လံာ်စီၤမိၤရှ့အခီၣ်ထံးတဘ့ၣ်. ၃၇
၃၇
1ဒီးစီၤယၤကိာ်အိၣ်ဝဲဆိးဝဲလၢကီၢ်ပူၤ ဖဲအပၢ်အိၣ်တ မှံၤ, လၢကီၢ်ကနၤဧၣ်အပူၤလီၤ.
2အအံၤမ့ၢ်စီၤယၤကိာ်အစၢၤအသွဲၣ်, စီၤယိၤသးအသး အိၣ်တဆံနွံနံၣ်ဒီးကွၢ်သိဒီးမဲာ်တဲးလဲးတဖၣ်ဒီး အဒီပုၢ် ဝဲၢ်လီၤ. ဒီးဖိၣ်သၣ်ခွါန့ၣ်အိၣ်ဒီး နီၢ်ဘံၤလဟၤအဖိခွါ သ့ၣ်ဒီးနီၢ်စံၤလပၤအဖိခွါသ့ၣ်, အပၢ်အမါတဖၣ်လီၤ. ဒီးစီၤယိၤသး ဟဲစိာ်အဝဲသ့ၣ်အကစီၣ်အအၢဆူ အပၢ် အအိၣ်လီၤ.
3ဒီးစီၤအံၣ်စရ့လးအဲၣ်စီၤယိၤသးအါန့ၢ်အဖိခွါခဲလၢာ် တက့ၢ်လီၤ. အဂ့ၢ်ဒ်အံၤ, မ့ၢ်အသးပှၢ်အဖိခွါလီၤ. ဒီး မၤဆ့ဖးထီတဘ့ၣ်အိၣ်ဒီးအစုလၢအဂီၢ်လီၤ.
4ဒီးအဒီပုၢ်ဝဲၢ်တဖၣ်န့ၣ် ထံၣ်ဘၣ်ဝဲလၢအပၢ်အဲၣ်အီၤ အါန့ၢ်အအဲၣ်အဒီပုၢ်ဝဲၢ်ခဲလၢာ်တက့ၢ်, ဒီးသးဟ့အီၤ လီၤ. ဒီးကတိၤမုာ်မုာ်ဒီးအီၤတကဲဘၣ်. 5ဒီးစီၤယိၤသးမံမီၢ်တၢ်မံမီၢ်, ဒီးစံးဘၣ်တဲဘၣ်အဒီပုၢ်ဝဲၢ်, ဒီးအဝဲသ့ၣ်သးဟ့အီၤ အါန့ၢ်အန့ၣ်တက့ၢ်လီၤ.-
6ဒီးစံးဘၣ်အီၤ, ကနၣ်လၢတၢ်မံမီၢ်အံၤ လၢယမံမီၢ်တ က့ၢ်. 7ဒီးကွၢ်ကွၢ်, ပဃ့ဘုကဒိၣ်လၢစံာ်ပူၤ, ဒီးကွၢ် ကွၢ်, ယဘုကဒိၣ်ဂဲၤဆၢထၢၣ်, ဒီးအိၣ်ဝဲထူၣ်ကလာ် လီၤ. ဒီးကွၢ်ကွၢ်, သုဘုကဒိၣ်အိၣ်ဝးတရံးဝဲ, ဒီးသ ကူးလီၤအသးလၢယဘုကဒိၣ်အမဲာ်ညါလီၤ.
8ဒီးအဒီပုၢ်ဝဲၢ်စံးဘၣ်အီၤ, နကကဲစီၤပၤလၢပဖီခိၣ်သ ပှၢ်တၢၢ်ဧါ, နကပၢပှၤသပှၢ်တၢၢ်ဧါ. ဒီးသးဟ့ဒံးအီၤ နးန့ၢ်အန့ၣ်တက့ၢ်လၢအတၢ်မံမီၢ်အဃိ, ဒီးလၢအတၢ် ကတိၤအဃိလီၤ.
9ဒီးမံမီၢ်ဒံးတၢ်မံမီၢ်လၢအဂၤတမံၤ, ဒီးစံးဘၣ်တဲဘၣ် အဒီပုၢ်ဝဲၢ်, ဒီးစံးဝဲဒၣ်, ကွၢ်ကွၢ်, ယမံမီၢ်ဒံးတၢ်မံမီၢ် တမံၤ, ဒီးကွၢ်ကွၢ်, မုၢ်ဒီးလါ, ဒီးဆၣ်တဆံတဖျၢၣ် သကူးလီၤအသးလၢယမဲာ်ညါလီၤ.
10ဒီးစံးဘၣ်အပၢ်ဒီးအဒီပုၢ်ဝဲၢ်, ဒီးအပၢ်သိၣ်ဃီၣ်အီၤ, ဒီးစံးဘၣ်အီၤ, တၢ်မံမီၢ်လၢနမံမီၢ်အံၤမ့ၢ်ဒ်လဲၣ်. ယၤ, ဒီးနမိၢ်, ဒီးနဒီပုၢ်ဝဲၢ်သ့ၣ်တဖၣ်ကဟဲတီၤလီၤကဒွံကျိာ် လၢနမဲာ်ညါသပှၢ်တၢၢ်ဧါ.
11ဒီးအဒီပုၢ်ဝဲၢ်တဖၣ်န့ၣ်သးက့ၣ်အီၤလီၤ. မ့မ့ၢ်အပၢ် တဂၤန့ၣ်တိၢ်န့ၢ်တၢ်ကတိၤတထံၣ်န့ၣ်လီၤ.
12ဒီးအဒီပုၢ်ဝဲၢ်တဖၣ်န့ၣ် လဲၤကွၢ်အပၢ်အသိဒီးမဲာ်တဲး လဲးတဖၣ်လၢၡက့ၣ်လီၤ. 13ဒီးစီၤအံၣ်စရ့လးစံးဘၣ်စီၤ ယိၤသး, နဒီပုၢ်ဝဲၢ်တဖၣ်ကွၢ်တၢ်လၢၡက့ၣ်အပူၤတမ့ၢ် ဘၣ်ဧါ, ဟဲမီၣ်, ယကမၢနလဲၤတၢ်ဆူအအိၣ်လီၤ.ဒီး စံးဘၣ်အီၤ, ကွၢ်ကွၢ်, ယၤလီၤ.
14ဒီးစံးဘၣ်အီၤ, လဲၤလၢ်တက့ၢ်. နဒီပုၢ်ဝဲၢ်အိၣ်မုာ်ဧါ န့ၣ်, ဒီးသိဒီးမဲာ်တဲးလဲးတဖၣ်အိၣ်မုာ်ဧါန့ၣ်, လဲၤကွၢ်, ဒီးဟဲက့ၤစံးဘၣ်ယၤတက့ၢ်. ဒီးမၢအဟးထီၣ်လၢဃ့ ဘြိၣ်အပျီ, ဒီးအဝဲဒၣ်ဟဲက့ၤဆူၡက့ၣ်လီၤ.
15ဒီးပှၤတဂၤထံၣ်န့ၢ်အီၤ, ဒီးကွၢ်ကွၢ်, လဲၤဝ့ၤဝီၤတၢ် လၢပှၢ်လၢ်ကျါလီၤ. ဒီးပှၤတဂၤန့ၣ်သံကွၢ်အီၤ, ဒီးစံး ဝဲဒၣ်, နဃုမနုၤတမံၤလဲၣ်, 16ဒီးစံးဝဲဒၣ်, ယဃုယဒီ ပုၢ်ဝဲၢ်လီၤ. ဒုးနဲၣ်လၢ်ယၤဖဲအကွၢ်တၢ်တက့ၢ်.
17ဒီးပှၤတဂၤန့ၣ်စံးဝဲဒၣ်, ဟးထီၣ်လံလၢအံၤလံ. အဂ့ၢ် ဒ်အံၤ, ယနၢ်ဟူအစံး, လဲၤသကိးဆူဒိၤသၣ်တက့ၢ်. ဒီးစီၤယိၤသးလူၤပိာ်အခံ,ဒီးထံၣ်န့ၢ်အီၤလၢဒိၤသၣ်လီၤ.
18ဒီးအဝဲသ့ၣ်တဖၣ်န့ၣ်ထံၣ်ဘၣ်အီၤလၢအယံၤ, ဒီးတ ချုးအဟဲဘူးဒံးဘၣ်ဒီး, ကူၣ်ထီဒါအီၤလၢအကမၤသံ အီၤလီၤ. 19ဒီးကတိၤလိာ်အသးဒီးစံးဝဲဒၣ်, ကွၢ်ကွၢ်, တၢ်မံမီၢ်အကစၢ်တဂၤဟဲဝဲလီၤ. 20ဒီးခဲကနံၣ်အံၤဟဲမီၣ်, မၤသံသကိးအီၤ, ဒီးတ့ၢ်လီၤကွံာ်အီၤလၢတၢ်ပူၤတပူၤ ပူၤတက့ၢ်. ဒီးပကစံးလၢဆၣ်ဖိကီၢ်ဖိအအၢတဒုအီၣ် ကွံာ်အီၤ, ဒီးအတၢ်မံမီၢ်တဖၣ်ကကဲထီၣ်ဒ်လဲၣ်ဒ်လဲၣ် န့ၣ်ပကထံၣ်ဘၣ်လီၤ.
21ဒီးစီၤရူၤဘ့ၣ်နၢ်ဟူဝဲ, ဒီးမၤပူၤမၤဖျဲးအီၤလၢအစုပူၤ, ဒီးစံးဝဲဒၣ်, မ်ပသုတကျီသံအသးတဂ့ၤ. 22ဒီးစီၤရူၤဘ့ၣ် စံးဘၣ်အီၤ, လူလီၤတၢ်သွံၣ်တဂ့ၤ, တ့ၢ်လီၤကွံာ်အီၤ လၢတၢ်ပူၤအံၤလၢပှၢ်လၢ်ကျါတက့ၢ်. သုသုတပာ်သုစု လၢအလိၤတဂ့ၤ, ဒ်သိးအကမၤပူၤမၤဖျဲးအီၤဒီးအစုပူၤ လၢအကဟ့ၣ်က့ၤအီၤလၢအပၢ်အဂ့ၢ်လီၤ.
23ဒီးတုၤစီၤယိၤသးဟဲဆူအဒီပုၢ်ဝဲၢ်အအိၣ်ဒီး, အဝဲသ့ၣ် ဘ့ၣ်ကွံာ်အဆ့ဖးထီအိၣ်ဒီးအစုတဘ့ၣ်န့ၣ် လၢအလိၤ လီၤ. 24ဒီးဟံးန့ၢ်အီၤ, ဒီးတ့ၢ်လီၤကွံာ်အီၤလၢတၢ်ပူၤ လီၤ. ဒီးတၢ်ပူၤန့ၣ်အိၣ်ကလီလီၤ. ထံတအိၣ်ဘၣ်လၢ အပူၤဘၣ်.
25ဒီးအဝဲသ့ၣ်တဖၣ်န့ၣ်ဆ့ၣ်နီၤအီၣ်တၢ်, ဒီးကျ့ထီၣ်အ မဲာ်, ဒီးထံၣ်တၢ်, ဒီးကွၢ်ကွၢ်, ပှၤယံးၡမၤဧ့လးဖိတဖု ဟဲလၢကီၢ်ကံးလဧးအိၣ်ဒီးအကီၤလၤအူး, ဒီးစိာ်ဝဲဒီး နီၣ်တြူးနကိးအဃ့, ဒီးသ့ၣ်စရံအထုးဒီးသ့ၣ်လိးအ ထုး, ဒီးလဲၤစိာ်လီၤဝဲဆူအဲၤကူပတူးလီၤ.
26ဒီးစီၤယူဒၤစံးဘၣ်အဒီပုၢ်ဝဲၢ်, ပမ့ၢ်မၤသံပဒီပုၢ်ဝဲၢ်တ ဂၤန့ၣ်ဒီးပာ်ခူသူၣ်အသွံၣ်ဒီး, မ့ၢ်အဂိာ်မနုၤလဲၣ်.
27ဟဲမီၣ်, ဆါကွံာ်သကိးအီၤလၢပှၤယံးၡမၤဧ့လးဖိန့ၣ် တက့ၢ်. ဒီးမ်ပစုသုတအိၣ်လၢအလိၤတဂ့ၤ. အဂ့ၢ်ဒ် အံၤ, မ့ၢ်ဝဲလၢပဒီပုၢ်ဝဲၢ်ပဖံးပညၣ်လီၤ. ဒီးအဒီပုၢ်ဝဲၢ် သ့ၣ်တဖၣ်န့ၣ်ကနၣ်ဝဲလီၤ.
28ဒီးပှၤမံးဒယၣ်ဖိ, ပှၤကၤတၢ်ဖိ, လဲၤပူၤလၢအအိၣ်, ဒီးအဝဲသ့ၣ်စဲၤထီၣ်, ဒီးစိာ်ထီၣ်စီၤယိၤသးလၢတၢ်ပူၤ, ဒီးဆါကွံာ်စီၤယိၤသးလၢ ပှၤယံးၡမၤဧ့လးဖိလၢစ့ခံဆံ အဂီၢ်လီၤ. ဒီးအဝဲသ့ၣ်ဟဲစိာ်စီၤယိၤသးဆူ အဲၤကူပ တူးအပူၤလီၤ. 29ဒီးစီၤရူၤဘ့ၣ်က့ၤက့ၤဝဲဆူတၢ်ပူၤ, ဒီးကွၢ်ကွၢ်, စီၤယိၤသးတအိၣ်ဘၣ် လၢတၢ်ပူၤဘၣ်, ဒီးဖှီဝဲအယၣ်,-
30ဒီးက့ၤကဒါက့ၤဆူအဒီပုၢ်ဝဲၢ်အအိၣ်, ဒီးစံးဝဲဒၣ်, ဖိ သၣ်ပိာ်ခွါတဂၤန့ၣ်တအိၣ်လၢၤဘၣ်. ဒီးယဲဒၣ်အံၤယ ကလဲၤယဲဖဲလဲၣ်.
31ဒီးအဝဲသ့ၣ်ဟံးန့ၢ်စီၤယိၤသးအဆ့တဘ့ၣ်, ဒီးမၤသံ မဲာ်တဲးလဲးဖိတဒု, ဒီးဘျၢလီၤဆ့တဘ့ၣ်န့ၣ်လၢအသွံၣ် ပူၤ, 32ဒီးမၢပှၤက့ၤစိာ်ဆ့ဖးထီအိၣ်ဒီးအစုန့ၣ်, ဒီးလဲၤ စိာ်ဝဲဆူအပၢ်အအိၣ်, ဒီးစံးဝဲဒၣ်, တၢ်အံၤတဘ့ၣ်ပထံၣ် န့ၢ်အီၤလီၤ. မ့ၢ်နဖိခွါအဆ့ဧါ, တမ့ၢ်ဘၣ်ဧါန့ၣ်ကွၢ်တ က့ၢ်. 33ဒီးအဝဲဒၣ်ကွၢ်နီၣ်အီၤ, ဒီးစံးဝဲဒၣ်, မ့ၢ်ယဖိခွါ အဆ့မးလဲၣ်. ဆၣ်ဖိကီၢ်ဖိအအၢတဒု အီၣ်ကွံာ်လံအီၤ လံ. စီၤယိၤသးဘၣ်ယာ်သံကွံာ်လံသပှၢ်တၢၢ်လံ.
34ဒီးစီၤယၤကိာ်ဖှီအယၣ်, ဒီးကူထၢၣ်တၢ်ကံးညာ်လၢ အယီၢ်ဒ့, ဒီးသူၣ်အုးသးအုးလၢအဃိ အါနံၤအါသီ လီၤ. 35ဒီးအဖိခွါခဲလၢာ်, ဒီးအဖိမုၣ်ခဲလၢာ်ဂဲၤဆၢ ထၢၣ်မၤမုာ်ထီၣ်အီၤ, ဒီးဒိးဘၣ်တၢ်မၤမုာ်ထီၣ်က့ၤအီၤ န့ၣ်တအဲၣ်ဝဲဘၣ်, ဒီးစံးဝဲဒၣ်, အဂ့ၢ်ဒ်အံၤ, ယကလဲၤ လီၤဒီး တၢ်ဟီၣ်တၢ်ယၢၤဆူယဖိခွါအအိၣ် လၢပျုၤပူၤ လီၤ. ဒီးအပၢ်အမဲာ်ထံလီၤလၢအဃိလီၤ.
36ဒီးပှၤမံးဒယၣ်ဖိန့ၣ်ဆါကွံာ်အီၤလၢ ဖၤရိၤအပှၤဒ့ဒံၣ် ဖိ, ဒီးပှၤမၤသံတၢ်တဖၣ်အဒိၣ်, စီၤပိၤတံၤဖၢ်, လၢ အဲၤကူပတူးအပူၤလီၤ.
Currently Selected:
လံာ်စီၤမိၤရှ့အခီၣ်ထံးတဘ့ၣ်. ၃၇: KSWM
Highlight
Share
Copy
Want to have your highlights saved across all your devices? Sign up or sign in
Sgaw Mason Bible © Bible Society of Myanmar, 1853.