Imilimo ya batumwa Amashiwi akwambilapo
Amashiwi akwambilapo
Imilimo ya Batumwa libuku litwalilila ukusosa mfilya ifyalembwa mwibuku lya Ubutumi Bwawama ubwalembelwe na Luka. Muli ndi buku akobwenesha ifyo abakusambila baku Yesu, mukutangililwa no Mupashi Wabuta, bapalangenye Ubutumi bwakwe ku “Yelusalemu, mu Yudeya monse, mu Samaliya elo nakumpela yachalo” (1.8). Ubutumi ubusosa pamyendele yabena Klistu ukufuma apo batatikile pa Bayuda nokwisa kuba ichishinte chachipulusho chachalo chonse. Kalemba alebwenesha nakambi ukwebati ibumba lyabena Klistu talyalipo ilyafipondo ilyakwalukila ubuteko ubwa Chiloma. Elo nokuti ichichetekelo chabwina Klistu ekufikilisha kwamilombele ya Chiyuda.
Ndi buku kuti lyaabanikwa mufiputulwa fitatu, ukwiminina ififulo ifyali kukulilako pamulandu wa Ubutumi Bwawama bwaku Yesu bwalikubilishiwa nefilonganino ifyali kukoselelako: (1) Ukutatika kwachilonganino chabena Klistu mu Yelusalemu panuma yakunina kwaku Yesu; (2) Ukupalanganina mumiputule ya Palesitaini, elo (3) nokuya fika mufyalo ifyashinguluka Bemba wa Mediteleniyani ukufika naku Loma
Ichikulu mu Imilimo ya Batumwa mulimo wa Mupashi Wabuta uwayishile pabakusambila mu Yelusalemu pakasuba ka Pentekosite, nefyo watwalilile ukutungulula nokukoselesha ichilonganino nentungulushi. Ifyo abena Klistu balikubilisha nafimbi ifyalembwa muli ndi buku, fibonesha ifiso fyamashiwi nga mubumi bwabachetekela elo nesenge muchilonganino.
Ifyalembwa Mwibuku ndi mukwipifya
Ukupekanya kwakubilisha 1.1-26
a. Ifunde nokulaya kwakulekelesha kwaku Yesu 1.1-14
b. Uwabulile ichifulo chakwa Yudasi 1.15-26
Ukubilisha mu Yelelusamu 2.1—8.3
Ukubilisha mu Yudeya namu Samaliya 8.4—12.25
Umulimo wakwa Paulo 13.1—28.31
a. Ubulwendo bwakwamba 13.1—14.28
b. Ukulongana kwa mu Yelusalemu 15.1-35
c. Ubulwendo bwachibili 15.36—18.22
d. Ubulwendo bwachitatu 18.23—21.16
e. Umufungwa Paulo mu Yelusalemu, Kayisaleya namu Loma 21.17—28.31
Currently Selected:
Imilimo ya batumwa Amashiwi akwambilapo: LalaNT
Highlight
Share
Copy
Want to have your highlights saved across all your devices? Sign up or sign in
Chilala New Testament © Bible Society of Zambia, 1998.