Псалманууд 92
92
1[Псалма. Амаралтын үдэрэй дуун.]
2Эзэндэ талархал үргэхэнь,
Дээдэ Бурхан, нэрыетнай магтахань һайн,
3үглөөнь энэрэл хайрыетнай,
һүниндөө үнэн сэхыетнай зарлахань,
4арбан утаһатай ятаг болон хүбшэргэйтэ зэмсэг дээр,
ятагай хүгжэмөөр тунхаглахань һайн.
5Юуб гэбэл, Эзэн, Та хэһэн зүйлээрээ намайе баясуулаат,
гарайтнай үйлэ хэрэгүүдһээ болон баяртайгаар дууланам.
6Эзэн, Танай үйлэ хэрэгүүд хэды агуу бэ!
Бодолнуудтнай гүнзэгы мүн!
7Тэнэг хүн мэдэхэгүй,
мунхаг хүн ойлгохогүй.
8Тиимэ, муу зон үбһэ ногоон мэтэ ургана,
гэмтэн һалбаржа байна.
Гэбэшье тэдэ хэтэ мүнхэдөө үгы болохо.
9Харин Та, Эзэн, хэтэдээ агууехэт!
10Юуб гэбэл, дайсадтнай, үзөөрэйгты, Эзэн,
танай дайсад хосорхо,
гэм хэгшэд бултадаа тараагдаха.
11Харин Та эбэрыем зэрлиг үхэрэй мэтээр үргэнэт,
шэнэхэн тоһоор тоһологдооб.
12Нюдэдни дайсад руу харана,
шэхэнүүдни урдаһаамни бодогшо муу муухай зон тухай соносоно.
13Зүб шударга хүн пальма модондол сэсэсглэнэ,
Ливаанай хуша модондол ургана.
14Эзэнэй нангин үргөө соо һуулгагданхай,
Бурханаймнай хашаа соо тэдэ сэсэглэнэ.
15Тэдэ хүгшэрөөшье һаа, жэмэс үгэнэ,
тэдэ шүүһэлиг, ногоон.
16Энэ хадаа Эзэн шударга сэхэ гээшые тунхаглахын тула юм.
Тэрэ хадаа хорохо хабсагаймни, буруу юумэн доторнь үгы.
Currently Selected:
Псалманууд 92: BurOTp
Highlight
Share
Copy
Want to have your highlights saved across all your devices? Sign up or sign in
© Bible Society in Russia, 2002-2007, 2011, 2013, 2018.
