စံးထီၣ်ပတြၢၤ 93
93
ကစၢ်ယွၤမ့ၢ်ပစီၤပၤ
1ယွၤမ့ၢ်စီၤပၤလီၤ.
အဝဲကူသိးဝဲတၢ်ကဟုကညီၢ်
ဒီးတၢ်ဂံၢ်တၢ်ဘါလီၤ.
ဟီၣ်ခိၣ်ဘၣ်တၢ်ပာ်ဂၢၢ်ပာ်ကျၢၤအီၤ
ဒီးဘၣ်တၢ်မၤဟူးဝးအီၤတန့ၢ်ဘၣ်.
2ယွၤဧၢ, နလီၢ်ပစိာ်အိၣ်ဂၢၢ်ဆိးကျၢၤတ့ၢ်လံလၢ
အခီၣ်ထံးလံၤလံၤ
ဒီးနအိၣ်တ့ၢ်လံနဲလၢပျၢၤလၢကစၢၤ
လီၤထူလီၤယိာ်န့ၣ်လီၤ.
3ယွၤဧၢ,
ပီၣ်လဲၣ်မိၢ်ပှၢ်အတၢ်ယိာ်ပူၤတဖၣ်ထုထီၣ်အကလုၢ်,
အဝဲသ့ၣ်ထုထီၣ်အကလုၢ်ဒီးအသီၣ်အသဲန့ၣ်လီၤ.
4ယွၤပၢတၢ်အိၣ်ဒီးအစိဒိၣ်ကမီၤထီလၢမူခိၣ်,
ဒိၣ်န့ၣ်ဒံးပီၣ်လဲၣ်မိၢ်ပှၢ်အတၢ်သီၣ်,
ဒီးအသဟီၣ်ဆူၣ်န့ၢ်ဒံးပီၣ်လဲၣ်အလပီတဖၣ်တက့ၢ်န့ၣ်လီၤ.
5ယွၤဧၢ,
နတၢ်သိၣ်တၢ်သီတဖၣ်န့ၣ်အိၣ်ဝဲလီၤထူလီၤယိာ်
ဒီးနတၢ်လုၢ်ဟံၣ်န့ၣ်စီဆှံဝဲနီၢ်နီၢ်
အစိၤစိၤအဃၣ်ဃၣ်န့ၣ်လီၤ.
Currently Selected:
စံးထီၣ်ပတြၢၤ 93: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
