Псалманууд 95
95
1Ерэгты, Эзэндэ баяртай дуу дуулая,
абаралайнгаа Хабсагайда баяртай шанга дуулаладая.
2Магтаал үргэн урдань зогсоё,
дуу дуулан алдаршуулая.
3Юуб гэбэл, Эзэн бол агууехэ Бурхан
бүхы бурхад дээрэ Агууехэ Хаан мүн.
4Гартань дэлхэйн гүн байна,
хадын орьёлнууд Тэрэнэй мэдэлэй.
5Далайшье Тэрэнэй, тэрэниие бүтээгээ шүү,
гарнуудынь хуурай газарые түхөөгөө.
6Ерэгты, мүргэе, доро дохиё,
бидэниие бүтээгшэ Эзэнэй урда унан мүргэе.
7Юуб гэбэл, Тэрэ манай Бурхан,
Тэрэнэй адуулдаг зон — бидэ,
гарайнь хүтэлһэн хонидбди.
Мүнөө Тэрэнэй дуу хоолой соносоо гээшэ һаа,
8Мэрибаада болоһондол адли,
Массаада, сүл губида, болоһондол адли
зүрхэеэ үсэд бү болгыт.
9«Таанарай үбгэ эсэгэнэрэй туршахада,
Минии үйлэ хэрэг хараһаншье һаа, Намайе шалгахада,
10дүшэн жэлэй туршада Би тэрэ үеынхидтэ сухалдажа,
«тэдэ ухаагаа төөриһэн зон,
Минии замуудые мэдэдэггүй хүнүүд» гэжэ айладааб.
11Тиимэһээ Би уурлажа,
Минии зохёоһон амар амгалан газарта
тэдэ үнэхөөрөө орохогүй гэжэ тангариглааб.
Currently Selected:
Псалманууд 95: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
