၂ မိ 14
14
14
ဆၧခၫ့ဂၬ ပၪ့လဲၪဝီၩ. တၭယဟိဝၩချဲၩ့ဆၧလၧစမိစ့ၭတၭ, စံၭဝ့ၫဒၪ,
1-2လီၩ ဘၪၦအံၫစရ့လၭဖိၪ ဘဲၫၥိၭအမိကၠၪအၥၭ, ဒဲၥုၪ့အတဲၩ လၧပဲၫဟဟဲရီၭ, လၧမံဂဒီၫလၭ ဒဲမၫဆမံၭ အဘိၩ့ ဆၧၩ့, လၧဘၫအလၭဇံၭဖိၫ့ အမ့ၬယၫနီၪဆံၭ. နၥံၪ ဘၪၥုၪ့တဲၩဆဲၫဎၩ့ လၧအလးနီၪ လၧမၫဆမံၭနဲၩ့နီၪ 3လီၫ.- အဂဲးဘဲၫယီၩ ဖၫရိၫမိစံၭ လၧၦအံၫစရ့လၭဖိၪ အဂဲးနီၪ, အဝ့ၫၥံၪအီၪကထံၬကထူၬ လၧခးဖၧၩ့ယူၭး မံၩ့လၬကျၩ ဖၭဒိၪနီၪ ကၭဘံၭထၬ အလးခဲၫ့ယူၭ. 4တၭယမိဒုၭနီၩ့ထၪ့ဖၫရိၫအၥၭတၭ, အဝ့ၫနီၪမိလီၩ့ဆီး အဝ့ၫၥံၪတၭ, ယမိဘၪ ဆၧလၩဆၧဖၩ့ လၧဖၫရိၫအ ကၠီၩ့, ဒဲလၧအၥုၭမုထီးအလူၬအကၠီၩ့တၭ, ၦအံဇံၭဖိၪ မိၥ့ၪယၫ လၧယမွဲယဟိဝၩလီၫ. တၭအဝ့ၫၥံၪမၩဘဲၫ နီၪၥိၭလီၫ.
5တၭၦဒုၭနဲၪအံဇံၭအစဎွၩ လၧၦခမျၧးစဲၪ့ထၪ့ခွံၬ ယူၭ. တၭဖၫရိၫအၥၭ ဒဲအခ့ၫအၡၩအၥၭ ထၫ့ဒုၪဒၩ ၦခမျၧးတၭ, စံၭဝ့ၫဒၪ, မွဲဘၪနီၫလၧပမၩဆၧယီၩ, လၧ ပကွဲၪဖျါခွံၬ ၦအံၫစရ့လၭဖိၪ လၧအမၩပဆၧနီၪလဲၪ. 6တၭအဝ့ၫဒၪတဲၩ့ဝဲၩ အလဲၪ့ၥုၭတၭ, အၪ့မၩန့အၡၩ 7ခမျၧးလၧအၥိၭလီၫ.- တၭမၩန့လဲၪ့ၥုၭ လၧဆၧရွံန့ဝ့ၫ ဎူၫယၩ, ဒဲကယဲအံဇံၭ အလဲၪ့ၥုၭၥံၪ, ဒဲၦၥုၭဖိၪလၧ 8လဲၪ့ၥံၪအခိၪ ကိၭဖျိၪ့ဒ့ၭအဂးလီၫ.- ယဟိဝၩဒုၭနီၩ့ ထၪ့အံဇံၭအစဎွၩ ဖၫရိၫအၥၭတၭ, အဝ့ၫဒၪလီၩ့ဆီး ၦအံၫစရ့လၭဖိၪလီၫ. တၭၦအံၫစရ့လၭဖိၪ စဲၪ့ထၪ့လၧ 9ဆၧအစူၪထၪ့ထီၫလီၫ.- အ့ၪမွဲၦအံဇံၭဖိၪ လီၩ့ဆီးဝ့ၫ, ကယဲဖၫရိၫအကၥ့ၪလဖၪ, ဒဲအလဲၪ့ၥုၭၥံၪ, ဒဲအၡၩ ထူၬကၥ့ၪ, ဒဲၥုၭမုခမျၧးတၭ, ချႃၭန့ဝ့ၫလၧအၥုၪ့တဲၩ အလးလၧမၫဆမံၭအနဲၩ့ လၧပဲၫဟဟဲရီၭအနဲၩ့ထံၭ လၧဘၫအလၭဇံၭဖိၫ့အမ့ၬယၫလီၫ.
10ထီးဖၫရိၫဂဲၫဘူၭတၭ, ၦအံၫစရ့လၭဖိၪယိထၪ့ဆၧ တၭ, ယိခွါ, ၦအံဇံၭဖိၪဂဲၫလီၩ့ဆီးဝ့ၫတၭ, အဝ့ၫၥံၪၥၭ မဲၪထၪ့ဝ့ၫဒိၪဒိၪလ့ၬတၭ, ၦအံၫစရ့လၭဖိၪကိၭထၪ့ယ 11ဟိဝၩလီၫ.- တၭအဝ့ၫၥံၪစံၭစမိစ့ၭ, မွဲဆၧၥွၪခိၪလအီၪ ဘၪလၧခးအံဇံၭအဖၧၩ့အကၠီၩ့နီၪ, နဂဲၫဆိၬထၪ့ခွံၬ ပၧၩဘဲၫၥိၭပမိၥံၫ လၧမံၩ့လၬကျၩယီၩဆ့ဧၪး မွဲဘၪနီၫ လၧနမၩပၧၩလၧဆၧယီၩ, လၧနဒုၭစဲၪ့ထၪ့ခွံၬပၧၩလၧ 12အံဇံၭအဖၧၩ့နီၪလဲၪ.- ဆၧချဲၩ့လၧပစံၭနၧၩလၧအံဇံၭ အဖၧၩ့နီၪ, မွဲအယီၩ, ပစံၭ, ဒုၭအီၪဒၪပၧၩဆံၭ, ဘဲၫၥိၭ ပမိမၩၦအံဇံၭဖိၪ အဆၧမၩနီၪမွဲအ့ၬဧၪ. အဂဲးဘဲၫ ယီၩပမၩ ၦအံဇံၭဖိၪအဆၧနီၪ ဂ့ၩနဲၪ့ဒံၭလၧပၥံၫလၧ မံၩ့လၬကျၩယီၩလီၫ.
13တၭစမိစ့ၭစံၭ ၦခမျၧးနီၪ ၥၭမဲၪလဂ့ၩ, အီၪဂုးအီၪ ခၧၫ့တၭ, ဒၪဘၪယဟိဝၩအဆၧမၩဖီၩ့မၩဖျ့ၭ လၧအ မိဒုၭနဲၪနၥံၪ လၧမုဆၫလနံၩယီၩဆံၭ. အဂဲးဘဲၫယီၩ ၦအံဇံၭဖိၪလဖၪ လၧနၥံၪဒၪဘၪ လၧမုဆၫလနံၩယီၩ, စူၩယၫအဆိၩဆိၩအကၠၪကၠၪ နၥံၪဒၪဘၪလၧၩ့အဝ့ၫ 14ၥံၪအ့ၬ.- ယဟိဝၩမိဒုၭဆၧ လၧနၥံၪအဂးတၭ, နၥံၪ မိဘၪအီၪလၩ့မါပံၭလီၫ.
15တၭယဟိဝၩစံၭစမိစ့ၭ, မွဲဘၪနီၫလၫလၧနကိၭထၪ့ ယၧၩလဲၪ. စံၭၦအံစရ့လၭဖိၪ လၧအဘၪလ့ၩ လၧ 16ယၫလီၫ.- တၭနဝ့ၫဒၪယီၩ, ဆိၬထၪ့နနိၪထိၭဘီၩ့တၭ, ယၩ့ထၪ့နစူၪလၧ မၫဆမံၭအဖၫ့ခိၪတၭ, ဒုၭအၪ့နၩ့ဖၭ အဝ့ၫဆံၭ. တၭၦအံၫစရ့လၭဖိၪ မိလ့ၩဆၧလၧခီၫ့လၧ 17မၫဆမံၭအကျၩနီၪလီၫ.- တၭယဝ့ၫဒၪယီၩ, ယိခွါ, ယမိဒုၭနီၩ့ထၪ့ ၦအံဇံၭဖိၪအၥၭတၭ, အဝ့ၫၥံၪမိလီၩ့ ဆီးဝ့ၫလီၫ. တၭယမိဒိၭန့ဆၧလၩဆၧဖၩ့ လၧဖၫရိၫ အကၠီၩ့, ဒဲလၧအၥုၭမုခမျၧးထီးအလူၬအကၠီၩ့, ဒဲလၧ 18အၡၩထူၬကၥ့ၪလဖၪအကၠီၩ့လီၫ.- တၭထီးယအ့ၪ ဒိၭန့ယူၭဆၧလၩဖၩ့ လၧဖၫရိၫအကၠီၩ့, ဒဲအလဲၪ့ၥုၭ ၥံၪအကၠီၩ့, ဒဲလၧအၡၩထူၬ ကၥ့ၪလဖၪအကၠီၩ့တၭ, ၦ အံဇံၭဖိၪ မိၥ့ၪယၫ လၧယမွဲ ယဟိဝၩလီၫ.
19တၭယွၩအၥီၫ့ လၧအလ့ၩလၧၦအံစရ့လၭ ၥုၪ့တဲၩ အမ့ၬယၫနီၪ, ဂဲၫလၧအလးခဲၫ့, ဒဲဆၧအုၪ့အထုၪ့ၥုၭ ခွံၬအလး လၧအဝ့ၫၥံၪအမ့ၬယၫတၭ, ဆၧၫ့ထုၪ့လၧအ 20လးခဲၫ့လီၫ.- တၭဂဲၫဝ့ၫလၧ ၦအံဇံၭဖိၪ ၥုၪ့တဲၩအလး ဒဲၦအံၫစရ့လၭဖိၪ ၥုၪ့တဲၩအဘိၩ့ဆၧၩ့တၭ, မွဲဆၧအုၪ့ ဒဲဆၧခံၭ လၧအဝ့ၫၥံၪအဂးလါနၫ့တၭ, ဖၩ့ထၪ့ဝ့ၫလၧ ၦလဖၪယီၩအဂး လၧမုနၩလီၫ. တၭၥၫ့နၩချီၩ့နီၪ, အ ဝ့ၫၥံၪ ဂဲၫဘူၭလိၬအၥၭအ့ၬ.
21စမိစ့ၭ ယၩ့ထၪ့အစူၪ လၧမၫဆမံၭ အဖၫ့ခိၪတၭ, ယဟိဝၩဒုၭဂဲၫထၪ့ လံၩဆီၪ့လၧမုထၪ့လခီၫ ၥၫ့နၩချီၩ့ နီၪ, ဒုၭထဲၩ့ထဲၩ့မၫဆမံၭ ထီးမၫဆမံၭ ကဲၪထၪ့ခီၫ့တၭ, 22ထံၫနီၪလၩ့ဖၭဝ့ၫဒၪလီၫ.- တၭၦအံၫစရ့လၭဖိၪ လ့ၩ လၩ့လၧမၫဆမံၭအကျၩ လၧခီၫ့တၭ, ထံၫနီၪကဲၪထၪ့ ဆၧအဒီၪ့ လၧအစူၪထွ့ၪဒဲ လၧအစူၪစ့ၪ လၧအဝ့ၫၥံၪ အဂးလီၫ.
23ၦအံဇံၭဖိၪလဖၪ လီၩ့ဆီးအဝ့ၫၥံၪတၭ, လ့ၩနုၬဖိၬ အခဲၫ့လၧမၫဆမံၭအကျၩ, ကယဲဖၫရိၫအကၥ့ၪ ဒဲအ 24လဲၪ့ၥုၭၥံၪ, ဒဲၦထူၬကၥ့ၪထီးအလူၬလီၫ.- ဆၧမၩအ ၥၭလၧၦခိၭဆၧအထီ လၧမုဂီၩလခီၫနီၪ ယဟိဝၩယိ ဖျီၫ့မ့ၪဒဲဆၧအုၪ့အထုၪ့နီၪတၭ, ဒၪဘၪအံဇံၭအၡၩၥုၭ မုခမျၧးတၭ, မၩထံၬထၬၦအံဇံၭ အၥုၭမုခမျၧးနီၪ, 25ထုၭလၩ့ခွံၬဝ့ၫ အလဲၪ့ပၪတၭ, အဝ့ၫၥံၪလ့ၩဘုၭထံၬ ဘုၭထၬတၭ ၦအံဇံၭဖိၪစံၭဝ့ၫ, မွဲပစဲၪ့ခွံၬၡီၩ့လၧအံၫ စရ့လၭအမ့ၬယၫဆံၭ, အဂဲးဘဲၫယီၩ ယဟိဝၩဒုၭၥုၭ လၧအဝ့ၫၥံၪအဂးတၭ, ထၫ့ဒုၪဒၩၦအံဇံၭဖိၪ လခီၫ 26လီၫ.- တၭယဟိဝၩစံၭစမိစ့ၭ ယၩ့ထၪ့နစူၪလၧမၫဆ မံၭအဖၫ့ခိၪ ဘဲၫၥိၭထံၫလဖၪနီၪ မိဂဲၫထဲၩ့ကဒၩထဲၩ့ လၧၦအံဇံၭဖိၪအဖၫ့ခိၪ, လၧအလဲၪ့ၥုၭအဖၫ့ခိၪ, လၧ 27အၡၩထူၬကၥ့ၪအဖၫ့ခိၪနီၪဆံၭ.- စမိစ့ၭယၩ့ထၪ့အစူၪ လၧမၫဆမံၭအဖၫ့ခိၪတၭ, ထီးဆၧဖၩ့ထၪ့တၭ, မၫဆ မံၭနီၪဂဲၫထဲၩ့ထဲၩ့ဝ့ၫ လၧအဂဲးအဘၭတၭ, ၦအံဇံၭဖိၪ စဲၪ့ဝ့ၫလၧအမ့ၬယၫတၭ, ယဟိဝၩဒုၭချႃၬလၩ့ခွံၬ ၦ 28အံဇံၭဖိၪလၧမၫဆမံၭအဖၧၩ့နီၪလီၫ.- တၭထံၫလဖၪနီၪ ဂဲၫထဲၩ့ထဲၩ့တၭ, မၩလၩ့ဘၧၩ့ခွံၬ လဲၪ့ၥုၭၥံၪ, ဒဲၦထူၬ ကၥ့ၪ, ကယဲဖၫရိၫအၥုၭမုခမျၧးထီးအလူၬ လၧအဂဲၫ လီၩ့ဆီးအဝ့ၫၥံၪ လၧမၫဆမံၭဖၧၩ့နီၪလီၫ. အီၪလၩ့ 29ထးဝ့ၫနးဂၩအ့ၬ.- အ့ၪမွဲၦအံၫစရ့လၭဖိၪ လ့ၩဆၧလၧ ခီၫ့လၧမၫဆမံၭအကျၩတၭ, ထံၫလဖၪနီၪ ကဲၪထၪ့ဆၧ အဒီၪ့လၧအစူၪထွ့ၪ ဒဲလၧအစူၪစ့ၪ လၧအဝ့ၫၥံၪအဂး လီၫ.
30တၭလၧမုလနံၩနီၪ ယဟိဝၩမၩဖီၩ့မၩဖျ့ၭၦအံၫ စရ့လၭဖိၪလၧၦအံဇံၭဖိၪ အစူၪဖၧၩ့လီၫ. တၭၦအံၫစရ့ လၭဒၪဘၪၦအံဇံၭဖိၪ လၧအၥံၫ လၧမၫဆမံၭနဲၩ့နီၪ လီၫ.
31တၭအံၫစရ့လၭ ဒၪဘၪ ဆၧမၩဖၭဒိၪ လၧယဟိဝၩ မၩၦအံဇံၭဖိၪတၭ, ၦခမျၧးၥၭမဲၪယဟိဝၩတၭ ဆူထဲၩ့ နဲၩထဲၩ့ ယဟိဝၩ ဒဲအခ့ၫအၡၩ စမိစ့ၭနီၪလီၫ.
Currently Selected:
၂ မိ 14: pwokyn2
Highlight
Share
Copy
Want to have your highlights saved across all your devices? Sign up or sign in
Pwo Kayin Bible © Bible Society of Myanmar, 1883.
