လံာ်စီၤမိၤရှ့အခီၣ်ထံးတဘ့ၣ်. ၃၈
၃၈
1ဒီးအကတီၢ်ဖဲန့ၣ်တၢ်မၤအသးလၢ စီၤယူဒၤဟးထီၣ် လၢအဒီပုၢ်ဝဲၢ်အကျါ, ဒီးဃၣ်ကပၤအသးဆူပှၤတဂၤ, ပှၤဧဒူးလၣ်ဖိအအိၣ်, လၢအမံၤမ့ၢ်စီၤဃံရၤလီၤ. 2ဒီး စီၤယူဒၤန့ၣ်ထံၣ်ဘၣ်မတၤတဂၤ, ပှၤကနၤဧၣ်ဖိစီၤရှူာ် အဖိမုၣ်ဖဲန့ၣ်, ဒီးဟံးန့ၢ်အီၤ, ဒီးလဲၤနုာ်ဆူအအိၣ်လီၤ.-
3ဒီးဒၢထီၣ်ဝဲဒီးဆံးစၢ်န့ၢ်အဖိခွါ, ဒီးယုၢ်ဝဲအမံၤလၢစီၤ အ့ၢ်လီၤ.
4ဒီးဒၢထီၣ်ကဒီးဝဲ, ဒီးဆံးစၢ်န့ၢ်အဖိခွါ, ဒီးယုၢ်ဝဲအ မံၤလၢစီၤအိၤနၣ်လီၤ.
5ဒီးဒၢထီၣ်ကဒီးဝဲ, ဒီးဆံးစၢ်န့ၢ်အဖိခွါ, ဒီးယုၢ်ဝဲအ မံၤလၢစီၤရှ့လၤလီၤ. ဒီးလၢအဆံးစၢ်အဝဲတဂၤန့ၣ်စီၤ ယူဒၤအိၣ်ဝဲလၢဝ့ၢ်ကစံာ်လီၤ.
6ဒီးစီၤယူဒၤဟံးန့ၢ်မါလၢ အဖိဝဲၢ်ကိစီၤအ့ၢ်အဂီၢ်ဒီးအ မံၤမ့ၢ်နီၢ်တၤမၢ်လီၤ. 7ဒီးစီၤယူဒၤအဖိဝဲၢ်ကိစီၤအ့ၢ်တ ဂၤန့ၣ်, အၢဝဲလၢယွၤအမဲာ်ညါ, ဒီးယွၤမၤသံအီၤလီၤ.-
8ဒီးစီၤယူဒၤစံးဘၣ်စီၤအိၤနၣ်, လဲၤနုာ်ဆူနဝဲၢ်အမါအ အိၣ်, ဒီးန့ၢ်မါလၢအီၤ, ဒီးဒုးအိၣ်ထီၣ်တၢ်အချံအသၣ် လၢနဝဲၢ်အဂီၢ်တက့ၢ်.
9ဒီးစီၤအိၤနၣ်န့ၣ်သ့ၣ်ညါဝဲလၢ တၢ်အချံအသၣ်တကဲ ထီၣ်အတၢ်ဒၣ်ဝဲဘၣ်, ဒီးတၢ်မၤအသးတုၤအလဲၤနုာ် လၢအဝဲၢ်အမါအအိၣ်ဒီး,မၤဟးဂီၤကွံာ်တၢ်ဆူဟီၣ်ခိၣ်, ဒ်သိးအသုတဟ့ၣ် တၢ်အချံအသၣ်လၢအဝဲၢ်တဂ့ၤန့ၣ် လီၤ. 10ဒီးတၢ်လၢအမၤဝဲန့ၣ် မ့ၢ်တၢ်အၢလၢယွၤအ မဲာ်ညါ, ဒီးမၤသံအီၤစ့ၢ်ကီးလီၤ.
11ဒီးစီၤယူဒၤစံးဘၣ်အဒဲၣ်နီၢ်တၤမၢ်န့ၢ်, အိၣ်ကမဲလၢ နပၢ်အဟံၣ်ပူၤတုၤယဖိခွါစီၤရှ့လၤဒိၣ်ထီၣ်တက့ၢ်. အ ဂ့ၢ်ဒ်အံၤ, စံးဝဲဒၣ်, ကသံဘၣ်ဖုးဒ်အဝဲၢ်တဖၣ်အသိး လီၤ. ဒီးနီၢ်တၤမၢ်န့ၣ်လဲၤအိၣ်ဝဲဆိးဝဲလၢအပၢ်အဟံၣ် ပူၤလီၤ.
12ဒီးအနံၤအသီအါထီၣ်ဝဲဝံၤဒီး, စီၤရှူာ်အဖိမုၣ်, စီၤ ယူဒၤအမါသံဝဲလီၤ. ဒီးစီၤယူဒၤဘၣ်တၢ်မၤမုာ်အီၤဝံၤ ဒီး, လဲၤဝဲဆူပှၤတံာ်သိအဆူၣ်အအိၣ်, ဆူတံးမနၤ, အဝဲဒၣ်ဒီးအတံၤအသကိးပှၤဧဒူးလၣ်ဖိစီၤဃံရၤလီၤ. 13ဒီးပှၤစံးဘၣ်နီၢ်တၤမၢ်ဒီးစံးဝဲဒၣ်, နမံၤပှၢ်ပိာ်ခွါလဲၤထီၣ်ဆူတံးမနၤ, ဒ်သိးအကတံာ် အသိအဆူၣ်လိၤ.-
14ဒီးအဝဲဒၣ်ဘ့ၣ်ကွံာ်အမုၣ်ကမဲအကူအသိး, ကျၢၢ်ဘၢ ထီၣ်အသးဒီးနီၢ်ကျၢၢ်ဘၢ, ဒီးကၤအတၢ်, ဒီးဆ့ၣ်နီၤ လၢထံထီၣ်ပၢၢ်ခံပူၤအကျဲစၢၤ, လၢအအိၣ်ဝဲလၢတံးမ နၤအကျဲဃၢၤန့ၣ်လီၤ. အဂ့ၢ်ဒ်အံၤ, ထံၣ်ဘၣ်ဝဲလၢစီၤ ရှ့လၤဒိၣ်ထီၣ်ဝဲ, ဒီးတၢ်တဟ့ၣ်ဘၣ်အီၤလၢအမါဘၣ်.
15ဒီးစီၤယူဒၤထံၣ်ဘၣ်အီၤ, ဒီးမ့ၢ်အကျၢၢ်ဘၢအမဲာ်ဒီး, ဆိကမိၣ်ဝဲလၢအမ့ၢ်ပှၤဃဲသဲမုၣ်တဂၤလီၤ. 16ဒီးဃၣ်က ပၤအသးဆူအအိၣ်လၢကျဲဃၢၤ, ဒီးစံးဝဲဒၣ်, ဟဲမီၣ်, ဒုး ဟဲနုာ်လၢ်ယၤလၢနအိၣ်တက့ၢ်, (အဂ့ၢ်ဒ်အံၤ, တသ့ၣ် ညါဘၣ်လၢအမ့ၢ်အဒဲၣ်ဘၣ်.) ဒီးစံးဝဲဒၣ်, ဒ်သိးနက ဟဲနုာ်လၢယအိၣ်ဒီး, နကဟ့ၣ်ယၤလၢမနုၤတမံၤလဲၣ်.
17ဒီးစံးဝဲဒၣ်, ယကမၢပှၤဟဲစိာ်န့ၢ်နၤလၢ မဲာ်တဲးလဲး ဖိတဒုလၢမဲာ်တဲးလဲးအကျါလီၤ. ဒီးစံးဝဲဒၣ်, နတချုး မၢလီၤဒံးဘၣ်ဒီး, နကဟ့ၣ်ကီၤတၢ်တမံၤမံၤဧါ.
18ဒီးစံးဝဲဒၣ်, ယဘၣ်ဟ့ၣ်နၤလၢတၢ်ဟ့ၣ်ကီၤမနုၤတ မံၤလဲၣ်. ဒီးစံးဝဲဒၣ်, နတၢ်စဲဃာ်ပနီၣ်, ဒီးအပျံၤ, ဒီး နီၣ်ထိးဘိလၢအအိၣ်လၢနစုပူၤလီၤ. ဒီးဟ့ၣ်တၢ်တဖၣ် န့ၣ်လၢအီၤ, ဒီးလဲၤနုာ်ဆူအအိၣ်, ဒီးအဝဲဒၣ်ဒၢထီၣ် လၢအဃိလီၤ.
19ဒီးဂဲၤဆၢထၢၣ်ဝဲ, ဒီးက့ၤက့ၤတၢ်, ဒီးဘ့ၣ်ကွံာ်အ နီၣ်ကျၢၢ်ဘၢလၢအလိၤ, ဒီးကူသိးထီၣ်က့ၤပှၤမုၣ်ကမဲ အကူအသိးလီၤ.
20ဒီးစီၤယူဒၤမၢအတံၤအသကိး, ပှၤဧဒူးလၣ်ဖိတဂၤ လဲၤစိာ်မဲာ်တဲးလဲးဖိတဒု ဒ်သိးအကဒိးန့ၢ်က့ၤတၢ်ဟ့ၣ် ကီၤန့ၣ်လၢပိာ်မုၣ်အစုပူၤလီၤ. ဒီးတထံၣ်န့ၢ်ဘၣ်အီၤ ဘၣ်. 21ဒီးသံကွၢ်ပှၤလၢအဝဲဒၣ်အလီၢ်န့ၣ်, ဒီးစံးဝဲဒၣ်, ပှၤဃဲသဲမုၣ် လၢအအိၣ်တ့ၢ်လၢ ထံထီၣ်ပၢၢ်ခံပူၤဖဲကျဲ ဃၢၤတဂၤန့ၣ်မ့ၢ်အအိၣ်ဖဲလဲၣ်, ဒီးစံးဝဲဒၣ်, ပှၤဃဲသဲ မုၣ်တအိၣ်တ့ၢ်ဘၣ်ဖဲအံၤနီတဂၤဘၣ်.
22ဒီးက့ၤကဒါက့ၤဆူစီၤယူဒၤအအိၣ် ဒီးစံးဘၣ်အီၤ, ယတထံၣ်န့ၢ်ဘၣ်ပိာ်မုၣ်ဘၣ်. ဒီးပှၤအိၣ်လၢတၢ်အလီၢ် န့ၣ်စံးဝဲလၢ ပှၤဃဲသဲမုၣ်တအိၣ်တ့ၢ်ဘၣ်ဖဲန့ၣ်နီတဂၤ ဘၣ်.
23ဒီးစီၤယူဒၤစံးဝဲဒၣ်, ကဟံးန့ၢ်ဒၣ်ဝဲတက့ၢ်. ပမဲာ် ကဆှးဘၣ်ဖုးလီၤ, ကွၢ်ကွၢ်, ယမၢလီၤမဲာ်တဲးလဲးဖိ တဒုအံၤ, ဒီးနတထံၣ်န့ၢ်ဘၣ်အီၤဘၣ်.
24ဒီးတၢ်မၤအသးလၢအလီၢ်ခံသၢလါဃၣ်ဃၣ်န့ၣ် ပှၤ စံးဘၣ်စီၤယူဒၤ, ဒီးစံးဝဲဒၣ်, နဒဲၣ်နီၢ်တၤမၢ်တဂၤမၤ ကမၣ်တၢ်, ဒီးကွၢ်ကွၢ်, ဒၢသမူထီၣ်စ့ၢ်ကီးလီၤ. ဒီး စီၤယူဒၤစံးဝဲဒၣ်, ဟဲက့ၤစိာ်ထီၣ်အီၤ, ဒီးမ်အဘၣ်တၢ် ကုၢ်သံဃိသံအီၤတက့ၢ်.
25ဒီးတုၤပှၤဟဲက့ၤစိာ်ထီၣ်အီၤဒီး, အဝဲဒၣ်မၢလီၤတၢ် ဆူအမံၤပှၢ်ပိာ်ခွါအအိၣ်, ဒီးစံးဝဲဒၣ်, ယဒၢထီၣ်လၢ တၢ်တဖၣ်န့ၣ်အကစၢ်အဃိလီၤ. ဒီးစံးဝဲဒၣ်, ကွၢ်နီၣ် လၢ်တက့ၢ်. တၢ်စဲဃာ်ပနီၣ်, ဒီးအပျံၤ, ဒီးနီၣ်ထိးဘိ တဖၣ်အံၤမ့ၢ်မတၤအဝဲလဲၣ်.
26ဒီးစီၤယူဒၤကွၢ်နီၣ်ဝဲဒီးစံးဝဲဒၣ်, အဝဲဒၣ်န့ၣ်တီန့ၢ်လိၤ န့ၢ်ယၤတက့ၢ်လီၤ. အဂ့ၢ်ဒ်အံၤ, ယတဟ့ၣ်ဘၣ်အီၤလၢ ယဖိခွါစီၤရှ့လၤဘၣ်, ဒီးတသ့ၣ်ညါလၢၤဘၣ်အီၤဘၣ်.
27ဒီးတၢ်မၤအသးလၢအဟုးဆါအဖၢမုၢ်ဒီး, ကွၢ်ကွၢ်, ပှၤသဃံာ်အိၣ်ဝဲလၢအဒၢလီၢ်ပူၤလီၤ. 28ဒီးတၢ်မၤအသး လၢအဟုးဆါအဖၢမုၢ်န့ၣ်ဒီး, ပှၤတဂၤအစုအိၣ်ဖျါထီၣ် ဒီးပှၤကွၢ်ပဟုးဟံးဝဲ, ဒီးကံၢ်အစုလၢပျံၤဂီၤ, ဒီးစံးဝဲ ဒၣ်, အဝဲတဂၤအံၤဟဲဆိဝဲလီၤ.
29ဒီးတၢ်မၤအသးလၢအထုးထီၣ်ကဒါက့ၤအစု, ဒီးကွၢ် ကွၢ်, အဒီပုၢ်ဝဲၢ်တဂၤဟဲထီၣ်ကွံာ်ဝဲလီၤ. ဒီးစံးဝဲဒၣ်, နဘၢၣ်ဖျိတၢ်ဒ်လဲၣ်, မ်တၢ်ဘၢၣ်ဖျိတၢ်အံၤအိၣ်လၢန လိၤတက့ၢ်. ဒီးယုၢ်ဝဲအမံၤလၢစီၤဖ့ၤရ့းလီၤ. 30လၢခံ က့ၤဒီးအဒီပုၢ်ဝဲၢ်လၢ အအိၣ်ဒီးအပျံၤဂီၤလၢအစုလိၤတ ဂၤန့ၣ်ဟဲထီၣ်ကွံာ်ဝဲလီၤ.ဒီးယုၢ်ဝဲအမံၤလၢစီၤစ့ၤရးလီၤ.
Currently Selected:
လံာ်စီၤမိၤရှ့အခီၣ်ထံးတဘ့ၣ်. ၃၈: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.