စံးထီၣ်ပတြၢၤ 85
85
တၢ်ထုကဖၣ်လၢပှၤကလုာ် အတၢ်ဘီၣ်တၢ်ညီအဂီၢ်
1ယွၤဧၢ, နသးကညီၤတ့ၢ်လံနထံနကီၢ်
ဒီးနဒုးအီၣ်ကုးအီပှဲၤအံၣ်စရ့လးကဒီးန့ၣ်လီၤ.
2နပျၢ်တ့ၢ်နပှၤဂီၢ်မုၢ်တဖၣ်အတၢ်ဒဲးဘး
ဒီးနပျၢ်ကွံာ်အဝဲသ့ၣ်အတၢ်ကမၣ်ခဲလၢာ်န့ၣ်လီၤ. စ့လၤ
3နဆိကတီၢ်နတၢ်သးဒိၣ်ထီၣ်ဘၣ်အဝဲသ့ၣ်,
ဒီးနဃၣ်က့ၤနတၢ်သးကဲၤထီၣ်န့ၣ်လီၤ.
4တၢ်အုၣ်က့ၤခီၣ်က့ၤပှၤကစၢ်ယွၤဧၢ,
ဒုးက့ၤကဒါက့ၤပှၤဆူ ပအိၣ်ပဆိးအလီၢ်
ဆိကတီၢ်နတၢ်သးထီၣ်ပှၤန့ၣ်တက့ၢ်.
5မ့ၢ်နကသးထီၣ်ပှၤလီၤထူလီၤယိာ်ဧါ.
မ့ၢ်နကမၤယံာ်ထီၣ်နတၢ်သးထီၣ်ဆူ
ကယဲၢ်စိၤခဲလၢာ်န့ၣ်ဧါ.
6မၤဆူၣ်ထီၣ်က့ၤကဒီးပှၤ
ဒီးပဝဲဒၣ်နပှၤဂီၢ်မုၢ်ကစံးထီၣ်ပတြၢၤနၤလီၤ.
7ယွၤဧၢ, ဒုးနဲၣ်ပှၤလၢနတၢ်အဲၣ်ဂၢၢ်ကျၢၤ,
ဒီးဟ့ၣ်လီၤပှၤလၢနတၢ်အုၣ်က့ၤခီၣ်က့ၤအတၢ်မၤစၢၤန့ၣ်တက့ၢ်.
8ကစၢ်ယွၤကစံးဒ်လဲၣ်ဒ်လဲၣ်န့ၣ်, ယကဒိကနၣ်လီၤ.
အဂ့ၢ်ဒ်အံၤ, ကတိၤတၢ်မုာ်ဒီး အပှၤဂီၢ်မုၢ်ဒီး
အပှၤစီဆှံလီၤ. ဘၣ်ဆၣ်ဒီး
မ်အဝဲသ့ၣ် သုတက့ၤကဒါက့ၤဆူ ကျဲအအၢတဖၣ်တဂ့ၤ.
တၢ်ကလီကလီအပူၤန့ၣ်တဂ့ၤ.
9မ့ၢ်မးအတၢ်အုၣ်က့ၤခီၣ်က့ၤန့ၣ်
အိၣ်ဘူးဒီးပှၤလၢအပျံၤအီၤ,
ဒ်သိးတၢ်လၤတၢ်ကပီၤကအိၣ်ကဆိးလၢ
ပကီၢ်အပူၤန့ၣ်လီၤ.
10တၢ်အဲၣ်ဂၢၢ်ကျၢၤဒီးတၢ်သူၣ်တီသးလိၤ
ကထံၣ်လိာ်အသး,
တၢ်တီတၢ်လိၤဒီးတၢ်ဃူတၢ်ဖိး
ကနၢမူလိာ်အသးလီၤ.
11ပှၤဟီၣ်ခိၣ်ဖိအတၢ်သူၣ်တီသးလိၤကမဲထီၣ်လၢဟီၣ်ခိၣ်
ဒီးကစၢ်ယွၤအတၢ်တီတၢ်လိၤကကွၢ်လီၤတၢ်လၢမူခိၣ်န့ၣ်လီၤ.
12ယွၤကဒုးဘီၣ်ထီၣ်ညီထီၣ်ပှၤ
ဒီးပစံာ်ဧိၤပှဲၤဧိၤ ကဟ့ၣ်ထီၣ်တၢ်ကူးက့ၤ အထူးအတီၤန့ၣ်လီၤ.
13တၢ်တီတၢ်လိၤကလဲၤတၢ်လၢယွၤအမဲာ်ညါ
ဒီးကကတဲာ်ကတီၤကျဲလၢအဂီၢ်လီၤ.
Currently Selected:
စံးထီၣ်ပတြၢၤ 85: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
