Luke 10

Jisua'n sômsarileinik ngei a tîrna

1Masuole chu, Pumapa'n, midang sômsarileinik#10:1: sômsaileinik; ti hih miziek senkhat ngei chu sômsari tiin an dôn a thanga, abop abopin an sena rang khopuitina le muntina, ama motona a tîra. 2#Mat 9:37,38 An kôma, “Bu ât rang atama, ania a mintûp ranga sin rang mi an tôm, Masikin, a bu mintûp ranga sintho rang mi tîr rangin bu pumapa kôm ngên roi.”

3 # Mat 10:16 “Se roi! Melang lâia belrite om anga han nangni ki tîr ani. 4#Mat 10:7-14; Mk 6:8-11; Luk 9:3-5Sumkok mo, cholite mo, kekok mo, chôi no roi; lampuia khom tute chibai no roi. 5In nin lûtna kipa, ‘Hi ina hin rathanngamna om rese’ ti bak roi. 6Rathanngamna midit mi an oma anîn chu nin rathanngamna chibai hah an chunga om a tih; an om nôn chu nin chibai hah lâk kîr nôk roi. 7#1 Kor 9:14; 1 Tim 5:18Nin tungna ina han omtit ungla, nangni an pêk murdi sâk ungla, nêk roi, sinthopu chu lo pêk rang ani sikin. In tin lôrdul no roi. 8Khopui nin lûta nangni an modôma anîn chu, nangni an pêk kai chu sâk roi. 9Ma khuoa damloi ngei mindam ungla, an kôma, ‘Pathien Rêngram nin kôma ajuong nâi zoi’ tipe ngei roi. 10#Sin 13:51 Khopui nin lûtna nâm nangni an modôm nôn chu, lampuia jôkpai ungla, 11nin khopuia pildi, kin kea kop tena khom nin chunga kin khôngthâk nôk vang ania, ‘Pathien Rêngram chu nin kôm ajuong nâi zoi!’ tipe ngei roi, a tia. 12#Aph 19:24-28; Mat 11:24; Mat 10:15 Nangni ki ril, Pathien Roijêk Nikhuo tika chu, ma khopuingei tuong rang nêkin chu, Sodom chu ajâi om uol atih!”

A Iemloi khuongei

(Mat 11:20-24)

13 # Isa 23:1-18; Ezek 26:1—28:26; Joel 3:4-8; Amos 1:9,10; Zak 9:2-4 “Korazin, na chungroi arik bah na! Bethsaida, khom na chung roi arik bah na! Nangnia sininkhêl itho ngei hah Tyre le Sydon khuoa tho nisenla chu, thoila puon insilin, pildi inpolin an sietnangei insîr an tih. 14Roijêk Nîn chu nin tuong rang nêkin Tyre le Sydon chu ajâi om uol an tih. 15#Isa 14:13-15Nangma Capernaum khom, nethenin invân idênin nên pâk rang mini? Dûkmuna kêng vôrpai na ni rang.”

16 # Mat 10:40; Mk 9:37; Luk 9:48; Joh 13:20 Jisua'n a ruoisingei kôma, “Tutu nin chong rangâi chu ko chong rangâi ani, tutu nangni heng chu ni heng ani, tutu ni heng chu ni tîrpu heng ani,” a tia.

Sômsarileinik ngei hongkîr

17Hanchu, #10:17: 72; miziek senkhata chu 70 an dô (arachang 1 na en roh) sômsarileinik ngei hah râisân takin an hong kîra, “Pumapa, ni rimingin ramkhoringei tena kin chong an jôm” an tia. 18Jisua'n a thuon ngeia, “Soitan, invân renga kôlinlek anga juong tâk ku mu,” a tia. 19#Lap 91:13 An kôma, “Rangâi roi, murûlngei le âinuvet chunga lôn theina le râlngei roineina chunga rachamneina nangni ke pêk, itên nangni minna thei noni ngei,” a tia. 20“Ania ramkhoringeiin nin chong an jôm sikin nan râiminsân no roia, Invâna nin riming mizieka a om sikin nan râiminsân roi” a tipe ngeia.

Jisua râisânna

(Mat 11:25-27; 13:16-17)

21Ma zora han Jisua Ratha Inthiengin#10:21: Ratha Inthiengin miziek senkhat ngei chu Ratha han; an tia senkhat nôk chu a ratha han tiin an dôn. a sipa, “O Pa, invân le pilchung Pumapa, mivâr, mi theithiem ngei kôma ni ip, mi inmôlngei kôma nu phuong sikin nang ki minpâk. Ani, O Pa, maha nu lungdo le na nuomlam tak ani,” a tia. 22#Joh 3:35; Joh 10:15Ka Pa'n neinun murdi ni pêk zoi. Tutên, Pa ti loiin chu Nâipasal riet mak. Tutên Nâipasal ti loiin chu Pa khom riet mak, Nâipasalin ânphuongna ngei tiloiin chu. 23Hanchu, Jisua ruoisingei tieng ân heia, inrûkten, “Hi ngei nin mu hih idôra mi satvur mo nin ni! 24Dêipungei, rêngngei tamtakin nin mu ngei hih mu rang an nuoma chuh mu mak ngei, nin iriet ngei a riet an nuoma chuh riet mak ngei,” a tipe ngeia.

Samari misa Chongmintêk

25 # Mat 22:35-40; Mk 12:28-34 Balam minchupu inkhat Jisua minvak rangin a honga, a kôma, “Minchupu, Kumtuong ringna ka manna rangin imo ki sin rang?” a tia. 26Jisua'n a thuona, “Lekhabu'n imo ati? Imo no pore ngâi?” a tia. 27#Bal 6:5; Och 19:18Hanchu ama'n, “Pumapa na Pathien chu, nu mulung murdi'n, ni ringna murdi'n, na râtna murdi'n ni mindonna murdi'n lungkham roh. Nangma lung nên kham anghan nu bungmingei lungkham roh ati,” tiin a thuona. 28#Bal 18:5Jisua'n a kôma, “Ni ti mindik, ha angtak han thô inla, ring ni tih,” a tia.

29Hannisenla, Balam minchupu hah theiintum nuomin, Jisua kôma, “Tumo ku bungngei?” a tia. 30Hanchu, Jisua'n a thuona, “Hanchu voikhat, mi inkhat Jerusalem renga Jericho'a a sea, inru ngei a tonga, an jêmpola, an tôk bita, a thi vângin an mâk raka. 31Hanchu ha lampuia han ochai inkhat a juong sea, ha mi hah a mûn chu lam dang tieng a piela. 32Ma ang nanâk han, Levi mi a juonga, a ena, hanchu lamsîr tieng a piela. 33#2 Rich 28:15Hanchu, Samari mi inkhat han ha lampuia lônin a honga, a mûn chu lungkham a mua. 34A kôm ava pana, a sâbengei sariek le uain a buoka, a thom pea, a sakuording chunga a minchuonga, khuol tung ina a tuonga, a donsûi zoia. 35A nangtûka chu, sum dârnik a kelsuoa, khuol tung in enkolpu a pêka, ‘Lei donsûi inla,’ a chunga na thâm kai chu ko hong kîr nôk tika nang thuon ki tih” a tia.

36Jisua'n, a kôma, “Inthum ngei lâia han atu tak ha mo inru ngei tongpu bungmi ani ranga ni iem?” a tia. 37Balam minchupu han a kôma, “inriengmupu tak hah” tiin a thuona. Jisua'n, “Sênla, nang khom ha ang tak han tho roh,” a tipea.

Jisua'n Martha le Mary a pan

38 # Joh 11:1 Hanchu, Jisua le a ruoisingei an khuol se nân, khuo inkhata an lûta, nupang a riming Martha a ina a modôm ngeia. 39A juorpuinu riming chu Mary ani, ama han Pumapa ke bula insungin, a chongril a rangâia. 40Ania, Martha chu sinthôn ânpol oka, a honga, “Pumapa, kênzirpui nûn ke theivaia sintho ranga ni mâkrak hih ni mindon pe mak che mo hi?” ni hong san rangin tipe roh! a tia. 41Pumapa'n amanu kôma, “Martha, Martha, neinun tamtak ni mindon sika nênjêl kêng. 42Inkhat vai kêng ai nâng, Mary hin neinun dik a thanga, a kôm renga isut nôk rang ni khâi mak,” a tipea.

Currently Selected:

Luke 10: SAKNT

Highlight

Copy