၂ ကရံၣ်သူး တၢ်ကတိၤဆှၢနုာ်
တၢ်ကတိၤဆှၢနုာ်
စီၤပီလူးအလံာ်ပရၢခံဘ့ၣ်တဘ့ၣ်ဆူပှၤကရံၣ်သူးဖိတဖၣ်အအိၣ် န့ၣ်, ဘၣ်တၢ်ကွဲးအီၤဖဲတၢ်ကီတၢ်ခဲလၢအဘၣ်ဃးအဝဲအတၢ်ဘၣ် ထွဲဒီးကရံၣ်သူးအတၢ်အိၣ်ဖှိၣ်အဆၢကတီၢ်န့ၣ်လီၤ. အိၣ်ဖျါလၢပှၤတၢ်အိၣ်ဖှိၣ်ဖိတနီၤထီဒါတ့ၢ်စီၤပီလူး ဆူၣ်ဆူၣ်ကလဲာ်လီၤ. ဘၣ်ဆၣ်ဒီးအဝဲပာ်ဖျါအတၢ်ဆၢမုၢ်လၢ်အဒိၣ် အအါလၢအကဒိးန့ၢ်ဘၣ်တၢ်မၤဃူမၤဖိးက့ၤအဝဲသ့ၣ်ဒီးအီၤ, ဒီးဖဲတၢ်ဆၢမုၢ်လၢ်တမံၤအံၤဘၣ်တၢ်မၤလၢထီၣ်ပှဲၤထီၣ်အီၤ န့ၣ်, အဝဲပာ်ဖျါထီၣ်အတၢ်သးဖှံအဒိၣ်အအါလီၤ.
ဖဲလံာ်ပရၢတဘ့ၣ်အံၤအဆိကတၢၢ်တတီၤန့ၣ်, စီၤပီလူးကွၢ်ဆိကမိၣ်ကတိၤတၢ်ဘၣ်ဃးအဝဲအတၢ်ဘၣ် ထွဲဒီးတၢ်အိၣ်ဖှိၣ်ဖဲဝ့ၢ်ကရံၣ်သူး, တဲနၢ်ပၢၢ်ဝဲလၢဘၣ်မနုၤအဃိအဝဲစံးဆၢက့ၤတၢ်ဆူၣ်ဆူၣ်ကိၤ ကိၤ, တၢ်ကတိၤဒုၣ်ဒွဲၣ်ဒီးတၢ်ကတိၤထီဒါအီၤလၢတၢ်အိၣ်ဖှိၣ် အပူၤ, ဒီးပာ်ဖျါထီၣ်အတၢ်သူၣ်ဖှံသးညီလၢတၢ်ကတိၤအဆူၣ် အကိၤအဝဲအံၤဒုးအိၣ်ထီၣ်တၢ်ပီၢ်ယၢ်လီၤသးဒီးတၢ်မၤဃူမၤဖိး မၤဘၣ်လိာ်ဖိးဒ့က့ၤတၢ်အဃိန့ၣ်လီၤ. အန့ၣ်ဝံၤအလီၢ်ခံ, အဝဲဒၣ်ဃ့ကညးတၢ်အိၣ်ဖှိၣ်ဒ်သိးအကဟ့ၣ်မၤဘူၣ်တၢ်လၢ တၢ်သူၣ်ကညီၤသးကညီၤအပူၤ, ဒ်သိးအကမၤစၢၤပှၤခရံာ်ဖိလၢ အလိၣ်ဘၣ်တၢ်မၤစၢၤလၢကီၢ်ယူဒၤအပူၤတဖၣ်လီၤ. ဖဲအဆၢဒိၣ်လၢခံကတၢၢ်တဖၣ်အပူၤန့ၣ်, စီၤပီလူးကတိၤဒီဒၣ်အလီၢ်အလၤဒ်ပှၤတၢ်မၢဖိတဂၤအသိး, ထီဒါပှၤစှၤဂၤဖဲဝ့ၢ်ကရံၣ်သူးလၢအပာ်ဖျါထီၣ်တ့ၢ်အသးဒ် ပှၤတၢ်မၢဖိအမ့ၢ်အတီတဖၣ်, ဖဲအဝဲသ့ၣ်ပာ်တၢ်ကမၣ်လၢစီၤပီလူးအလိၤဒီးစံးလၢအဝဲဒၣ် မ့ၢ်တၢ်မၢဖိအဘျၣ်တဂၤန့ၣ်လီၤ.
လံာ်အတကွီၣ်
တၢ်ကတိၤလၢညါ ၁:၁-၁၁
စီၤပီလူးဒီးတၢ်အိၣ်ဖှိၣ်ဖဲဝ့ၢ်ကရံၣ်သူး ၁:၁၂-၇:၁၆
တၢ်ဟ့ၣ်မၤဘူၣ်တၢ်လၢပှၤခရံာ်ဖိဖဲကီၢ်ယူဒၤအပူၤတဖၣ်အဂီၢ် ၈:၁-၉:၁၅
စီၤပီလူးအတၢ်ကတိၤဒီဒၣ်အတၢ်စိတၢ်ကမီၤ ဒ်ပှၤတၢ်မၢဖိတဂၤအသိး ၁၀:၁-၁၃:၁၀
တၢ်ကတိၤလၢခံကတၢၢ် ၁၃:၁၁-၁၄
Currently Selected:
၂ ကရံၣ်သူး တၢ်ကတိၤဆှၢနုာ်: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.