SAKALIA 2
2
Ko te Fakaasiga e uiga ki te Fua Uka
1I te sua fakaasiga, ne lavea ne au a te tino mo te uka i tena lima. 2Ne fesili atu au penei, “Koe e fano ki fea?”
Ne tali mai a ia penei, “Au e fano o fua Ielusalema, me pefea tena loa mo te lauefa.”
3I kona eiloa, ne lavea ei ne au a te agelu tela ne faipati mai sale ki a au ko tu aka ki mua, mo te sua agelu e vau o fakafetaui ki a ia. 4Ne fai atu a te agelu muamua ki te sua agelu penei, “Tele o fai ki te tamataene tela e fano mo te fua uka me ka oko mai te taimi ka tokouke malosi eiloa a tino mo pulumakau i Ielusalema; ko te fakai ka to lasi ko se maua o fai sena pui. 5Ko oti ne tauto te Aliki me ka fai a ia mo pui afi e fakatamilo i te fa'kai, o puipui, kae nofo a ia i kona mo tena 'malu katoa.”
A Tino Isalaelu ka toe foki ki te lotou Fenua
6-7Ne fai mai te Aliki ki tino Isalaelu penei, “Ne fakasalalau ne au koutou ki koga valevale, kae nei, koutou kola ne fakatafea, tele keatea mo Papelonia kae foki mai ki Ielusalema. 8So se tino e fakapakia ne ia se tino i a koutou, ko fakapakia ne ia te mea tafasili i te taua i toku loto.”
Tena, ne uga mai au ne te Aliki Tafasili i te Malosi mo te fekau tenei ki malo kola ne fakasaua ki ona tino: 9“A te Aliki ka taua atu ki a koutou, ka ko koutou ka faka-takavale ne tino kola ne faka-tavini ne koutou muamua.”
Kafai ko taunu te mea tena, ka iloa ei ne tino katoa i a au ne uga mai ne te Aliki Tafasili i te Malosi.
10Muna a te Aliki, “Usu pese fiafia koutou tino Ielusalema! Au ka vau o nofo tasi mo koutou!”
11I te taimi tena, ka uke a malo ka mai ki te Aliki ke fai latou mo ona tino. Ka nofo fakatasi koutou mo ia, kae ka iloa ei ne koutou i a au ne uga mai ne ia ki a koutou. 12Ko Iuta ka toe fai mo fenua tāua a te Aliki i tena fenua tapu, ka ko Ielusalema ko te fa'kai e tafasili tena alofa ki ei.
13A tino katoa ke filemu i mua o te Aliki, me ka vau a ia mai tena nofoga tapu.
Currently Selected:
SAKALIA 2: Tusi Tapu
Highlight
Share
Copy
Want to have your highlights saved across all your devices? Sign up or sign in
Tuvalu Revised Bible © Bible Society in the South Pacific
