လံာ်စီၤယိၤဘး 15
15
တၢ်ကတိၤသကိးလိာ်သးခံဘျီတဘျီ.
(၁၅း၁-၂၁း၃၄)
1-2ဒီးပှၤတ့ၤမၣ်ဖိစီၤအလံဖးစးစံးဆၢဝဲဒၣ်, တၢ်ကတိၤကလီကလီလီၤ, စီၤယိၤဘးဧၢ, တၢ်ကတိၤကလီကလီလီၤ.
3ပှၤကူၣ်ဘၣ်ကူၣ်သ့တကတိၤတၢ်, မ့တမ့ၢ်တဒီဒၣ်လီၤက့ၤအသး ဒီးတၢ်ကတိၤတဖၣ်လၢအခီပညီတအိၣ်ဒ်သိးနၤနီတဂၤဘၣ်.
4နမ့ၢ်မၤဖဲနသးဒီး, ပှၤတပျံၤကစၢ်ယွၤနီတဂၤ, ဒီးပှၤတဃ့ တၢ်လၢအီၤနီတဂၤဘၣ်.
5နတၢ်အၢတၢ်သီအိၣ်ဖျါထီၣ်လၢတၢ်လၢနတၢ်ကတိၤအီၤ အပူၤဒီးနဂုာ်ကျဲးစၢးပာ်ခူသူၣ်နသးလၢတၢ်ကတိၤကူၣ်ဘၣ်ကူၣ် သ့တဖၣ်န့ၣ်လီၤ.
6အလီၢ်တအိၣ်ဘၣ်လၢယကစံၣ်ညီၣ်နၤဘၣ်. နဘၣ်တၢ်စံၣ်ညီၣ် တ့ၢ်နၤခီဖျိတၢ်ကတိၤလၢနစံးဒၣ်နဲန့ၣ်လီၤ.
7မ့ၢ်နဆိကမိၣ်လၢနမ့ၢ်ပှၤကညီလၢအအိၣ်ဖျဲၣ်ထီၣ်အဆိကတၢၢ် တဂၤန့ၣ်ဧါ. ဖဲကစၢ်ယွၤတ့လီၤကစၢၢ်ကလိတဖၣ်န့ၣ်မ့ၢ်နအိၣ် တ့ၢ်လံဖဲန့ၣ်လံဧါ.
8မ့ၢ်နနၢ်ဟူထွဲတၢ်ကူၣ်ထီၣ်ဖးလီၤတဖၣ်လၢကစၢ်ယွၤမၤတ့ၢ်ဝဲ န့ၣ်ဧါ. မ့ၢ်ပှၤကညီအတၢ်ကူၣ်တၢ်ဆးန့ၣ်ဘၣ်ဃးဒၣ်ထဲနၤ တဂၤဧိၤန့ၣ်ဧါ.
9တၢ်လၢပတသ့ၣ်ညါန့ၣ်နတသ့ၣ်ညါနီတမံၤစ့ၢ်ကီးဘၣ်.
10ပမၤလိန့ၢ်တ့ၢ်ပတၢ်ကူၣ်တၢ်ဆးလၢပှၤသးပှၢ်ခိၣ်ဝါသ့ၣ် တဖၣ်အအိၣ်, လၢအအိၣ်ဖျဲၣ်ဆိန့ၢ်ဒံးနပၢ်န့ၣ်လီၤ.
11ကစၢ်ယွၤအတၢ်မၤမုာ်ထီၣ်က့ၤနၤလၢ, ပတၢ်ကတိၤကပုာ်လုး တဖၣ်န့ၣ်တလၢလၢနဂီၢ်ဘၣ်ဧါ.
12ဘၣ်ဆၣ်နသူၣ်ဒိၣ်သးဖျိးနဲဒီးကွၢ်ဟ့ကွၢ်ကျိၣ်ပှၤလၢတၢ်သး ထီၣ်အပူၤန့ၣ်လီၤ.
13နသးထီၣ်ကစၢ်ယွၤဒီးနကတိၤဒုၣ်ဒွဲၣ်အီၤလီၤ.
14ပှၤကညီတဂၤဂၤကဆှီဝဲနီၢ်နီၢ်ဘၣ်ကသ့ဧါ. ပှၤတဂၤဂၤတီဝဲ လိၤဝဲလၢကစၢ်ယွၤဘၣ်ကသ့ဧါ.
15ကွၢ်ကွၢ်, ကစၢ်ယွၤတနာ်ဘၣ်အမူခိၣ်ကလူးတဖၣ်ဒၣ်လဲာ်ဘၣ်. ဒီးအဝဲသ့ၣ်ဒၣ်လဲာ်တကဆှီဘၣ်လၢအမဲာ်ညါဘၣ်.
16ဒီးပှၤကညီအီဝဲတၢ်အၢဒ်အမ့ၢ်တ့ၢ်ထံအသိး, မ့ၢ်မးပှၤကညီ ဟးဂီၤဝဲဒီးတဂီာ်တသီၣ်ဘၣ်တၢ်ဘၣ်.
17စီၤယိၤဘးဧၢ, တၢ်လၢယသ့ၣ်ညါန့ၣ်ကနၣ်ခဲကနံၣ်အံၤတက့ၢ်.
18ပှၤကူၣ်ဘၣ်ကူၣ်သ့သ့ၣ်တဖၣ်သိၣ်လိတ့ၢ်လံယၤတၢ်မ့ၢ်တၢ်တီ တဖၣ်လၢအမၤလိန့ၢ်တ့ၢ်လၢအမိၢ်ပၢ်ဖံဖုလၢပျၢၤတဖၣ်အအိၣ် ဒီးအဝဲသ့ၣ်တဖၣ်တပာ်ခူသူၣ်တၢ်နီတမံၤဘၣ်.
19အထံအကီၢ်ပူၤဖျဲးဝဲဒီးပှၤတခီဘီမုၢ်ဖိသ့ၣ်တဖၣ်အတၢ်မၤတံာ် တာ်, ဒီးပှၤကဆှၢယံၤကွံာ်အဝဲသ့ၣ်လၢကစၢ်ယွၤတအိၣ်ဘၣ်နီ တဂၤဘၣ်.
20ပှၤတတီတလိၤတဂၤလၢအမၤအၢမၤနးပှၤဂၤတဖၣ်န့ၣ်ကအိၣ် ဘၣ်လၢတၢ်မၤနးမၤဖှီၣ်အပူၤတစိၤဒၣ်အီၤန့ၣ်လီၤ.
21တၢ်မၤပျံၤမၤဖုးအသီၣ်တဖၣ်ကကိးပသူထီၣ်လၢအနၢ်တဖၣ်ပူၤ, ဒီးပှၤဂုာ်ဆူၣ်ပျီဆူၣ်တၢ်တဖၣ်ထီဒါအီၤဖဲအဆိကမိၣ်ဝဲလၢ အအိၣ်ဒီးတၢ်ပူၤဖျဲးအခါန့ၣ်လီၤ.
22အဝဲတအိၣ်ဘၣ်ဒီးတၢ်မုၢ်လၢ်နီတမံၤလၢ ကထူၣ်ဖျဲးထီၣ်လၢ တၢ်ခံးတၢ်နၤအပူၤန့ၣ်ဘၣ်. အဂ့ၢ်ဒ်အံၤ, ဒီတဘ့ၣ်ခိးပာ်စၢၤအီၤလၢ ကမၤသံအီၤအဂီၢ်ဖဲတၢ်လီၢ် တတီၤတီၤ,
23ဒီးလီတာ်တဖၣ်ခိးလၢကအီၣ်ကွံာ်အစိၣ်န့ၣ်လီၤ. အဝဲသ့ၣ်ညါ ဝဲလၢအတၢ်အိၣ်မူဆူညါခံးဝဲ,
24ဒ်စီၤပၤလၢအစိကမီၤဒိၣ်တဂၤတၢ်တတၢးတနါ အိၣ်ခိးအီၤဒ်သိးကဒုးအီၤအသိးန့ၣ်လီၤ.
25တၢ်န့ၣ်မ့ၢ်ပှၤလၢ အယူာ်ထီၣ်အစုထီဒါ ကစၢ်ယွၤဒီး တၤတၢ်ဒီးသ့တၢ်လၢာ်ကစၢ်ယွၤ, အတၢ်ဟဲဝံဟဲစိာ်န့ၣ်လီၤ.
26အဝဲဒၣ်န့ၣ်ပာ်ထီၣ်ထီအသးဒီးပူထီၣ်တၢ်လီၤ.
27ယၤထီၣ်အကတီၤလၢတၢ်သးကိၤအပူၤဒီးဃ့ၢ်သဖှိဃီၤဒ် သိးအကဒုးတၢ်ထီဒါကစၢ်ယွၤလီၤ.
28အဝဲသ့ၣ်မ့ၢ်ပှၤလၢအဒုးန့ၢ်ဝ့ၢ်တဖၣ်ဒီးဂုာ်န့ၢ်ဟံၣ်တဖၣ်လၢ အကစၢ်တဖၣ်ဃ့ၢ်ဟးထီၣ်တ့ၢ်လံန့ၣ်လီၤ. ဘၣ်ဆၣ်တၢ်ဒုးတၢ်ယၤကမၤဟးဂီၤကွံာ်ဝ့ၢ်တဖၣ်ဒီးဟံၣ် တဖၣ်န့ၣ်သပှၢ်တၢၢ်လီၤ.
29အဝဲတထူးထီၣ်တတီၤထီၣ်ဘၣ်. ဒီးအတၢ်ဖိတၢ်လံၤတအိၣ်ဂၢၢ် ဆိးကျၢၤဘၣ်. အကဒုဒၣ်လဲာ်ကဟါမၢ်ကွံာ်ဝဲဒၣ်န့ၣ်လီၤ.
30အဝဲတပူၤဖျဲးဝဲလၢတၢ်ခံးတၢ်နၤန့ၣ်ဘၣ်. အဝဲကလီၤဂာ်ဒီးသ့ၣ် တထံးအဒ့လၢတဖၣ်မ့ၣ်အူအီၣ်ကွံာ်အီၤ, ဒီးအဒိးစၢ်တဖၣ်ကလံၤအူဒံကွံာ်အီၤအသိးန့ၣ်လီၤ.
31အသးမ့ၢ်တဆးတုၤဒၣ်လဲာ်ကသန့ၤအသးလၢတၢ်အၢတၢ် သီန့ၣ်ဒီးတၢ်အၢတၢ်သီကမ့ၢ်အဘူးအလဲန့ၣ်လီၤ.
32အမုၢ်နံၤတချူးဘၣ်ဒံးဘၣ်ဒီးအဝဲကဟးဂီၤကွံာ်ဒ်သ့ၣ်အဒ့ တဒ့လၢအဃ့ထီၣ်ကွံာ်ဝဲဒီးသံကစဲာ်ထီၣ်တသ့နီတဘျီလၢၤဘၣ် အသိးန့ၣ်လီၤ.
33အဝဲကလီၤဂာ်ဒ်စပံးမုၢ်တမုၢ်အသိးလၢအသၣ်တဖၣ် လၢတမံဒံးဘၣ်, လီၤဆှုကွံာ်ဝဲ, ဒီးသ့ၣ်စၤယံးတထံးလၢ အဆှိးတဖၣ်လီၤပလ့ၤကွံာ်န့ၣ်လီၤ.
34ပှၤတဖၣ်လၢတနာ်ယွၤန့ၣ်ကအိၣ်သယုၢ်လီၤ. ဒီးမ့ၣ်အူကအီၣ် ကွံာ်ပှၤအီၣ်ခိၣ်ဖးလာ်ဆှိးတဖၣ်အဒဲလီၤ.
35အဝဲသ့ၣ်တဖၣ်ဒၢထီၣ်တၢ်ကူၣ်ဟးဂီၤဒီးဆံးစၢ်တၢ်အၢတၢ်သီ န့ၣ်လီၤ. အဒၢလီၢ်တဖၣ်ဒုးကဲထီၣ်တၢ်လီတၢ်ဝ့ၤအက့ၢ်အဂီၤလီၤ.
Currently Selected:
လံာ်စီၤယိၤဘး 15: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.
