လံာ်တၢ်ကူၣ်သ့အတၢ်ကတိၤ 25
25
စီၤၡလိၤမိၤအတၢ်ကူၣ်သ့အတၢ်ကတိၤတဖၣ်လၢအစံးအါထီၣ်ဝဲ
1အအံၤမ့ၢ်စီၤၡလိၤမိၤအတၢ်ကူၣ်သ့အတၢ်ကတိၤတဖၣ်လၢအစံးအါထီၣ် ဝဲဒီးဘၣ်တၢ်ကွဲးဆဲအီၤလၢပှၤတဖၣ်လၢကီၢ်ယူဒၤအစီၤပၤဃံး စကံယၤအကွီၢ်ဘျီၣ်ပူၤန့ၣ်လီၤ.
2တၢ်ပာ်တဒၢတၢ်တမံၤန့ၣ်မ့ၢ်ကစၢ်ယွၤအလၤကပီၤလီၤ. တၢ်ဃုထံၣ်မၤဖျါထီၣ်တၢ်တမံၤန့ၣ်မ့ၢ်စီၤပၤတဖၣ် အလၤကပီၤလီၤ.
3စီၤပၤဆိကမိၣ်တၢ်မနုၤမနုၤန့ၣ်နတသ့ၣ်ညါနီတစုဘၣ်. အတၢ်ဆိကမိၣ်တဖၣ်ပျံကွံာ်ပှၤဒ်မူခိၣ်အိၣ်ထီၣ်ထီဝဲမ့ၢ်ဂ့ၤ, ပီၣ်လဲၣ်ယိာ်ဝဲအသိးမ့ၢ်ဂ့ၤန့ၣ်လီၤ.
4ဟံးထီၣ်ကွံာ်တၢ်တကဆှီတဖၣ်လၢစ့အပူၤတက့ၢ်. ဒီးပှၤပိာ်စ့ဒုးကဲထီၣ်အီၤလၢတၢ်အဃံအလၤတမံၤသ့ဝဲလီၤ. 5ပာ်ပှၤဟ့ၣ်ကူၣ်တၢ်အအၢအသီတဖၣ်ယံၤဒီးစီၤပၤတက့ၢ်. အန့ၣ်ဒီးအတၢ်ပၢတၢ်ပြးကဘၣ်တၢ်သ့ၣ်ညါအီၤလၢ အတၢ်စံၣ်ညီၣ်တီအဃိလီၤ.
6ဖဲနဆၢထၢၣ်လၢစီၤပၤအမဲာ်ညါန့ၣ်မၤဒိၣ်မၤသွါနသးဒီးပာ်မၤ နသးဒ်ပှၤလၢအကါဒိၣ်တဂၤအသိးတဂ့ၤ. 7အဂ့ၢ်ဒ်အံၤ, တၢ်ကွဲန့ၢ်ကိးန့ၢ်နၤဒ်သိးနကဟံးန့ၢ်တၢ်လီၢ်လၢ အထီထီၣ်တတီၤန့ၣ်ဂ့ၤဒိၣ်န့ၢ်ဒံးတၢ်စံးဘၣ်နၤလၢနကဟ့ၣ်လီၤ ကွံာ်နလီၢ်ဆူပှၤလၢအကါဒိၣ်န့ၢ်နၤတက့ၢ်န့ၣ်လီၤ.
8လဲၤချ့ကဲၣ်ဆိးဆူကွီၢ်ဘျီၣ်ပူၤဘၣ်ဃးတၢ်လၢနထံၣ်ဘၣ်တ့ၢ် တမံၤအဂ့ၢ်န့ၣ်တဂ့ၤ. ပှၤအုၣ်အသးအဂၤလၢခံတဂၤမ့ၢ်ဒုးနဲၣ်ဖျါဝဲလၢနကမၣ်လံဒီး, တုၤနုၤတစုနကမၤက့ၤနဲဒ်လဲၣ်.
9ဖဲနၤဒီးပှၤလၢနဃၢၤအိၣ်ဒီးတၢ်ဆိကမိၣ်တမံၤလၢအလီၤဆီလိာ် အသးန့ၣ်, မၤဘၣ်လိာ်က့ၤအီၤလၢသုဝဲကဒဲကဒဲအဘၢၣ်စၢၤဒီးလီၣ်ဖျါတၢ် ခူသူၣ်နီတမံၤတဂ့ၤ. 10မ့တမ့ၢ်ဘၣ်ဒီး, ပှၤခဲလၢာ်ကသ့ၣ်ညါဝဲလၢနပၢၤဃာ်တၢ်ခူသူၣ် တမံၤတသ့ဘၣ်ဒီးနအိၣ်မူတြူာ်ကွံာ်တၢ်မဲာ်ဆှးတန့ၢ်နီတဘျီ လၢၤဘၣ်န့ၣ်လီၤ.
11တၢ်ကတိၤလၢအဘၣ်တၢ်ကတိၤအီၤဘၣ်ဘျီးဘၣ်ဒါန့ၣ်လီၤဂာ်ဒီး သၣ်သွံထူတဖၣ်အိၣ်ဝဲလၢတြၤစ့အပူၤအသိးန့ၣ်လီၤ.
12ပှၤလၢအတၢ်လဲၤခီဖျိအါတဂၤအတၢ်ဟ့ၣ်ပလီၢ်တထံၣ်ဆူ ပှၤတဂၤဂၤလၢအသးအိၣ်ဒိကနၣ်အီၤန့ၣ်, လုၢ်ဒိၣ်ပှ့ၤဒိၣ်အါန့ၢ်ဒံးပသံးထူတဖၣ်မ့ၢ်ဂ့ၤ, တၢ်ကယၢကယဲ လၢအဘၣ်တၢ်မၤအီၤလၢထူစီမ့ၢ်ဂ့ၤတက့ၢ်န့ၣ်လီၤ.
13ပှၤစိာ်တၢ်ကစီၣ်လၢတၢ်နာ်န့ၢ်အီၤသ့တဂၤန့ၣ်မၤမူမၤဂဲၤက့ၤ ပှၤလၢအမၢလီၤအီၤတဂၤအသး, လီၤဂာ်ဒ်ထံခုၣ်လၢတၢ်ကိၢ်ခါကူးဘုအကတီၢ်အသိးန့ၣ်လီၤ.
14ပှၤလၢအအၢၣ်လီၤအသးလၢကဟ့ၣ်တၢ်ဒီးတဟ့ၣ်ဝဲနီတဘျီဘၣ်တဖၣ် န့ၣ်, လီၤဂာ်ဒီးတၢ်အၢၣ်တဖၣ်ဒီးကလံၤလၢတဟဲစိာ်မူခိၣ်ထံ ဘၣ်အသိးန့ၣ်လီၤ.
15တၢ်မၢန့ၢ်ဆီၣ်ခံတၢ်လၢတၢ်သးစူၤအပူၤန့ၣ်မၤလီၤပှီၢ်ကွံာ်တၢ် တြီအဆူၣ်ကတၢၢ်ဒီးမၤန့ၢ်ပှၤပၢတၢ်တဖၣ်အသးဒၣ်လဲာ်သ့ဝဲလီၤ.
16အီၣ်ကနဲစီအါန့ၢ်နကြၢးအီၣ်န့ၣ်တဂ့ၤ. မ့ၢ်အါကဲၢ်ဆိးဒီး ကဒုးဘှိးထီၣ်နၤလီၤ. 17လဲၤအိၣ်သကိးပှၤလၢနဃၢၤခဲခဲအံၤတဂ့ၤ. အသးကလီၤဘှံးလၢနဃိ, ဒီးကသးဟ့ဘၣ်ဖုးနၤလီၤ.
18တၢ်အုၣ်အသးကဘျံးကဘျၣ်တမံၤန့ၣ်မၤသံတၢ်သ့ထဲသိးဒီးနးတဘ့ၣ်, တၢ်ဒုးအနီၣ်တီၢ်တဘိ, မ့တမ့ၢ်, ပျၢ်တဘိလၢအခိၣ်စူန့ၣ်လီၤ.
19တၢ်သန့ၤပသးလၢပှၤလၢတၢ်နာ်န့ၢ်အီၤတသ့တဂၤဖဲတၢ်ကိၢ်တၢ်ဂီၤ ဖးဒိၣ်တမံၤအဆၢကတီၢ်န့ၣ်, လီၤဂာ်ဒ်တၢ်ကျဲးစၢးအ့ၣ်အီၣ်တၢ်လၢမဲလၢအတကျၢၤတဘ့ၣ်ဒီး တၢ်ဟးလၢခီၣ်လၢအဆၢတလံာ်ကွံာ်တခီအသိးန့ၣ်လီၤ.
20တၢ်သးဝံၣ်န့ၢ်တၢ်လၢပှၤအသးလီၤစၢ်လီၤဘှါတဂၤအဂီၢ်န့ၣ်, လီၤဂာ်ဒ်တၢ်ဘ့ၣ်ကွံာ်အကူအသိးတဖၣ်လၢတၢ်ဂိၢ်အမုၢ်တနံၤ, မ့တမ့ၢ်, တၢ်လံာ်လူာ်အံသၣ်လၢတၢ်ပူၤလီၢ်တပူၤအသိးန့ၣ်လီၤ.
21နဒုၣ်နဒါတၢ်မ့ၢ်သၣ်ဝံၤအသးဒီးလုၢ်အီၣ်အီၤတက့ၢ်. တၢ်မ့ၢ်သူအသးလၢထံဒီးဟ့ၣ်အီအီၤလၢထံတလီခီတက့ၢ်. 22နကဒုးလီၤဘၣ်တၢ်မဲာ်ဆှးလၢအဖီခိၣ်နးနးကျံးကျံးဒီးယွၤ ကဟ့ၣ်ဘူးဟ့ၣ်လဲနၤလီၤ.
23တၢ်သီၣ်ဝံသဲကလၤဟဲစိာ်တၢ်သူၣ်ဒိၣ်သးဖျိးဒ်ကလံၤလၢ ကလံၤစိးဟဲစိာ်တၢ်စူၤထံလီၤတံၢ်လီၤဆဲးအသိးန့ၣ်လီၤ.
24တၢ်အိၣ်လၢဟံၣ်ခိၣ်ဒုးအဖီခိၣ်န့ၣ်ဂ့ၤဒိၣ်န့ၢ်ဒံးတၢ်အိၣ် သကိးလၢဟံၣ်ပူၤဃုာ်ဒီးမါလၢအအ့န့တဂၤတက့ၢ်န့ၣ်လီၤ.
25တၢ်နၢ်ဟူဘၣ်တၢ်ကစီၣ်အမုာ်ဟဲလၢထံယံၤကီၢ်ယံၤန့ၣ်လီၤဂာ်ဒီး တၢ်အီဘၣ်ထံခုၣ်ဖဲပသးဃ့ထီဒီးတၢ်သူပသးလၢထံအဆၢကတီၢ် န့ၣ်လီၤ.
26ပှၤအဂ့ၤတဂၤလၢအဟ့ၣ်လီၤကွံာ်အသးဆူပှၤအၢသီတဂၤဂၤအစုပူၤ န့ၣ်ဒုးသ့ၣ်နီၣ်ထီၣ်က့ၤနၤလၢထံမူတပူၤလၢအဘၣ်တၢ်မၤဘၣ်အၢ အီၤ, မ့တမ့ၢ်, ထံပူၤလၢအအိၣ်ဒီးစုၣ်လၢအပူၤန့ၣ်လီၤ.
27ကနဲစီအါကဲၣ်ဆိးန့ၣ်အၢလၢနဂီၢ်လီၤ. ဒ်န့ၣ်အသိး, တၢ်ကျဲးစၢးမၤန့ၢ်တၢ်စံးထီၣ်ပတြၢၤအါကဲၣ်ဆိးန့ၣ်မ့ၢ်တၢ် တမံၤဃီလီၤ.
28နပၢၤဃးနတၢ်သူၣ်ဒိၣ်သးဖျိးမ့ၢ်တန့ၢ်ဘၣ်ဒီး, နမၤစၢၤလီၤနသးတသ့ဘၣ်ဒ်ဝ့ၢ်တဝ့ၢ်လၢအခိၣ်ဒူတအိၣ်, ဒီးအိၣ်အိးထီၣ်အသးလၢတၢ်ဟဲဒုးန့ၢ်အီၤအဂီၢ်အသိးန့ၣ်လီၤ.
Currently Selected:
လံာ်တၢ်ကူၣ်သ့အတၢ်ကတိၤ 25: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
