လံာ်တၢ်လီၣ်ဖျါလၢစီၤယိၤဟၣ်. ၁၄
၁၄
1ဒီးယထံၣ်တၢ်,ဒီးကွၢ်ကွၢ်,သိဖိဆၢထၢၣ်လၢကစၢၢ်စံ ယိၣ်အလိၤ,ဒီးပှၤလၢအအိၣ်ဒီးအဝဲဒၣ်အမံၤဒီးအပၢ်အ မံၤကွဲးအသးလၢအမဲာ်တူၢ်ခိၣ်န့ၣ်, တကလီၤလွံၢ်က လးလွံၢ်ကထိအိၣ်ဒီးအီၤလီၤ.
2ဒီးယနၢ်ဟူတၢ်အကလုၢ်သီၣ်လၢမူခိၣ်, ဒ်ထံအါထီၣ် အသိး,ဒီးဒ်လီသီၣ်ဖးဒိၣ်အသိးန့ၣ်လီၤ. ဒီးတၢ်ကလုၢ် သီၣ်လၢယနၢ်ဟူ,မၤသးဒ်ပှၤဒ့တနၢ်တဖၣ်ဒ့အတနၢ်အ သိးလီၤ. 3ဒီးအုၣ်ထီၣ်ဝဲမၤအသးဒ် ထါသီအသိးလၢ လီၢ်ပစိာ်အမဲာ်ညါ, ဒီးတၢ်အသးလွံၢ်ဒု, ဒီးပှၤသူၣ်က့ သးပှၢ်န့ၣ်အမဲာ်ညါလီၤ.ဒီးပှၤမၤလိထါန့ၣ်တသ့ဘၣ်နီ တဂၤဘၣ်. သ့ထဲပှၤလၢတၢ်ပှ့ၤက့ၤအီၤလၢဟီၣ်ခိၣ်ချၢ, တကလီၤလွံၢ်ကလးလွံၢ်ကထိတဖၣ်ဧိၤလီၤ. 4ပှၤတဖၣ် န့ၣ်, မ့ၢ်ပှၤလၢအတဘၣ်အၢဘၣ်ဒီးပိာ်မုၣ်ပိာ်မၢၤဘၣ်, အဂ့ၢ်ဒ်အံၤ, မ့ၢ်မုၣ်ကနီၤလီၤ.ပှၤတဖၣ်န့ၣ်မ့ၢ်ပှၤလၢအ ပိာ်သိဖိအခံ, ဖဲအဆှၢအီၤတပူၤလၢ်လၢ်လီၤ. ပှၤတဖၣ် န့ၣ်,မ့ၢ်ပှၤလၢတၢ်ပှ့ၤက့ၤအီၤလၢပှၤကညီအကျါ, ဒီးမ့ၢ် တၤသၣ်အဆိလၢယွၤဒီးသိဖိအဂီၢ်လီၤ. 5ဒီးတၢ်တထံၣ် န့ၢ်ဘၣ်တၢ်ကဘျံးကဘျၣ်လၢအထးခိၣ်ဘၣ်. အဂ့ၢ်ဒ် အံၤ,အတၢ်ကမၣ်တအိၣ်ဘၣ်. 6ဒီးယထံၣ်ကလူးအဂၤတဂၤ, ယူၤလၢတၢ်ဖးဖီအိၣ်ဒီးတၢ်သးခုအကစီၣ်အထူအယိာ် ဒ်သိးအကစံၣ်တဲၤတဲလီၤလၢပှၤအိၣ်လၢဟီၣ်ခိၣ်ချၢ, ဒီးကယဲၢ်ပှၤကလုာ်,ဒီးပှၤအဒူၣ်,ဒီးပှၤကတိၤတၢ်အကျိာ်,ဒီးပှၤဂီၢ်မုၢ်ခဲလၢာ်,-
7ဒီးစံးဝဲလၢအကလုၢ်သီၣ်ဖးဒိၣ်,ပျံၤယွၤဒီးစံးထီၣ်ပတြၢၤ အီၤတက့ၢ်. အဂ့ၢ်ဒ်အံၤ,စံၣ်ညီၣ်တၢ်အနၣ်ရံၣ်ဘၣ်လံ. ဒီးဘူၣ်ထီၣ်ဘါထီၣ်ပှၤလၢအတ့မူခိၣ်, ဒီးဟီၣ်ခိၣ်, ဒီး ပီၣ်လဲၣ်,ဒီးထံထီၣ်ပၢၢ်တဖၣ်န့ၣ်တက့ၢ်.
8ဒီးကလူးအဂၤတဂၤပိာ်အခံဒီးစံးဝဲဒၣ်, ဘၤဘူၤလိၣ်ဖး ဒိၣ်, လီၤပှီၢ်လံ,လီၤပှီၢ်လံ.အဂ့ၢ်ဒ်အံၤ,မၢန့ၢ်လံပှၤကိးအ ကလုာ်ဒဲးအီတၢ်သးဒိၣ်ထီၣ်အစပံးထံဘၣ်ဃးဒီးအမၤ ကမၣ်မုၣ်ကမၣ်ခွါလီၤ.
9ဒီးကလူးအဂၤလၢအပှဲၤထီၣ်သၢဂၤတဂၤ,ပိာ်ထီၣ်အ ဝဲသ့ၣ်အခံ,ဒီးကိးထီၣ်လၢအကလုၢ်ဖးဒိၣ်,ပှၤတဂၤဂၤ မ့ၢ်ဘါထီၣ်တၢ်ဒူတၢ်ဃိၤဒီးအဂီၤ,ဒီးဒိးအတၢ်ပနီၣ်လၢ အမဲာ်တူၢ်ခိၣ်မ့ၢ်ဂ့ၤ,လၢအစုမ့ၢ်ဂ့ၤဒီး, 10အဝဲဒၣ်ကဘၣ် အီယွၤအတၢ်သးဒိၣ်ထီၣ်အစပံးထံလၢအတဃါဃုာ် ဘၣ်ဝဲဒီးဘၣ်တၢ်ဂၢ်လီၤအီၤလၢအတၢ်သးဒိၣ်ထီၣ်အ လီခီပူၤ,ဒီးကဘၣ်တၢ်နးတၢ်ဖှီၣ်လၢမ့ၣ်အူဒီးကးအပူၤ, လၢကလူးစီဆှံတဖၣ်အမဲာ်ညါ,ဒီးသိဖိအမဲာ်ညါလီၤ.-
11ဒီးပှၤလၢအဘါထီၣ်တၢ်ဒူတၢ်ဃိၤဒီးအဂီၤ,ဒီးပှၤလၢအ ဒိးအမံၤအပနီၣ်တဖၣ်န့ၣ်, တအိၣ်ဘှံးဘၣ်လၢမုၢ်ဆါ ဆဲးလၢမုၢ်နၤ, ဒီးအတၢ်နးတၢ်ဖှီၣ်ကခုၣ်ထီၣ်ဝဲ,အစိၤစိၤ အဃၣ်ဃၣ်လီၤ.
12ဖဲအံၤမ့ၢ်ပှၤစီဆှံအတၢ်ဝံသးစူၤ, ပှၤလၢအတိၢ်န့ၢ်ယွၤ အကလုၢ်အကထါ, ဒီးတၢ်နာ်ဘၣ်ဃးဒီး ယ့ၣ်ရှူးန့ၣ် လီၤ.
13ဒီးယနၢ်ဟူတၢ်ကလုၢ်သီၣ်လီၤလၢမူခိၣ် ဒီးစံးဝဲဒၣ်, ကွဲး, တုၤအံၤဆူညါပှၤသံလၢအသံဝဲလၢကစၢ်အပူၤတ ဖၣ်န့ၣ်ဘၣ်ဆိၣ်ဂ့ၤဝဲလီၤ. မ့ၢ်လံ, သးန့ၣ်စံးဝဲဒၣ်,ဒ်သိး အကအိၣ်ဘှံးဝဲလၢအတၢ်မၤ, ဒီးအတၢ်မၤပိာ်ထီၣ်အခံ လီၤ.
14ဒီးယထံၣ်တၢ်, ဒီးကွၢ်ကွၢ်,တၢ်အၢၣ်ဝါ,ဒီးပှၤဆ့ၣ်နီၤ လၢတၢ်အၢၣ်န့ၣ်အလိၤ လီၤဂာ်လၢပှၤကညီဖိခွါအိၣ်ဒီး ခိၣ်သလုးထူလၢအခိၣ်,ဒီးထါဂဲာ်လၢအကနၣ်အ့ၣ်တၢ် တဘ့ၣ်လၢအစုပူၤလီၤ. 15ဒီးကလူးအဂၤတဂၤ,ဟဲထီၣ် လၢတၢ်လုၢ်ဟံၣ်ပူၤ, ဒီးကိးပသူထီၣ်လၢအကလုၢ်ဖးဒိၣ် ဆူပှၤလၢအဆ့ၣ်အနီၤလၢတၢ်အၢၣ်အလိၤတဂၤန့ၣ်,မၢ လီၤနထါဂဲာ်, ဒီးကူးတၢ်တက့ၢ်.အဂ့ၢ်ဒ်အံၤ,ကူးတၢ်အ နၣ်ရံၣ်ဘၣ်လံ.အဂ့ၢ်ဒ်အံၤ,ဟီၣ်ခိၣ်အဘုဃ့ထီၣ်လံ.-
16ဒီးပှၤလၢအဆ့ၣ်နီၤလၢတၢ်အၢၣ်အလိၤတဂၤ, တ့ၢ်လီၤ အထါဂဲာ်လၢဟီၣ်ခိၣ်အဖီခိၣ်, ဒီးဟီၣ်ခိၣ်ဘၣ်တၢ်ကူး အီၤလီၤ.
17ဒီးကလူးအဂၤတဂၤ, ဟဲထီၣ်လၢတၢ်လုၢ်ဟံၣ်လၢအ အိၣ်လၢမူခိၣ်,ဒီးအဝဲဒၣ်စ့ၢ်ကီးအိၣ်ဒီးအထါဂဲာ်လၢအ ကနၣ်အ့ၣ်တဘ့ၣ်လီၤ. 18ဒီးကလူးလၢအဂၤ,အိၣ်ဒီးအစိ အကမီၤလၢမ့ၣ်အူအဖီခိၣ်တဂၤ, ဟဲထီၣ်လၢတၢ်လုၢ် လီၢ်, ဒီးကိးပသူထီၣ်လၢအကလုၢ်ဖးဒိၣ်ဆူပှၤလၢအ အိၣ်ဒီးအထါဂဲာ်လၢအကနၣ်အ့ၣ်,ဒီးစံးဝဲဒၣ်, မၢလီၤန ထါဂဲာ်လၢအကနၣ်အ့ၣ်ဒီး ပာ်ဖှိၣ်ဟီၣ်ခိၣ်အစပံးမုၢ်အ ကူၤတဖၣ်တက့ၢ်. အဂ့ၢ်ဒ်အံၤ,အစပံးသၣ်မံထီၣ်လံ.-
19ဒီးကလူးန့ၣ်တ့ၢ်လီၤအထါဂဲာ်လၢဟီၣ်ခိၣ်ချၢ, ဒီးပာ် ဖှိၣ်ဟီၣ်ခိၣ်အစပံးမုၢ်, ဒီးဖၢလီၤဝဲလၢယွၤအတၢ်သးဒိၣ် ထီၣ်အနီၣ်စံၢ်စပံးသၣ်အကျိးဖးဒိၣ်အပူၤလီၤ. 20ဒီးတၢ် ယီၢ်ကျိးလၢဝ့ၢ်အချၢ, ဒီးသွံၣ်ဟဲလီၤလၢကျိးပူၤ, ဒီးထီၣ် ဘးလၢကသ့ၣ်အထးအ့ၣ်, ယံၤဝဲစတၤဒံအူၢ်တကထိ ဃုကယၤလီၤ.
Currently Selected:
လံာ်တၢ်လီၣ်ဖျါလၢစီၤယိၤဟၣ်. ၁၄: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.