬလၩ့ခွံၬလၧဆၧ ဖၧၩ့ဆံၭ. တၭပမိစံၭ လၧဆၧဖိၪဆၧဎါ အအၧၩ့လဒုၩ အၪ့ခွံၬဝ့ၫတၭ, အဆၧမံၫမးလဖၪ မိကဲၪထၪ့ဘဲၫၥ့ၪ 21လဲၪဘဲၫၥ့ၪလဲၪနီၪ, ပမိဒၪဘၪလီၫ.- တၭစရုဘံၫ့နါဂၧၫ့ ဝ့ၫနီၪ, မၩဖီၩ့မၩဖျ့ၭဝ့ၫလၧအစူၪဖၧၩ့း တၭစံၭဝ့ၫဒၪ, 22မွဲပထီးကျီၪ့ၥံၫအဝ့ၫလဂ့ၩ.- တၭစရုဘံၫ့စံၭအဝ့ၫၥံၪ, ထီးလူၫလၩ့ဆၧၥွံၪလဂ့ၩ, ခွံၬလၩ့ခွံၬဝ့ၫလၧဆၧဖၧၩ့ ယီၩလၧမံၩ့လၬကျၩဆံၭ. နၥံၪထီးအီၪက့ၪနၥံၪအစူၪ လၧအလီၩ့လဂ့ၩး ဘဲၫၥိၭအမိမၩဖီၩ့မၩဖျ့ၭဝ့ၫလၧအ ဝ့ၫၥံၪအစူၪဖၧၩ့, လၧအမိဖ့ၪလၫ့ဒီၭ လၧအဖါအဂဲး လီၫ.
23ထီးစယိၥၭဂဲၫထီၩ့လၧအထၧၫ့ဖုဝဲအအီၪတၭ, အဝ့ၫ ၥံၪဘဲၪ့လၩ့ခွံၬအဆဲၫ့နီၪ, အဆဲၫ့ဖၭထီၫလၧအအီၪဝ့ၫ 24လၧအလီၩ့လီၫ.- မၩန့အနၫ့ဆါတၭ, ခွံၬလၩ့ဝ့ၫလၧ ဆၧဖၧၩ့လီၫ. တၭဆၧဖၧၩ့လဖၧၩ့နီၪအီၪပျီၩလီၫ. ထံၫ 25အီၪလၧအဖၧၩ့အ့ၬ.- တၭအဝ့ၫၥံၪဆၧၫ့နၩ့အၪ့ဆၧနီၪ ကျဲၪ့ထၪ့အမ့ၬယိဆၧတၭ, ယိခွါ, ၦအံၡမၫအ့လၭ ဖိၪလဒီၪ့ဂဲၫလၧခးဂံလအၭ အီၪလၧကလအူၭတၭ, ဆိၬနၪ့တြူၭနကိၭအဎဲၫ့, ဒဲၥံၪ့စရံၭအထူၭ, ဒဲၥံၪ့လိၭအ 26ထူၭတၭ, လ့ၩဆိၬလၩ့ဝ့ၫ လၧအံဇံၭအဖၧၩ့လီၫ.- စယု ဒၫစံၭအထၧၫ့ဖုဝဲၥံၪ, ပအ့ၪမၩၥံၫပထၧၫ့ဖုဝဲလဂၩယီၩ, အီၪက့ၪၥူၪအၥွံၪတၭ, မွဲအန့ကၩဆၧနီၪ လမံၩ့လဲၪ. 27ဂဲၫဘီၪ,မွဲပအၪ့ဆၫခွံၬၡီၩ့ လၧၦအံၡမၫအ့လၭဖိၪနီၪ ဆံၭး တၭမွဲပစူၪထီးအီၪလၧအလီၩ့လဂ့ၩး အဂဲးဘဲၫ ယီၩမွဲပထၧၫ့ဖုဝဲ, ပဖံၭပယၪလီၫ. တၭအထၧၫ့ဖုဝဲလ 28ဖၪနီၪခိၭနၪဝ့ၫလီၫ.- ၦမံဒအၫ့ဖိၪ, နီၪအၪ့ခၩဆၧ, လ့ၩ ဖီၩ့ခွံၬလၧအအီၪတၭ, အဝ့ၫၥံၪထုၭထၪ့တၭ, ဆိၬထၪ့ စယိၥၭလၧဆၧဖၧၩ့နီၪ, အၪ့ဆၫခွံၬစယိၥၭ လၧၦအံ ၡမၫအ့လၭဖိၪ လၧစ့ၩနံၫဆံၫအဂးလီၫ. တၭအဝ့ၫၥံၪ 29ဆိၬစယိၥၭ လၧအံဇံၭအဖၧၩ့လီၫ.- တၭစရုဘံၫ့ထဲၩ့ ထဲၩ့ဝ့ၫလၧဆၧဖၧၩ့နီၪ, ယိခွါ, စယိၥၭအီၪလၧၩ့လၧ 30ဆၧဖၧၩ့အ့ၬ. အဝ့ၫၡၫ့ခွံၬအဖၬဘဲၩ့,- တၭထဲၩ့ထဲၩ့ လၧအထၧၫ့ဖုဝဲအအီၪတၭ, စံၭဝ့ၫဒၪ, ဖိၪၥၪခွၫလဂၩ နီၪအီၪလၧၩ့အ့ၬ. တၭယဝ့ၫဒၪယီၩ ယမိလ့ၩယဝ့ၫခီၫ 31ခီၫလဲၪ.- အဝ့ၫၥံၪမၩန့စယိၥၭ အဆဲၫ့လဘံၪ့တၭ, မၩ ၥံၫဘ့ၪဖိၪလဒုၩတၭ, စုၪလၩ့အဆဲၫ့ လဘံၪ့နီၪလၧအ 32ၥွံၪဖၧၩ့လီၫ.- အဝ့ၫၥံၪအၪ့မၧၫ့ ၦထဲၩ့ဆိၬဆဲၫ့ဖၭထီၫ လဘံၪ့နီၪတၭ, လ့ၩဆိၬဝ့ၫလၧအဖါအအီၪနီၪ, စံၭဝ့ၫ ဒၪ, ဆၧယီၩလဘံၪ့ပဒၪန့လီၫ. မွဲနဖိၪခွၫ အဆဲၫ့ဧၪ, 33လမွဲဘၪဧၪနီၪ, ယိနဲၪ့နဝ့ၫဆံၭ.- တၭအဝ့ၫနီၪယိနဲၪ့ ဆၧတၭ,စံၭဝ့ၫဒၪ, မွဲယဖိၪခွၫ စယိၥၭအဆဲၫ့မၬကၨ, ဆၧဖိၪဆၧဎါ အအၧၩ့လဒုၩ အၪ့ခွံၬယူၭအဝ့ၫယူၭ. တၭစယိၥၭနီၪ ဘၪဆၧအဲၪ့ၥံၫခွံၬယူၭ တၡါယူၭလီၫ. 34စယၫကူၭၡၫ့ခွံၬ အဖၬဘဲၩ့တၭ, ကီၩ့ထၪ့အဆၧယၬ အကဲၩ့လၧအယးဒံၩ့တၭ, ၥုၪ့အုၭၥၭအုၭလၧအကၠီၩ့ 35အၪနံၩအၪၥၫ့လီၫ.- အဖိၪခွၫထီးအလူၬ, ဒဲအဖိၪမုၪ ထီးအလူၬ, ဂဲထုၪ့မၩမုၬထၪ့ထဲၩ့ဝ့ၫတၭ, အဝ့ၫဒၪထိး ဆၧၫ့အဆၧမၩမုၬ ထၪ့ထဲၩ့ဝ့ၫနီၪကဲၪအ့ၬ. တၭစံၭဝ့ၫ ဒၪ,အဂဲးဘဲၫယီၩ ယမိလ့ၩလၩ့လၧဆၧဘၪ မီၪ့ဆၧဘၪ မၭလၧယဖိၪခွၫအအီၪ လၧဖျႃဖၧၩ့လီၫ. တၭအဖါအ မ့ၬထံၫလၩ့လၧအကၠီၩ့လီၫ.
36တၭၦမံဒအၫ့ဖိၪနီၪ အၪ့ဆၫခွံၬဝ့ၫလၧဖၫရိၫ အၦဒိၪ, ၦၡၩမၩၥံၫဆၧလဖၪအခိၪ, စပီတံၫဖၫလၧအံဇံၭအဖၧၩ့, နီၪလီၫ.
Currently Selected:
ၥ မိ 37: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
