SAKALIA 1
1
Ko Kalaga te Aliki ki Tena Fenua ke Foki atu ki a Ia
1 #
Esela 4.24—5.1; 6.14 I te valu o masina, i te lua o tausaga ne tupu i ei a Taliu i Pelesia, ne tuku mai ei ne te Aliki te fekau ki a Sakalia, te tama a Pelekia, ka ko te mokopuna o Ito. 2Ne fai mai te Aliki Tafasili i te Malosi ki a Sakalia ke faipati atu ki tino Isalaelu penei, “Au, te Aliki, ne kaitaua malosi ki otou tupuga, 3kae nei ko fai atu au ki a koutou, ‘Foki mai ki a au, kae ka fakatasi atu foki au ki a koutou. 4Sa fai pela mo otou tupuga. I aso taumua, ne faipati ne pelofeta ki a latou taku fekau ke mo a e toe ola latou i se olaga fai agasala, kae ne seki fia faka'logo eiloa latou ki a au. 5A otou tupuga mo pelofeta kona, ko oti ne mate atu. 6Ko aku tavini ko pelofeta kola ne fakaoko atu ne latou ki otou tupuga aku fakatonuga mo polopoloakiga, kae ne seki 'saga otou tupuga ki ei, tena ne oko atu eiloa ki a latou taku fakasalaga. Ne sala'mo latou kae talia ne latou me i Au, te Aliki Tafasili i te Malosi, ko oti ne fakasala ne au latou ke pela eiloa mo te mea ne mafaufau au ke fai, e pogai eiloa mai te lotou 'se.”’
Ko te Fakaasiga e uiga ki Solofanua
7I te po luasefulufa o te sefulutasi o masina, te masina o Sepata, i te lua o tausaga ne tupu ei Taliu, ne tuku mai ei ne te Aliki ki a au a te fekau i te miti i te po. 8#Faka 6.4; Faka 6.2 Ne lavea ne au te agelu a te Aliki e tele i luga i te solofanua kula. Ne tu a ia i loto i lakau ko metolo, i se vanu, kae i ana tua, ne solofanua foki e lanu kula, lanu pulepule kae lanu kena. 9Ne fesili atu au ki a ia penei, “Tou malu, se a te uiga o solofanua konei?”
Ne tali mai a ia penei, “Ka fakaasi atu ne au a te uiga o solofanua kona. 10A latou ne uga ne te Aliki ke olo o asiasi a te lalolagi.”
11Ne fai te fakamatalaga a latou ki te agelu penei: “Matou ne oko ki koga katoa o te lalolagi kae iloa ake ne matou i te lalolagi katoa ko seai sena mea e mafai o fai me ko takavale masei.”
12Tela, fai mai ei te agelu penei, “Te Aliki Tafasili i te Malosi, ko tusa nei mo te fitusefulu tausaga ne kaitaua ei koe ki a Ielusalema ke oko foki ki fa'kai o Iuta. Ko afea ka fakaasi ei ne koe tou alofa ki a latou?”
13Ne tali atu te Aliki ki te agelu i pati fakamafanafana, 14kae ne fai mai te agelu ki a au ke faipati atu ne au a muna a te Aliki Tafasili i te Malosi; “E lasi toku alofa mo toku atafai ki a Ielusalema, toku fa'kai tapu, 15ka ko au e ita ki malo kola e fakamata'mata. Me i a au ne seki kaitaua malosi ki oku tino, ka ko malo kona ko tō lasi katoa te lotou fakasaunoaga ki oku tino. 16Tenei la, ko toe foki mai au ki Ielusalema o fakaasi atu toku alofa ki ei. A toku Faletapu ka toe fakatu, ka ko te fakai ka toe fai faka'lei.”
17Ne fai mai foki te agelu ke folafola atu ne au a pati konei: “A te Aliki Tafasili i te Malosi ne fai mai, i ona fa'kai ka toe maumea kae manuia. Ka toe vau a ia o fesoasoani ki Ielusalema kae fakailoga ke fai mo ia.”
Ko te Fakaasiga e uiga ki Suki Pulumakau
18I te sua fakaasiga, ne matea ne au e fa suki pulumakau. 19Ne fesili au ki te agelu tela ne faipati sale mai ki a au me ne a uiga o suki pulumakau konei.
Ne tali mai a ia penei, “A suki pulumakau kona ko malo lasi o te lalolagi kola ne fakasalalau ne latou a tino o Iuta, Isalaelu mo Ielusalema.”
20Ne fakaasi mai foki ne te Aliki ki a au a tino galue e tokofa mo olotou samala. 21Ne fesili atu au penei, “Ne a mea a tino konei ne o'mai o fai?”
Ne tali mai a ia penei, “Ne o'mai o fakamatakutaku kae faka-takavale a malo kola ne tukipala ne latou te fenua o Iuta kae fakasalalau ona tino.”
Currently Selected:
SAKALIA 1: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
