Псалманууд 94
94
1Үһөөгөө абалгын Бурхан болохо Эзэн,
үһөөгөө абалгын Бурхан, Өөрыгөө харуулыт!
2Дэлхэйн Шүүгшэ, бодыт,
бардамлагшадта хэмээрнь бусаагыт.
3Хэды болотор хорото муу зон,
хорото муу зон хэды болотор баясан байхаб?
4Тэдэ дээрэлхүү үгэнүүдые сасажа,
хуулита бэшэ юумэ хэжэ, тэрээнээ һайрхан байна.
5Эзэн, тэдэ Танай арад түмэниие дарлана,
уг залгамжалалыетнай зобооно.
6Бэлбэһэн эхэнэрнүүдые, хариин зониие алана,
үншэн хэнзэнүүдые усадхана.
7«Эзэн харахагүй, Яковой Бурхан мэдэхэгүй» гэжэ хэлэнэ.
8Мунхаг зон, ухаа орыт!
Тэнэг зон, хэзээ ойлгохобта?!
9Шэхэ бүтээгшэ Тэрэ соносохогүй гэжэ гү?
Нюдэ бүтээгшэ Тэрэ харахагүй гэжэ гү?
10Үндэһэтэнүүдые гэгээрүүлдэг,
хүндэ эрдэм заадаг Тэрэ зэмлэхэгүй гэжэ гү?
11Эзэн хүнэй бодолнуудые мэдэдэг:
тэдэ хооһон дэмы юм.
12Эзэн, Танай гэгээрүүлдэг,
һургаал заабаринуудаа хэлэн һургадаг хүн юрөөлтэйл!
13Иигэжэ хорото муу хүндэ нүхэ малтажа,
зоболонгой үдэрһөөнь эхилэн амгалан байдал үгэнэт.
14Юуб гэбэл, Эзэн арад түмэнөө орхихогүй,
Өөрын угай зөөри хаяхагүй.
15Иигэжэ сүүд дахин шударга зүб болохо,
зүрхээрээ зүб сэхэ зон булта тэрэниие дахаха.
16Мууе хэгшэдэй урдаһаа хэн намтай хамта бодохоб?
Гэм хэгшэдэй урдаһаа намтай хамта бодохоб?
17Эзэнэй намда туһалаагүй һаань,
би аниргүйшүүлэй орон руу мордохо бэлэйб.
18«Хүлни шэшэржэ байна» гэжэ хэлэхэтэйм хамта,
Эзэн, энэрэл хайратнай намайе дүнгэдэг байгаа.
19Һанаа зобоогшо зүйлэй досоомни олон болоходо
Танай һатааруулһан үгэнүүд намайе баясаадаг мүн.
20Хуулида харша муу муухайе һанаашархаһан зоной,
үгышье гэбэл, сүйд тодхорой шэрээ Танһаа холо.
21Зүб шударга хүниие алахаяа тэдэ бүлэгөөрөө шуумайжа.
Гэмтэй бэшэ хүнэй шуһа урдахуулхаяа һэдэнэ.
22Харин Эзэн минии хамгаалалта,
Бурхамни намайе хоргодуулагша хада хабсагай мүн.
23Тэрэ гэм нүгэлынь өөһэд дээрэнь тохохо,
гэмтэ хэрэгэйнь түлөө тэдэниие усадхаха,
Эзэн Бурхамнай тэдэниие усадхаха!
Currently Selected:
Псалманууд 94: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
