လံာ်တၢ်ကူၣ်သ့အတၢ်ကတိၤ 18
18
1ပှၤလၢအသးတလီၤပလိာ်ဒီးပှၤဂၤတဖၣ်န့ၣ်သးစဲဒၣ်ထဲလၢ အနီၢ်ကစၢ်အဂ့ၢ်အကျိၤန့ၣ်လီၤ. အဝဲသ့ၣ်ကထီဒါတၢ်လၢပှၤ အဂၤကိးဂၤဒဲးထံၣ်လၢအဘၣ်န့ၣ်လီၤ.
2ပှၤဟးဂီၤဖိတဂၤန့ၣ်သ့ၣ်ညါနၢ်ပၢၢ်တၢ်တမံၤဧါ, တသ့ၣ်ညါဝဲ ဘၣ်ဧါန့ၣ်တကနာ်ဃုာ်ဝဲဘၣ်. ကယဲၢ်တၢ်လၢအသးအိၣ်မၤဝဲ တဖၣ်န့ၣ်, မ့ၢ်တၢ်ဒုးနဲၣ်အတၢ်သ့တၢ်ဘၣ်ဒ်လဲၣ်ဒ်လဲၣ်န့ၣ်လီၤ.
3တၢ်ဒဲးဘးဒီးတၢ်မဲာ်ဆှးလဲၤသကိးဃုာ်တၢ်လီၤ. ညိကွံာ်နတၢ်လၤကပီၤဒီးနကဒိးန့ၢ်တၢ်ဒုၣ်ဒွဲၣ်လၢအလီၢ်လီၤ.
4ပှၤတဂၤအတၢ်ကတိၤတဖၣ်မ့ၢ်တၢ်ကူၣ်တၢ်ဆးအဂံၢ်ထံးတမံၤသ့ဝဲ လီၤ. ယိာ်ဝဲဒ်ပီၣ်လဲၣ်အသိး, ဒီးဆှံဂ့ၤဝဲဒ်ထံဖိကျိလၢ အယွၤလီၤဝဲအသိးလီၤ.
5တၢ်ကွၢ်မဲာ်ပှၤမၤကမၣ်တၢ်ဒီးတၢ်တြီဃာ်ပှၤလၢအတၢ်ကမၣ် တအိၣ်ဘၣ်တဂၤလၢကဒိးန့ၢ်တၢ်စံၣ်ညီၣ်တီအဂီၢ်န့ၣ်, မ့ၢ်တၢ်လၢအတဘၣ်ဘၣ်လီၤ.
6ဖဲပှၤဟးဂီၤဖိတနီၤစးထီၣ်တၢ်ဂ့ၢ်လိာ်ဘှီလိာ်တမံၤန့ၣ်, အဝဲဃ့န့ၢ်နီၣ်တီၢ်တဘီလီၤ.
7ဖဲပှၤဟးဂီၤဖိတဂၤကတိၤတၢ်န့ၣ်, အဝဲမၤဟးဂီၤလီၤအသးဒၣ်ဝဲ လီၤ. အဝဲဘၣ်တၢ်ဖီၣ်န့ၢ်အီၤလၢအတၢ်ကတိၤဒၣ်ဝဲတဖၣ်အပျံၤ သကွီၤန့ၣ်လီၤ.
8တၢ်သီၣ်ဝံသဲကလၤပှၤအဂ့ၢ်မ့ၢ်တၢ်လၢအဝံၣ်ဘဲဒိၣ်မးဒီး ပအဲၣ်ဒိးယူၢ်လီၤကွံာ်အီၤဒိၣ်မးလီၤ.
9ပှၤအကၢၣ်တဂၤန့ၣ်အၢထဲသိးသိးပှၤတဂၤလၢအမၤဟးဂီၤတၢ်န့ၣ် လီၤ.
10ယွၤလီၤဂာ်ဒီးတၢးထီခၢၣ်သနၢၣ်တဖျၢၣ်ဖဲပှၤအတီအလိၤလဲၤနုာ် ဒီးအိၣ်ပူၤဖျဲးဝဲသ့န့ၣ်လီၤ. 11ပှၤအထူးအတီၤတဖၣ်တခီန့ၣ်ဆိကမိၣ်ဝဲလၢအတၢ်ထူးတၢ်တီၤဒီဒၣ် အဝဲသ့ၣ်ဒ်ဝ့ၢ်တဖျၢၣ်လၢအအိၣ်ဒီးအခိၣ်ဒူတဖၣ်လၢအထီဒီးအိၣ် ဝးတရံးအီၤအသိးန့ၣ်လီၤ.
12တချုးအဘၣ်တၢ်မၤဟးဂီၤအီၤဒံးဘၣ်ဒီးပှၤတဂၤပာ်ထီၣ်ထီ အသးလီၤ. မ့မ့ၢ်တၢ်ဆီၣ်လီၤသးန့ၣ်အိၣ်ဆိန့ၢ်တၢ်လၤကပီၤ တက့ၢ်လီၤ.
13တချုးနစံးဆၢဒံးတၢ်ဒီး, ဒိကနၣ်တၢ်တက့ၢ်. နမ့ၢ်တမၤဒ်န့ၣ်ဘၣ်ဒီးနမ့ၢ်ဒၣ်ပှၤလၢအသးတဆးဒီးဒုၣ်ဒွဲၣ်ပှၤ ဂၤန့ၣ်လီၤ.
14ဖဲနဆူးနဆါအခါန့ၣ်နတၢ်သးဆူၣ်အိၣ်မူ, ဟံးဃာ်ကျၢၤနၤသ့ဝဲ လီၤ. ဘၣ်ဆၣ်တၢ်န့ၣ်မ့ၢ်လီၤမၢ်ကွံာ်န့ၢ်နၤဒီး, နတၢ်မုၢ်လၢ်လၢခံ ကတၢၢ်လၢာ်ကွံာ်ဝဲလီၤ.
15ပှၤလၢအအိၣ်ဒီးတၢ်သူၣ်ဆးသးဆးတဖၣ်န့ၣ်, အသးဆူၣ်ဒီးအိၣ်ကတဲာ်ကတီၤအသးထီဘိလၢကမၤလိန့ၢ်တၢ်လီၤ.
16နအဲၣ်ဒိးထံၣ်လိာ်ပှၤအကါဒိၣ်တဂၤဧါ. လဲၤစိာ်န့ၢ်အီၤတၢ်ဟ့ၣ် တမံၤဒီးကညီလၢနဂီၢ်လီၤ.
17တချုးဒံးလၢပှၤလၢအထီဒါအီၤတဂၤဟဲဝဲဒီးစးထီၣ်သံကွၢ်သံဒိး အီၤတၢ်န့ၣ်ထီဘိပှၤတဂၤလၢအစးထီၣ်ကတိၤတၢ်လၢကွီၢ်ဘျီၣ်ပူၤ, အတၢ်ကဖျါဘၣ်လီၤ.
18ပှၤစိကမီၤဒိၣ်ခံဂၤမ့ၢ်ထီဒါလိာ်အသးတဂၤဒီးတဂၤလၢကွီၢ် ဘျီၣ်အပူၤဒီး, တၢ်ဖီၣ်တၢ်ဖးတဖၣ်မၤဝံၤတၢ်ဂ့ၢ်သ့ဝဲလီၤ.
19မၤစၢၤနဒီပုၢ်ဝဲၢ်ဒီးအဝဲဒၣ်ကကဟုကယာ်နၤဒ်ဝ့ၢ်အခိၣ်ဒူလၢ အအိၣ်ခၢၣ်သနၢၣ်တခါအသိးန့ၣ်လီၤ. ဘၣ်ဆၣ်နမ့ၢ်အ့ၣ်လိာ်ဆိးက့ လိာ်နသးဒီးအီၤဒီး, အဝဲဒၣ်ကကးတံာ်အတြဲၤတဖၣ်လၢနၤလီၤ.
20နကဘၣ်အိၣ်မူဃုာ်ဒီးကယဲၢ်နတၢ်ကတိၤအတၤသၣ်တဖၣ်န့ၣ်လီၤ.
21တၢ်လၢနကတိၤအီၤန့ၣ်ပၢၤဃာ်တၢ်အိၣ်မူမ့တမ့ၢ်မၤဟးဂီၤအီၤ သ့လီၤ. မၤသးဒ်န့ၣ်ဒီးနကဘၣ်တူၢ်လိာ်နတၢ်ကတိၤတဖၣ်အတၤသၣ်တဖၣ်လီၤ.
22ပှၤလၢအထံၣ်န့ၢ်အမါတဂၤန့ၣ်ထံၣ်န့ၢ်တၢ်အဂ့ၤတမံၤ, ဒီးဒိးန့ၢ်ဘၣ်တၢ်ဘျုးတၢ်ဖှိၣ်လၢယွၤလီၤ.
23ဖဲပှၤအဖှီၣ်တဂၤကတိၤတၢ်န့ၣ်, အဝဲဘၣ်ဃ့သကွံၢ်ဘါကညးတၢ်လီၤ. မ့မ့ၢ်ဖဲပှၤအထူးအတီၤတဂၤစံးဆၢတၢ်န့ၣ်, မၤဝဲရၢၢ်ရၢၢ်စၢၢ်စၢၢ်န့ၣ်လီၤ.
24တၢ်ရ့တံၤရ့သကိးတနီၤနီၤန့ၣ်တဂၢၢ်တကျၢၤဘၣ်. ဘၣ်ဆၣ်ဒီးတံၤသကိးတနီၤနီၤမ့ၢ်ပှၤသးတီအါန့ၢ်ဒီပုၢ်ဝဲၢ် တဖၣ်တက့ၢ်လီၤ.
Currently Selected:
လံာ်တၢ်ကူၣ်သ့အတၢ်ကတိၤ 18: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
