ၥ မိ 15
15
15
ယွၩအဆၧအုၩ့လၩ့လၧစအၫဘြၫ့.
1ဆၧလဖၪယီၩအလးခဲၫ့တၭ, ယဟိဝၩအလူလၩ့ဘၪ စအၫဘြၫ့လၧအဒၪဆၧ လၧယၫလခီၫအဖၧၩ့နီၪ, စံၭ ဝ့ၫဒၪ,စအၫဘြၫ့ဧ့, ထီးၥၭမဲၪဆၧလဂ့ၩ, ယမွဲထၩ့ဖံၭ လဘံၪ့လၧနဂးတၭ, နမိန့ဘၪနဘိၪ့ဒိၪဒိၪလ့ၬလီၫ. 2စအၫဘြၫ့စံၭဝ့ၫဒၪ, ကဆါယဟိဝၩဧ့, နမိဖ့ၪလၫ့ယၧၩ ဘဲၫၥ့ၪလဲၪ, အဂဲးဘဲၫယီၩ ယဝ့ၫဒၪယီၩ ယမွဲၦထူၬဖိၪ လီၫ. ၦလၧအမိန့ၥၫဆၧလၧယဂံၪ့ဖၧၩ့ မွဲၦဒမၭစကၧၭ 3ဖိၪစအံၫလအ့ဇၫလဂၩယီၩလီၫ.- စအၫဘြၫ့စံၭဝ့ၫဒၪ, ယိခွါ, နလဖ့ၪလၫ့ဘၪယၧၩ လၧဆၧအချံၫအၥၪတၭ, 4ယိခွါ, ယၡၩဂံၪ့ဖိၪလဂၩ မွဲယၡၩန့ၥၫဆၧလီၫ.-ယိခွါ, ယဟိဝၩ အလူလၩ့ဘၪအဝ့ၫတၭ, စံၭဝ့ၫဒၪ, အဝ့ၫလ ဂၩနီၪမိကဲၪနၡၩန့ၥၫဆၧအ့ၬ, အ့ၪမွဲၦလၧအမိဂဲၫထၪ့ 5လၧနအီၩ့ဖၧၩ့လဂၩနီၪ, မိကဲၪနၡၩန့ၥၫဆၧလီၫ.- အဝ့ၫ ဒၪၥိၫ့ထၪ့ဝ့ၫလၧခီၫ့တၭ, စံၭအဝ့ၫဒၪ, ယိထၪ့ဆၧလၧ မူၭခိၪနီၪ, နဝံထၪ့နၬထၪ့အ့ၪၥ့ၪတၭ, ဝံထၪ့နၬထၪ့ၡၪ လဖၪနီၪဆံၭ. တၭစံၭအဝ့ၫဒၪ နချံၫနၥၪမိမၩအၥၭဘဲၫ 6နီၪၥိၭလီၫ.- အဝ့ၫဒၪနဲၩယဟိဝၩတၭ, ဆၧအီၪက့ၪ 7အဆၧနဲၩနီၪ လၧဆၧတီၩဆၧလီၩ့လၧအဂးလီၫ.- တၭ ၦလဂၩနီၪစံၭအဝ့ၫဒၪ, ဆၧလၧယၧၩယီၩ, ယမွဲယဟိ ဝၩလၧအဂဲၫၥိၫ့ထၪ့နၧၩ လၧၦခၫလဒံအၫဖိၪဒိၩ့အၧၫ အဖၧၩ့, ဘဲၫၥိၭယမိဖ့ၪလၫ့နၧၩခးလဘံၪ့ယီၩ, လၧနမိ 8န့ၥၫအဂးလီၫ.- တၭအဆၧစံၭဝ့ၫဒၪ, ကဆါယဟိဝၩ 9ဧ့,ယမိန့ၥၫခးနီၪ, မွဲယမိၥ့ၪယၫဘဲၫၥ့ၪလဲၪ.- တၭအ ဆၧစံၭအဝ့ၫ ဒၪမၩန့လၧယဂးချီမိၥၧၫ့နံၪ့လဒုၩ, ဒဲဘ့ၪ အမိၥၧၫ့နံၪ့လဒုၩ, ၥိၪဖၫၥၧၫ့နံၪ့လဒုၩ, ဒဲထိၪလွံလ 10ဘံၪ့,ဒဲကၪကဲၪလဘံၪ့နီၪဆံၭ.- အဝ့ၫဒၪမၩန့ဆၧလဖၪ နီၪလၧအဂးတၭ, ဖ့ၬဖၭဝ့ၫထီးအကျၩနီၪ, အီၪက့ၪဝ့ၫ လါခီၫလါခီၫဎၩ့လိၬအၥၭ လကဲၩ့ဒဲလကဲၩ့လီၫ. အ့ၪ 11မွဲထိၪလဖၪနီၪ, ဖ့ၬဖၭဝ့ၫအ့ၬ,- ထိၪၥံၪလံၪၥံၪဂဲၫလၩ့ လၧဆၧစွၪအလီၩ့တၭ, စအၫဘြၫ့မၩတုၩ့ဝ့ၫလီၫ.
12ထီးမုလၩ့နုၬတၭ, ဆၧမံၫမၪလၩ့ဘၪလၧစအၫဘြၫ့ အလီၩ့တၭ, ယိခွါ, ဆၧခံၭတၪ့လၩ့ဘၪ လၧအလီၩ့တၭ, 13ဝၭထိၬဝၭတ့ၭဝ့ၫဒၪလီၫ.- အဝ့ၫဒၪစံၭစအၫဘြၫ့, ၥ့ၪ ယၫနဝ့ၫလၩ့ထံးလၩ့ဆ့ၭ လၧနချံၫနၥၪမိကဲၪထၪ့ ၦမွံၩ လၧခးလဘံၪ့အဖၧၩ့ လၧအလမွဲဘၪအဆၧဒၪဝ့ၫတၭ, မိဘၪမၩခးဖိၪနီၪအဆၧ, ဒဲအဝ့ၫၥံၪမိမၩနၭမၩၡၪ့ဝ့ၫ 14အနံၪ့လံယၩနီၪလီၫ.- လၧနီၪအမ့ၬယၫၦလဆၨၩလၧ အဝ့ၫၥံၪ မိမၩအဆၧနီၪ, ယမိစ့ၩရၫ့ဝ့ၫလီၫ. လၧခဲၫ့ ထဲၩ့တၭ,အဝ့ၫၥံၪ မိစဲၪ့ထၪ့ခွံၬဝ့ၫ လၧအဆၧဖိၪဆၧ 15လံၩအၪအၪလ့ၬလီၫ.- တၭနမိထဲၩ့ထဲၩ့ လၧနဖါၥံၪအ အီၪမုၬမုၬလီၫ. ထီးနၥၭၡါဂ့ၩဂ့ၩဘၪဘၪနီၪ, နမိဘၪ 16ဆၧခုၪ့လၩ့ဘၧၩ့ခွံၬနၧၩလီၫ.- တၭလၧယၫၦလံဆိၩ လဆိၩနီၪအဝ့ၫၥံၪ မိဂဲၫထဲၩ့ထဲၩ့ဝ့ၫထီးယီၩလီၫ. အဂဲး ဘဲၫယီၩ ၦအၫမီၫဖိၪၥံၪအဆၧအၧၩ့ဆၧၥၫ့ လဎွ့ၩထၪ့ 17ဒံၭဘၪလီၫ.- တၭထီးမုလၩ့နုၬဒဲဆၧခံၭလၩ့နီၪ, ယိခွါ, ဖံၫ့ချၪအီၪလၧမ့ၪခူၪ, ဒဲမ့ၪလၪခဲၩထၪ့လၧအလ့ၩလၧ ဆၧလၧအဖ့ၬဖၭဝ့ၫနီၪ လါခီၫလါခီၫအဘိၩ့ဆၧၩ့လီၫ.
18ဆၧလၧမုနံၩလနံၩနီၪ, ယဟိဝၩအုၩ့လၩ့ဆၧ လၧ စအၫဘြၫ့တၭ, စံၭဝ့ၫဒၪယဖ့ၪလၫ့ယူၭနချံၫနၥၪလၧခး လဘံၪ့ယီၩလၧအံဇံၭအထံၫချိၬ ဖိးလၧထံၫမိၡါဖၭဒိၪ, 19ထံၫယုၫဖ့တံၫ,- ၦကံၫ့နဲၭဖိၪၥံၪ, ဒဲၦကံၫ့နစဲၭဖိၪ, ဒဲၦ 20ကၭဒမၧၫ့ဖိၪၥံၪ,- ဒဲၦဟံၥၭဖိၪၥံၪ, ဒဲၦပံရ့ၭဖိၪၥံၪ, ဒဲၦ ရ့ၭဖၫဖိၪၥံၪ, ဒဲၦအၫမီၫဖိၪၥံၪ, ဒဲၦကၫနအၫ့ဖိၪၥံၪ, ဒဲၦ ဂၧဂၫဖိၪၥံၪ, ဒဲၦယံဘူၫဖိၪၥံၪလီၫ.
Currently Selected:
ၥ မိ 15: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
