လံာ်တၢ်လီၣ်ဖျါလၢစီၤယိၤဟၣ်. ၁၅
၁၅
1ဒီးတၢ်ဒိၣ်,တၢ်ကမၢကမၣ်အလီၢ်, တၢ်ပနီၣ်လီၤလး အဂၤတမံၤယထံၣ်လၢမူခိၣ်, ကလူးနွံဂၤအိၣ်ဒီးတၢ်နး တၢ်ဖှီၣ်နွံမံၤလၢအမ့ၢ်တၢ်ကတၢၢ်လီၤ.အဂ့ၢ်ဒ်အံၤ, ယွၤ အတၢ်သးဒိၣ်ထီၣ်န့ၣ်ဝံၤထီၣ်ဝဲလၢအပူၤလီၤ.
2ဒီးယထံၣ်တၢ်လီၤဂာ်လၢပီၣ်လဲၣ် ယွၤခၣ်စိးဃါဃုာ် အသးဒီးမ့ၣ်အူ,ဒီးပှၤလၢအမၤနၢၤတၢ်ဒူတၢ်ဃိၤ, ဒီးအ ဂီၤဒီးအမံၤအတၢ်ဂံၢ်န့ၣ်, ဆၢထၢၣ်လၢပီၣ်လဲၣ်ယွၤခၣ် စိးအဖံးခိၣ်,အိၣ်ဒီးယွၤအတနၢ်လီၤ. 3ဒီးအုၣ်ယွၤအခ့ ပှၤစီၤမိၤရှ့အထါ,ဒီးသိဖိအထါ,ဒီးစံးဝဲဒၣ်,သ့တၢ်လၢာ် ကစၢ်ယွၤဧၢ, နတၢ်မၤန့ၣ်မ့ၢ်တၢ်အဒိၣ်ဒီးတၢ်ဒုးကမၢ ကမၣ်ပသးလီၤ.တၢ်အစိၤအဃၣ်အစီၤပၤဧၢ, နကျဲတ ဖၣ်န့ၣ်မ့ၢ်အတီအလိၤ,ဒီးအမ့ၢ်အတီလီၤ. 4ကစၢ်ဧၢ,မ့ၢ် မတၤတပျံၤဘၣ်, ဒီးတစံးထီၣ်ပတြၢၤဘၣ်နမံၤတဂၤ လဲၣ်. အဂ့ၢ်ဒ်အံၤ,နဲဒၣ်အံၤနမ့ၢ်ပှၤစီဆှံတဂၤဃီဧိၤလီၤ. အဂ့ၢ်ဒ်အံၤ, ကယဲၢ်ပှၤကလုာ်ကလုာ်ကဟဲဘါတၢ်လၢ နမဲာ်ညါလီၤ.အဂ့ၢ်ဒ်အံၤ, နတၢ်စံၣ်ညီၣ်အိၣ်ဖျါထီၣ်လီၤ
5ဒီးတၢ်တဖၣ်န့ၣ်အလီၢ်ခံဒီး, ယထံၣ်တၢ်ဒီး,တၢ်လုၢ် ဟံၣ်ဘၣ်ဃးဒီးတၢ်အုၣ်အသးအဒဲလၢမူခိၣ်အိးထီၣ်အ သးလီၤ. 6ဒီးကလူးနွံဂၤအိၣ်ဒီးတၢ်နးတၢ်ဖှီၣ်နွံမံၤဟဲ ထီၣ်လၢတၢ်လုၢ်ဟံၣ်ပူၤန့ၣ်, ကူသိးထီၣ်ဖှီဝါကဆှၣ်က တြ့ၣ်ကတြိၣ်, ဒီးကံၢ်တူာ်အယီၢ်တကိးထူလၢအသးနါ ပှၢ်လီၤ. 7ဒီးလၢတၢ်အသးလွံၢ်ဒုအကျါတဒု,ဟ့ၣ်လီၤက လူးနွံဂၤန့ၣ်, လၢလီခီထူနွံဖျၢၣ်လၢပှဲၤဒီးယွၤလၢအမူဝဲ လီၤထူလီၤယိာ်, အတၢ်သးဒိၣ်ထီၣ်လီၤ. 8ဒီးတၢ်လုၢ် ဟံၣ်ပူၤန့ၣ်လၢပှဲၤဝဲဒီး တၢ်ခုၣ်ဘၣ်ဃးဒီး ယွၤအလၤ အကပီၤ, ဒီးအစိအကမီၤလီၤ. ဒီးကလူးနွံဂၤအတၢ်နး တၢ်ဖှီၣ်နွံမံၤန့ၣ်,တချုးဝံၤထီၣ်ဒံးဘၣ်ဒီး, ပှၤလဲၤနုာ်ဆူ တၢ်လုၢ်ဟံၣ်ပူၤတသ့ဘၣ်နီတဂၤဘၣ်.
Currently Selected:
လံာ်တၢ်လီၣ်ဖျါလၢစီၤယိၤဟၣ်. ၁၅: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.