လံာ်စီၤယိၤဘး 16
16
1-2ဒီးစီၤယိၤဘးစံးဆၢဝဲဒၣ်, တၢ်ကတိၤဒ်န့ၣ်တဖၣ်ယနၢ်ဟူတ့ၢ် အါဘျီလံ. တၢ်မၤမုာ်လၢသုဟ့ၣ်ယၤန့ၣ်မ့ၢ်ဒၣ်ထဲတၢ်မၤကိၢ် မၤဂီၤဧိၤန့ၣ်လီၤ.
3မ့ၢ်သုတၢ်ကတိၤကလီကလီတဖၣ်ကတၢၢ်ကတာ်တသ့လၢၤဘၣ် ဧါ. မ့ၢ်ယဘၣ်ကတိၤတၢ်လၢခံကတၢၢ်လၢတၢ်ဂ့ၢ်ကိးမံၤဒဲး အဂီၢ်န့ၣ်ဧါ.
4သုမ့ၢ်အိၣ်ဘၣ်လၢယလီၢ်, ဒီးယမ့ၢ်အိၣ်ဘၣ်လၢသုလီၢ်သတး ဒီးတၢ်လၢသုစံးခဲလၢာ်န့ၣ်ယကစံးယဲစ့ၢ်ကီးလီၤ. ယဂံၤဂုၤ ယခိၣ်လၢတၢ်ကူၣ်သ့ဒီးမၤလီၤအုးသုလၢယတၢ်ကတိၤတဖၣ် သ့ဝဲလီၤ.
5ယဟ့ၣ်ဆူၣ်ထီၣ်သုဂံၢ်သုဘါခီဖျိယထးခိၣ်အတၢ်ကတိၤဒီးယနိး ဖံးအတၢ်ကတိၤမုာ်လၢအကတၢၢ်ကတာ်တအိၣ်ဘၣ်န့ၣ်သ့ဝဲလီၤ.
6ဘၣ်ဆၣ်ဒီးယတၢ်ကတိၤတကဲထီၣ်တၢ်မၤစၢၤနီတမံၤဘၣ်. ယမ့ၢ်အိၣ်ဘှီၣ်ကလာ်စ့ၢ်ကီးတၢ်မၤမုာ်ထီၣ်က့ၤယၤတအိၣ်ဘၣ်.
7ကစၢ်ယွၤဧၢ, မ့ၢ်မးခဲကနံၣ်အံၤနမၤလီၤဘှံးလီၤတီၤတ့ၢ်လံ ယၤ, ဒီးပျဲယပှၤဟံၣ်ဖိဃီဖိသ့ၣ်တဖၣ်ဘၣ်တၢ်မၤသံကွံာ်အီၤလံန့ၣ် လီၤ.
8သုဖီၣ်စှီၤဃာ်လံယၤဒီးသုမ့ၢ်ပှၤထီဒါယၤလီၤ. ယအိၣ်ဒၣ်ထဲယဃံဒီးယဖံးဒီးပှၤဂီၢ်မုၢ်ပာ်တၢ်အံၤဒ် အမ့ၢ်တၢ်အုၣ်သးလၢယတၢ်ကမၣ်အိၣ်ဝဲအသိးန့ၣ်လီၤ.
9ကစၢ်ယွၤအ့ၣ်ဖှီယၤလၢအတၢ်သးထီၣ်အပူၤအ့ၣ်သဃံးအမဲဒီး ကျ့ၣ်အမဲာ်လၢယလိၤလၢတၢ်သးဟ့အပူၤလီၤ.
10ပှၤဂီၢ်မုၢ်ဒုၣ်ဒွဲၣ်ယၤ, အဝဲသ့ၣ်ကဝီၤဃာ်ယၤဒီးဒဲယဘိးပၤ န့ၣ်လီၤ.
11ကစၢ်ယွၤဟ့ၣ်လီၤကွံာ်လံယၤဆူပှၤမၤတၢ်အၢတၢ်သီတဖၣ် အစုပူၤန့ၣ်လံ.
12ယအိၣ်မုာ်မုာ်လီၤ. ဘၣ်ဆၣ်ဒီးကစၢ်ယွၤစှီၤယၤလၢယကိာ်ယူၢ်ဒီး တီၢ်ယၤဒီးမၤသဘှံးယၤန့ၣ်လီၤ. ကစၢ်ယွၤသူယၤဒ်ပှၤခးဒိး တၢ်အပနီၣ်,
13ဒီးခးပျၢ်တဖၣ်ဆူယအိၣ်လၢတၢ်လီၢ်ကိးကပၤဒဲး, ပျၢ်သ့ၣ်တဖၣ်လၢအဆဲးဖျိဒီးမၤဆါယၤလီၤ. အန့ၣ်ဒၣ်လဲာ်တပာ်ဖျါထီၣ်အတၢ်သးကညီၤယၤဘၣ်.
14အဝဲမၤဆါယၤတဘျီဝံၤတဘျီ, ဒီးထီဒါယၤဒ်ပှၤသုးဖိ တဂၤလၢအသးပျူၢ်ထီၣ်လၢတၢ်သးဒိၣ်အဃိအသိးန့ၣ်လီၤ.
15ယဟီၣ်လၢတၢ်သးအုးအဃိဒီးကူထီၣ်သိးထီၣ်ထၢၣ်တၢ်ကံး ညာ်အဆ့ကၤဒီးဆ့ၣ်နီၤဖဲအံၤလၢဖၣ်ဆါအကျါလၢတၢ်ဃၣ် ကွံာ်အပူၤန့ၣ်လီၤ.
16ယမဲာ်ဂီၤထီၣ်ဝဲလၢယမဲာ်ထံလီၤအဃိ, ဒီးယမဲာ်ချံတဖၣ်ညီး ထီၣ်ဒီးယတၢ်ထံၣ်တဆှံလၢၤဘၣ်.
17မ့မ့ၢ်တၢ်စုဆူၣ်ခီၣ်တကးအတၢ်မၤတအိၣ်ဘၣ်လၢယစုပူၤနီတမံၤ ဘၣ်. ဒီးယတၢ်ထုကဖၣ်န့ၣ်ကဆှီဝဲလီၤ.
18ဟီၣ်ခိၣ်ဧၢ, ပာ်ခူသူၣ်တၢ်ကမၣ်တဖၣ်လၢပှၤမၤဘၣ်တ့ၢ်ယၤန့ၣ် တဂ့ၤ. ယတၢ်ကိးထီၣ်လၢတၢ်တီတၢ်လိၤအဂီၢ်န့ၣ်ပျဲအိၣ်ဘှ့ၣ် အိၣ်ဘှီၣ်အီၤတဂ့ၤ.
19ခဲကနံၣ်အံၤဒၣ်လဲာ်, ပှၤအုၣ်အသးလၢယဂီၢ်တဂၤအိၣ်ဝဲလၢမူခိၣ်, လၢကဆၢထၢၣ်ဒီးအိၣ်ပှိၤယၤန့ၣ်လီၤ.
20ယတံၤသကိးတဖၣ်ဒုၣ်ဒွဲၣ်ယၤဒီးယမဲာ်ချံလူလီၤမဲာ်ထံလၢ ယကစၢ်ယွၤအမဲာ်ညါန့ၣ်လီၤ.
21ယဆၢဒိးန့ၢ်ဘၣ်ပှၤတဂၤလၢကဃ့ထီၣ်တၢ်ဆူကစၢ်ယွၤအအိၣ် လၢယဂီၢ်ဒ်ပှၤတဂၤဃ့တၢ်လၢအတံၤသကိးအဂီၢ်အသိးန့ၣ်လီၤ.
22ခဲအံၤယနံၣ်ယလါတဖၣ်လဲၤပူၤကွံာ်ဒီး, ယပိာ်ကျဲလၢအတၢ်ဟဲက့ၤ ကဒါက့ၤတအိၣ်ဘၣ်န့ၣ်လီၤ.
Currently Selected:
လံာ်စီၤယိၤဘး 16: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
