ၥ မိ 33
33
33
စယၫကူၭဒၪလိၬၥၭလၧစအံစီၫ.
1စယၫကူၭကျဲၪ့ထၪ့အမ့ၬတၭ, ယိဆၧနီၪ, ယိခွါ, စအံစီၫဂဲၫတၭ, ၦၡၩဂဲၫဖိၬအခဲၫ့အီၪ လံယၩလီၫ. တၭ အဆၧအၪ့နၩ့ဖၭ ဖ့ၪဖိၪၥၪလဖၪ လၧနးလံအၫ, ဒဲနးရၫ 2ခ့လၭ, ဒဲလၧအဎီးမုၪနံၫဂၩလီၫ.- တၭအီၪက့ၪအဎီး မုၪၥံၪဒဲအဖိၪလဖၪ လၧအမ့ၬယၫ, နးလံအၫဒဲအဖိၪ လဖၪလၧအလးခဲၫ့, ဒဲနးရၫခ့လၭဒဲစယိၥၭ လၧခဲၫ့ထုၬ 3လီၫ.- တၭအနၫ့ဆါဒၪဝ့ၫလ့ၩခၫ့ဂၬ ဆၧလၧအမ့ၬယၫ 4ထွံၩလၩ့ဝ့ၫ နွ့ၫဘျၩ့ထီးအလၩ့ဘူၭလၧအဝဲလီၫ.- စအံ စီၫစဲၪ့အၪ့ဂၬအဝ့ၫ ဒဲဖိၭဝ့ၫတၭ, ထိၪလၩ့ထံၩဖါအၥၭ လၧအခိၬထံၭတၭ, အဲၪဂါဝ့ၫတၭ, အဝ့ၫၥံၪအမ့ၬထံၫ 5လၩ့ဝ့ၫဒၪလီၫ.- အဝ့ၫနီၪကျဲၪ့ထၪ့အမ့ၬတၭ, ဒၪဘၪ ၦမုၪဒဲအဖိၪလဖၪနီၪ, စံၭဝ့ၫဒၪ, ၦလဖၪယီၩ ဘၪဆဲၫ့ လၧနၧၩဘဲၫၥ့ၪလဲၪ. အဝ့ၫဒၪစံၭ, မွဲဖိၪၥၪလဖၪလၧ 6ယွၩဖ့ၪလၫ့ယၫ့ၥၭ နဎီးနၡၩလီၫ.- အဎီးအၡၩမုၪ, အဝ့ၫၥံၪဒဲအဖိၪလဖၪ ဂဲၫဘူၭတၭ, ကူၭလၩ့အၥၭလီၫ. 7နးလံအၫ ဒဲအဖိၪလဖၪ ဂဲၫဘူၭဆ့တၭ, ကူၭလၩ့အၥၭ လီၫ.လၧခဲၫ့နီၪ စယိၥၭဂဲၫဘူၭ ဒဲနးရၫခ့လၭတၭ, ကူၭ လၩ့အၥၭလီၫ.
8တၭအဝ့ၫဒၪစံၭ, ဆၧလဒီၪ့ထၧၫ့ဒီၪ့ယၫ, လၧယဒၪ ခီၩ့ယီၩမွဲနမိမၩဘဲၫၥ့ၪလဲၪ. အဝ့ၫဒၪစံၭ, မွဲဘဲၫၥိၭယ 9မိဘၪခိးဘၪတၩ လၧယကဆါအမ့ၬယၫလီၫ.- တၭ စအံစီၫစံၭဝ့ၫဒၪ, ယဆၧအီၪအၪလ့ၬ, ယဖုဧ့, ကယဲ နဆၧလမံၩ့လါလါနီၪ, မွဲအအီၪလၧနဂးဒၪနဝ့ၫဘီၪ. 10စယၫကူၭစံၭဝ့ၫဒၪ, မွဲအ့ၬ, ယအ့ၪဘၪခိးဘၪတၩလၧ နမ့ၬယၫတၭ, ဒိၭန့လါယလၬဆီၪ့ လၧယစူၪဖၧၩ့ယီၩ ဘီၪ.မွဲအဂဲးဘဲၫၥ့ၪလဲၪ, ယဒၪဘၪယူၭနမ့ၬ မၩအၥၭ ဘဲၫယဒၪဘၪယွၩအမ့ၬ အၥိၭတၭ, နဒုၭခိးဒုၭတၩ 11ယၧၩလီၫ.- ဒိၭန့လါယဆၧဆိၪဂ့ၩ လၧၦဂဲၫဆိၬလၧ နအီၪနီၪဆံၭ. မွဲလၧယွၩဖ့ၪလၫ့ ယၫ့ၥၭယၧၩ အဂဲး တၭ,မွဲလၧ ယဆၧအီၪထီးအလူၬ အဂဲးလီၫ. အၪ့ယၫ ဝ့ၫတၭ, အဆၧဒိၭန့ဝ့ၫဒၪလီၫ.
12အဝ့ၫဒၪစံၭ, မွဲပစဲၪ့ထၪ့ၡီၩ့တၭ လ့ၩၡီၩ့ဘီၪ, ယမိ 13လ့ၩလၧနမ့ၬယၫလီၫ.- အဆၧစံၭအဝ့ၫဒၪ, ယကဆါ ၥ့ၪယၫလၧဖိၪၥၪလဖၪ အဂဲးဆါအဘၭဆါ, ဒဲၥိၪဒဲဘ့ၪ အဒီၪ့လဖၪ, ဒဲချီအဒီၪ့လဖၪ လၧအဖိၪဆံၭလဖၪအီၪ လၧယၥိၭတၭ, ၦအ့ၪလ့ၩနၫ့ဆီၪ့ဝ့ၫလနံၩတၭ, မိၥံၫ 14ထၧၫ့ဒီၪ့ယၫလီၫ.- မွဲယကဆါလ့ၩဝဲၩ လၧနဎီးနၡၩအ မ့ၬယၫဆံၭ. တၭယမိလ့ၩၥိၫ့ ဆၧဖိၪဆၧဎါ, ဒဲဖိၪဒံၩ ဖိၪၥၪၡီၫၡီၪ ဘဲၫအလ့ၩမိကဲၪအၥိၭ, ထီးယထီၩ့လၧ 15ယကဆါအအီၪ လၧစံအၫနီၪလီၫ.- တၭစအံစီၫစံၭဝ့ၫ ဒၪ, ယမိဒုၭအီၪလၩ့ထး ၦခမျၧး လၧအဖိၬယခဲၫ့လၧ နၥိၭလနၩ့နၩ့ဘီၪ. တၭအဆၧစံၭဝ့ၫဒၪ, ဆၧနီၪမွဲအ ဘၪနီၪလဲၪ. မွဲယဘၪခိးဘၪတၩ လၧယကဆါအမ့ၬ 16ယၫဆံၭ.- တၭဆၧလၧမုလနံၩနီၪ, စအံစီၫထဲၩ့ထဲၩ့ ဝ့ၫလၧအဖၧၩ့ၥၭ လၧစံအၫလီၫ.
17တၭစယၫကူၭ လ့ၩဆၧလၧစၧကီၭတၭ, ၥုၪ့ဂံၪ့လၧ အဂးလဖျိၪ့, ဒဲမၩရိးလဖၪ လၧအဆၧဖိၪဆၧဎါအဒိၩ့ အဂးလီၫ. မၩအၥၭဘဲၫနီၪတၭ, ဆၧအလးနီၪ ၦကိၭ 18ဝ့ၫအမံၩ့လၧစၧကီၭလီၫ.- တၭစယၫကူၭဂဲၫမုၬမုၬထီၩ့ လၧၡံခံၫ့အဒိၩ့လဖျိၪ့အီၪဝ့ၫ လၧခးကၫနအၫ့အဖၧၩ့ လၧအဂဲၫထၪ့ လၧပၫဒၫ့အၫရၫ့လီၫ. တၭအဝ့ၫဒၪ, ၥုၪ့ အတဲၩလၧဒိၩ့အမ့ၬယၫလီၫ.
19တၭထီးအမိမၩထၪ့တဲၩအလးနီၪ, ဎွ့ၩဂၪ့ခိၪအဝၩ့ လကဲၩ့, လၧစၡံခံၫ့အဖါ စဟၫမီၫ အဖိၪၥံၪအစူၪဖၧၩ့ 20လၧစ့ၩကစံတၫလယၩအဂးလီၫ.- တၭအဝ့ၫမၩထၪ့ ဆၧလုအလးထီးနီၪလီၫ.
Currently Selected:
ၥ မိ 33: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
