ၥ မိ 32

စယၫကူၭတဲၩ့ဝဲၩအၥၭ လၧမိဒၪလိၬၥၭလၧစအံစီၫ.

1စယၫကူၭလ့ၩဖိၬအဖၧၩ့ၥၭတၭ, ယွၩအၥီၫ့လဖၪ 2ဂဲၫမၩဖျီၪထၪ့အၥၭ လၧအဝ့ၫလီၫ.- တၭထီးစယၫကူၭ ဒၪဘၪအဝ့ၫၥံၪ, စံၭဝ့ၫဒၪ, အယီၩမွဲယွၩအၡၩ ၥုၭမု ခမျၧးလီၫ. တၭဆၧလၧအလးလစီၪ့နီၪ ကိၭဝ့ၫအမံၩ့ လၧမၫဟနၫအံၫ့လီၫ. 3တၭစယၫကူၭ အၪ့မၧၫ့အၥီၫ့လဖၪ လ့ၩလၧအမ့ၬ ယၫလၧအဝဲ စအံစီၫအအီၪ လၧခးစံအၫအံဒၧၫ့အဂၪ့ 4ခိၪအဝၩ့ဖၧၩ့လီၫ.- တၭမၪလူၬအဝ့ၫၥံၪ, စံၭဝ့ၫဒၪ, နၥံၪ ဘၪစံၭယကဆါ, စအံစီၫဘဲၫယီၩ, နဎီးနၡၩစယၫကူၭ စံၭဘဲၫယီၩ, ယအီၪမွံၩလၧစလၫဘၫ့အၥိၭတၭ, အီၪ 5ထီးနီၪခီးဘိၩ့နဲၪ့ယီၩလီၫ.- ယအီၪလၧချီ, ဒဲကၥ့ၪ ယီၩ့, ဒဲၥိၪ, ဒဲဘ့ၪဒဲဎီးခွၫ, ဒဲဎီးမုၪၥံၪတၭ, ယအၪ့မၧၫ့ ၦလ့ၩလီၩဘၪယကဆါ ဘဲၫယမိဘၪခိးဘၪတၩ လၧန မ့ၬယၫလီၫ.

6အၥီၫ့ၥံၪနီၪ ဂဲၫထဲၩ့ထဲၩ့ထီၩ့လၧ စယၫကူၭအအီၪ နီၪတၭ,စံၭဝ့ၫဒၪ, ပလ့ၩလၧနဝဲစအံစီၫ အအီၪနီၪ,အ ဝ့ၫဒၪဂဲၫအၪ့ဂၬ ဆၧၫ့နၧၩတၭ, ၦၡၩအီၪလၧအၥိၭ လံ ယၩလီၫ.

7စယၫကူၭ ၥၭမဲၪဆၧဒိၪမၬတၭ, အၥုၪ့ခိအၥၭဝီၩ လီၫ.တၭအဝ့ၫဒၪ အၪ့နၩ့ဖၭ ၦၡၩလၧအအီၪ လၧအ ၥိၭဒဲၥိၪဒဲဘ့ၪ, ဒဲချီ,ဒဲကလအူၭၥံၪ လၧဆၧနံၫဒီၪ့လီၫ. 8တၭစံၭဝ့ၫဒၪ စအံစီၫအ့ၪဂဲၫထီၩ့ လၧအဝ့ၫလဒီၪ့ဒဲဖ့ၬ ခွံၬအဝ့ၫၥံၪတၭ, အဝ့ၫလဒီၪ့ လၧအအီၪလၩ့ထးနီၪ,မိ ဘၪစဲၪ့ဖျိၭဝ့ၫလီၫ.

9တၭစယၫကူၭစံၭဝ့ၫဒၪ, ယဖါစအၫဘြဟၫ့အယွၩ, ဒဲယဖါစအံစၭအယွၩ, ယဟိဝၩလၧအစံၭယၧၩ, ထဲၩ့ ထဲၩ့လၧနခးဖၧၩ့, ဒဲလၧနဘူၭနထံးအအီၪတၭ, ယမိ 10မၩဂ့ၩနၧၩနီၪ, လဂၩဧ့,- ကယဲနခိးနတၩ ထီးအလူၬ အဆံၭထုၬနီၪ, ဒဲနဆၧမွဲဆၧတီၩထီးအလူၬ လၧနဒုၭ နဲၪနခ့ၫနၡၩတၭ ယကြၨၭယဝ့ၫအ့ၬ. အဂဲးဘဲၫယီၩ ယခၫ့ဂၬထံၫယီၫဒၫ့ယီၩ, အီၪလၧယနိၪထိၭဘီၩ့တၭ, 11ဘိၩ့နဲၪ့ယီၩ ယမွဲဆၧနံၫဒီၪ့လီၫ.- မၩဖီၩ့မၩဖျ့ၭလါ ယၧၩလၧယဝဲအစူၪဖၧၩ့ လၧစအံစီၫ အစူၪဖၧၩ့နီၪ ဆံၭ.အဂဲးဘဲၫယီၩ ယၥၭမဲၪယဝ့ၫလီၫ. မိဂဲၫကျီၪ့ၥံၫ 12ခွံၬဘၪခိၬယၧၩ, ဒဲဖိၪၥၪၥံၪဒဲအမိနီၪဆ့လီၫ.- တၭနနၫ့ ဆါဒၪနဝ့ၫနစံၭ, ယမိမၩဂ့ၩနၧၩ လၩ့ထံးလၩ့ဆ့ၭဒဲယ မိမၩနချံၫနၥၪ ဘဲၫမ့ၭလၧမၫဆမံၭနဲၩ့အၥိၭ, လၧၦလ ဝံလနၬဘၪ လၧအအၪဝ့ၫအကၠီၩ့လီၫ.

13ဆၧလၧမုလနၩနီၪ အဝ့ၫဒၪအီၪထီးနီၪတၭ, မၩန့ ဆၧလၧအအီၪ လၧအစူၪဖၧၩ့လနၩ့နၩ့, မွဲလၬဆီၪ့လၧ 14အဝဲစအံစီၫအဂး,- ဘ့ၪအမိနံၫယၩ, ဒဲဘ့ၪအဖၫနံၫ 15ဆံၫ, ၥိၪအမိနံၫယၩ, ဒဲၥိၪအဖၫနံၫဆံၫ,- ကလအူၭအ မိအီၪလၧအနူထံၫဒဲအဖိၪၥၧၫ့ဆံၫ, ဒဲချီအမိလံဆံၫ,ဒဲ ချီအဖၫလဆံၫ, ကၥ့ၪယီၩ့အမိနံၫဆံၫ, ဒဲအဖိၪလဆံၫ 16လီၫ.- တၭအဝ့ၫဖ့ၪလၫ့ဝ့ၫ လၧအဎီးအၡၩလဖၪအစူၪ ဖၧၩ့လဒီၪ့ လၧလစီၪ့, လဒီၪ့လၧလစီၪ့ဒၪဆုၬဆုၬတၭ, စံၭအဎီးအၡၩလ့ၩခၫ့ဂၬ ဆၧလၧယမ့ၬယၫတၭ, အီၪ က့ၪဆၧအလး လၧလဒီၪ့လဒီၪ့ အဘိၩ့ဆၧၩ့နီၪဆံၭ. 17တၭအဝ့ၫမၪလူၬ ၦလၧယၫလဂၩနီၪ, စံၭဝ့ၫဒၪ, ထီး ယဝဲစအံစီၫ ဂဲၫဒၪခီၩ့နၧၩတၭ,စံၭဝ့ၫ, နမွဲပလၫလဂၩ လဲၪး တၭနမိလ့ၩ ခီၫခီၫလဲၪနီၪ, ဆၧအီၪလၧနမ့ၬယၫ 18လဖၪမွဲပလၫအဆၧလဲၪနီၪ, နမိဘၪစံၭ, မွဲနဎီးနၡၩ စယၫကူၭအဆၧတၭ, မွဲလၬဆီၪ့ဖ့ၪယူ လၧယကဆါ စအံစီၫအဂးလီၫ. တၭယိခွါ, အနၫ့ဆါဒၪဝ့ၫ အီၪဝ့ၫ 19လၧပလးခဲၫ့ဆ့လီၫ.- တၭအဝ့ၫဒၪမၪလူၬဆ့ ၦနံၫဂၩ လဂၩ, ဒဲၥၧၫ့ဂၩလဂၩနီၪ, ကယဲၦလၧအဖိၬဆၧအဒီၪ့ ၥံၪအခဲၫ့ကိၭဂၩဒ့ၭနီၪ, စံၭဝ့ၫဒၪ, ထီးနၥံၪဒၪဘၪစအံ စီၫတၭ,နၥံၪဘၪချဲၩ့ဆၧ လၧအဝ့ၫနီၪ လၧဆၧချဲၩ့လ 20ဖၪနီၪလီၫ.- တၭစံၭအဝ့ၫ, ယိခွါ,နဎီးနၡၩ စယၫကူၭ အီၪဝ့ၫလၧပလးခဲၫ့နီၪဘီၪ. အဂဲးဘဲၫယီၩ မွဲအစံၭဝ့ၫ ဒၪ,ယမိမၩရှူၪလၩ့အၥၭ လၧလၬဆီၪ့ လၧအလ့ၩလၧ ယၫအကၠီၩ့တၭ, ယမိဒၪဘၪအမ့ၬ လၧခဲၫ့လီၫ. ဘၪ လဘၪမိထိးဆၧၫ့ယၧၩလီၫ.

21တၭလၬဆီၪ့နီၪ လ့ၩခၫ့ဂၬ ဆၧလၧအမ့ၬယၫလီၫ. အ့ၪမွဲအနၫ့ဆါဒၪဝ့ၫ အီၪၥၫ့နၩချီၩ့လၧမုနၩနီၪ လၧဆၧ လဒီၪ့အကျၩလီၫ.

စယၫကူၭနီၫလိၬအၥၭထီးပနံအလၭ.

22တၭအဝ့ၫဂဲထုၪ့ လၧမုနၩနီၪ, မၩန့အမၫနံၫဂၩ, ဒဲအဎီးမုၪနံၫဂၩ, ဒဲအဖိၪခွၫလဆံၫလဂၩတၭ, လ့ၩခၫ့ 23ဂၬဆၧခၫ့ဂၬချိၬ အလးယါဘီၭလီၫ.- မၩန့အဝ့ၫၥံၪတၭ, အၪ့မၧၫ့အလ့ၩခၫ့ဂၬ ထံၫချိၬတၭ, မွဲအအၪ့မၧၫ့ကယဲ အဆၧအီၪ လ့ၩခၫ့ဂၬဆၧလီၫ.

24တၭစယၫကူၭအီၪထးလဂၩဎးလီၫ. ၦၡၩလဂၩနီၫ 25လိၬအၥၭလၧအဝ့ၫ ထီးမုဆဲၪ့ဘွၩထၪ့လီၫ.- ထီးအဒၪ ဘၪလၧအမၩနၧၩ့အဝ့ၫဒၪ လၥ့ၪဘၪတၭ, ထိၭစယၫ ကူၭအကံၪဒူၪဆၧၫ့တၭ, နီၫလိၬအၥၭ အဘိၩ့ဘၭနီၪ, 26စယၫကူၭအကံၪဒူၪဆၧၫ့ပျံၩ့ခွံၬ,- တၭအဝ့ၫဒၪစံၭ, ဖျါ ခွံၬယၧၩဆံၭး အဂဲးဘဲၫယီၩ မုဆဲၪ့ဘွၩထၪ့ယူၭလီၫ. အဝ့ၫဒၪစံၭ နအ့ၪလဆိၪဂ့ၩဘၪယၧၩတၭ, ယဖျါခွံၬ 27နၧၩအ့ၬ.- တၭအဝ့ၫဒၪစံၭ, နမံၩ့နီၪမွဲဘဲၫၥ့ၪလဲၪ, တၭ 28အဝ့ၫစံၭ,စယၫကူၭလီၫ.- အဝ့ၫလဂၩစံၭ, ဆၧလကိၭ လၧၩ့ဘၪနမံၩ့ လၧစယၫကူၭတၭ, မွဲစအံၫစရ့လၭလ ခီၫလီၫ.အဂဲးဘဲၫယီၩ ဘဲၫၦဒိၪအၥိၭ နအီၪလၧဆၧ စီၩ့ဆၧမၩ့လၧယွၩ ဒဲၦၡၩတၭ, နမၩနၧၩ့ဆၧလီၫ.

29စယၫကူၭအၪ့စၪ့ဝ့ၫတၭ, စံၭဝ့ၫဒၪ, လီၩဘၪလါ ယၧၩလၧနမံၩ့ဘီၪ. တၭအဝ့ၫဒၪစံၭ, ဆၧယီၩလၧ နအၪ့စၪ့ယမံၩ့မွဲဘၪလဲၪး တၭအဆၧဆိၪဂ့ၩအဝ့ၫထီး 30နီၪလီၫ.- တၭစယၫကူၭကိၭအလးနီၪ အမံၩ့ပနံအလၭ လီၫ. အဂဲးဘဲၫယီၩ ယယိဆၧၫ့ယၫလၧယွၩတၭ, ယ ၥၭဖီၩ့ဖျ့ၭဆၧလီၫ.

31အဝ့ၫလ့ၩခၫ့ဂၬ ပနံအလၭအဘိၩ့ဘၭတၭ, မုထၪ့ န့အဝ့ၫတၭ, လ့ၩဆၧစ့ၭထိၬစ့ၭထိၬ လၧအကံၪဒူၪဆၫ အကၠီၩ့လီၫ.

32မၩအၥၭဘဲၫနီၪတၭ, ၦအံၫစရ့လၭဖိၪ လအၪ့ဘၪ ထီၪ့လၧအအီၪ လၧကံၪဒူၪဆၧၫ့အလီၩ့ လဘီၩ့နီၪ,ထီး မုဆၫလနံၩယီၩလီၫ. အဂဲးဘဲၫယီၩ ဆၧထိၭဘၪစယၫ ကူၭအကံၪဒူၪဆၧၫ့ လၧအမွဲကံၪဒူၪဆၧၫ့ အထီၪ့နီၪ လီၫ.

Currently Selected:

ၥ မိ 32: pwokyn2

Highlight

Copy