Псалманууд 96
96
1Эзэндэ шэнэ дуу дуулагты,
бүхы дэлхэй, Эзэндэ дуулагты.
2Эзэндэ дуулагты, нэрыень үреэгты,
абарһан тухайнь үдэрһөө үдэртэ дуулгагты!
3Тэрэнэй алдар солые үндэһэтэдэй дунда,
Тэрэнэй гайхамшагта хэрэгүүдые бүхы арадуудай дунда тунхаглагты!
4Юуб гэбэл, Эзэн агууехэ, угаа магтагдаха,
бүхы бурхадһаа үлүү Тэрээнһээ аймаар.
5Юуб гэбэл, бусад арадуудай бурхад — хооһон шүтээнүүд,
харин Эзэн огторгой бүтээһэн юм.
6Нэрэ хүндэ болон һүр жабхалан урдань,
хүсэ шадал ба үзэсхэлэн байдал нангин газартань оршодог.
7Арад зоной обогууд, Эзэниие магтагты,
Эзэнэй алдар соло ба хүсэ шадал магтагты!
8Эзэндэ нэрынь шанараар алдар үргэгты!
Үргэл асаржа, хашаа руунь ерэгты.
9Гэгээн солынь үзэсхэлэн соо Эзэндэ һүгэдэн мүргэгты!
Бүхы дэлхэй, Тэрэнэй урда шэшэрэн байгты!
10«Эзэн бол Хаан!» гэжэ үндэһэтэдэй дунда хэлэгты.
Юртэмсэ нээрээ бата бэхи тогтоогдонхой, ганхахагүй.
Эзэн арад зониие зүб шударга ёһоор сүүдлэхэ.
11Огторгой баясаг, газар дэлхэй хүхиг!
Тэнгис далай болон досоонь байгаа бүхы юумэн нэерэг лэ!
12Тала газар болон дээрэнь байгааша бүхы юумэн баярлана,
ойн модод бултадаа баясан дуулана,
13Эзэнэй урда!
Юуб гэбэл, Тэрэ заларан ерэжэ байна,
газар дэлхэйе сүүдлэхээр заларжа байна.
Тэрэ юртэмсые зүб шударгаар,
арадуудые Өөрын үнэн сэхээр сүүдлэхэл!
Currently Selected:
Псалманууд 96: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
