စံးထီၣ်ပတြၢၤ 95
95
တၢ်စံးထီၣ်ပတြၢၤအတၢ်သးဝံၣ်
1အိဟဲ, မ်ပသးဝံၣ်ထီၣ်ယွၤတက့ၢ်.
မ်ပကိးထီၣ်လၢတၢ်သးခုဆူပကစၢ်ယွၤလၢအမ့ၢ် တၢ်အုၣ်က့ၤခီၣ်က့ၤအလၢၢ်တက့ၢ်.
2မ်ပဟဲသကိးဆူအမဲာ်ညါလၢတၢ်စံးဘျုးစံးဖှိၣ်,
မ်ပကိးထီၣ်အီၤလၢတၢ်သးခု,
ဒီးလၢတၢ်စံးထီၣ်ပတြၢၤ
အတၢ်သးဝံၣ်တဖၣ်န့ၣ်တက့ၢ်.
3အဂ့ၢ်ဒ်အံၤ, ယွၤမ့ၢ်ကစၢ်ယွၤဖးဒိၣ်တဂၤ,
ဒီးစီၤပၤဖးဒိၣ်တဂၤလၢကယဲၢ်ကစၢ်
ခဲလၢာ်အဖီခိၣ်န့ၣ်လီၤ.
4ဟီၣ်ခိၣ်အတၢ်ယိာ်ပူၤတဖၣ်အိၣ်လၢအစုပူၤ,
ဒီးကစၢၢ်ကလိအတၢ်ထီၣ်ထီတဖၣ်န့ၣ်,
မ့ၢ်စ့ၢ်ကီးအတၢ်လီၤ.
5ပီၣ်လဲၣ်န့ၣ် မ့ၢ်အတၢ်, အဂ့ၢ်ဒ်အံၤမၤတ့ၢ်လံဝဲ,
ဒီးဟီၣ်ခိၣ်လၢအဃ့ထီၣ်န့ၣ်တ့ဝဲလၢအစုန့ၣ်လီၤ.
6အိဟဲ, မ်ပတီၤလီၤဒီးဘူၣ်ထီၣ်ဘါထီၣ်အီၤန့ၣ်တက့ၢ်.
မ်ပတီၤလီၤကဒွံကျိာ်လၢပှၤတ့လီၤပှၤ,
ယွၤအမဲာ်ညါန့ၣ်တက့ၢ်.
7အဂ့ၢ်ဒ်အံၤ, အဝဲဒၣ်န့ၣ်မ့ၢ်ပကစၢ်ယွၤ,
ပမ့ၢ်အတၢ်အီၣ်ဆၣ်အလီၢ်အပှၤဂီၢ်မုၢ်,
ဒီးအစုအသိတဖုန့ၣ်လီၤ. ဒိကနၣ်တၢ်လၢအဝဲစံးဝဲတနံၤအံၤတက့ၢ်.
8“မၤကိၤထီၣ်သုသးတဖၣ်ဒ်သိး သုမိၢ်ပၢ်ဖံဖုလၢပျၢၤဖဲမရံၤဘါ,
ဒ်မုၢ်တနံၤဖဲအဝဲသ့ၣ်အိၣ်လၢ
ပှၢ်မုၢ်ကနၢမၤစၤအခါအသိးန့ၣ်တဂ့ၤ.
9ဖဲန့ၣ်အဝဲသ့ၣ်တဖၣ်လ့ပစီယၤဒီးမၤကွၢ်ယၤ,
ဖဲလၢအဝဲသ့ၣ်ထံၣ်ဘၣ်တၢ်လၢယမၤတ့ၢ်လၢ
အဝဲသ့ၣ်အဂီၢ်ဒၣ်လဲာ်န့ၣ်လီၤ.
10ယသးဘၣ်အၢတ့ၢ်ပှၤတစိၤန့ၣ်လၢအနံၣ်လွံၢ်ဆံ
အတီၢ်ပူၤလီၤ.
ယစံး “အဝဲသ့ၣ်အကလုၢ်တတီဘၣ်ထဲလဲၣ်
အဝဲသ့ၣ်ဂ့ၢ်လိာ်လၢ
ကစူၢ်ယတၢ်မၤလိာ်တဖၣ်လီၤ.”
11ယသးဒိၣ်ထီၣ်ဒီးမၤတၢ်အၢၣ်လီၤ သမှံၤသပှၢ်တထံၣ် ဒီးစံး,
“သုတလဲၤနုာ်ဘၣ်ဆူ ကီၢ်ဖဲယကဟ့ၣ်သုတၢ်
တၢ်အိၣ်ဘှံးအပူၤန့ၣ်နီတစုဘၣ်.”
Currently Selected:
စံးထီၣ်ပတြၢၤ 95: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
