၁ သ့းစၤလနံ တၢ်ကတိၤဆှၢနုာ်
တၢ်ကတိၤဆှၢနုာ်
စီၤပီလူးအလံာ်ပရၢဆူပှၤသ့းစၤလနံဖိတဖၣ်အအိၣ်အဆိ ကတၢၢ်တဘ့ၣ်ဘၣ်တၢ်ကွဲးအီၤဒ်သိးအကဟ့ၣ်ဆူၣ်ထီၣ် ပှၤခရံာ်ဖိဖဲန့ၣ်တဖၣ်အဂံၢ်အဘါဒီးကတိၤဒုးဂၢၢ်ဒုးကျၢၤထီၣ်က့ၤ အသးလီၤ. အဝဲဒၣ်ပာ်ဖျါထီၣ်အတၢ်စံးဘျုးစံးဖှိၣ်လၢအနၢ်ဟူဘၣ် တၢ်ကစီၣ်ဘၣ်ဃးအဝဲသ့ၣ်အတၢ်စူၢ်တၢ်နာ်ဒီးတၢ်အဲၣ်တၢ်ကွံ အဃိလီၤ. အဝဲဒၣ်ဒုးသ့ၣ်နီၣ်ထီၣ်အဝဲသ့ၣ်ဘၣ်ဃးတၢ်အိၣ်မူလၢ အဝဲဒၣ်အိၣ်မူတ့ၢ်ဝဲဖဲအအိၣ်ဒီးအဝဲသ့ၣ်အဆၢကတီၢ်အဂ့ၢ်ဝံၤ အလီၢ်ခံစံးဆၢဝဲတၢ်သံကွၢ်တဖၣ်လၢအအိၣ်ထီၣ်လၢတၢ်အိၣ်ဖှိၣ် အပူၤဘၣ်ဃးဒီးခရံာ်အတၢ်ဟဲက့ၤအဂ့ၢ်လီၤ. ပှၤစူၢ်က့ၤနာ်က့ၤတၢ်တဂၤလၢအသံဝဲတချုးခရံာ်အတၢ်ဟဲက့ၤ န့ၣ်, ဒိးန့ၢ်ဘၣ်ဃုာ်တၢ်မူအထူအယိာ်လၢအကဘၣ်တၢ်ဒုး အိၣ်ထီၣ်အီၤလၢခရံာ်အတၢ်ဟဲက့ၤန့ၣ်, ကသ့ဒံးဝဲကစီဒီဧါ. ဒီးခရံာ်ကဟဲကဒီးဝဲဖဲဆၢကတီၢ်မတၤလဲၣ်. ဖဲဘျီအဝဲအံၤ, စီၤပီလူးဟံးန့ၢ်အခွဲးအယာ်လၢအကတဲဘၣ်အဝဲသ့ၣ်ဒ်သိး အကဖံးကမၤဒံးတၢ်ဆူညါကစုဒုဖဲအဝဲသ့ၣ်အိၣ်ခိးကွၢ်လၢ် ခရံာ်အတၢ်ဟဲက့ၤလၢတၢ်မုၢ်လၢ်အပူၤအဖၢမုၢ်န့ၣ်လီၤ.
လံာ်အတကွီၣ်
တၢ်ကတိၤလၢညါ ၁:၁
တၢ်စံးဘျုးစံးဖှိၣ်ဒီးတၢ်စံးထီၣ်ပတြၢၤ ၁:၂-၃:၁၃
တၢ်သဆၣ်ထီၣ်ခံဘၣ်ဃးဒီးခရံာ်ဖိအတၢ်အိၣ်မူ ၄:၁-၁၂
တၢ်သိၣ်လိနဲၣ်လိဘၣ်ဃးခရံာ်အတၢ်ဟဲက့ၤ ၄:၁၃-၅:၁၁
တၢ်သဆၣ်ထီၣ်ခံလၢခံကတၢၢ် ၅:၁၂-၂၂
တၢ်ကတိၤလၢခံကတၢၢ် ၅:၂၃-၂၈
Currently Selected:
၁ သ့းစၤလနံ တၢ်ကတိၤဆှၢနုာ်: KSWC
Highlight
Share
Copy
Want to have your highlights saved across all your devices? Sign up or sign in
Sgaw Karen Common Bible © Bible Society of Myanmar, 1992.