Sat-kâ-li-â Sû 2

Chhet-liòng Sok ke Yi-siong

1Chhai nang-ngoi yit-ke yi-siong chûng, ngài khon-tó yit-ke ngìn, sú nâ-tén yit-thiàu chhet-liòng sok. 2Ngài mun kì: “Ngì oi hi nai-vi?”

Kì kóng: “Ngài oi hi liòng Yâ-lu-sat-lâng, khon kì yû kí-chhòng, kí-fat.”

3Lâu ngài kóng-fa ke thiên-sṳ́ hàng chhut-hi ke sṳ̀-chiet, nang-ngoi yit-ke thiên-sṳ́ ngiàng-chiap kì. 4Thèu-yit ke thiên-sṳ́ tui thi-ngi ke thiên-sṳ́ kóng: “Kiak-kiak chéu-hi lâu ke nâ-tén chhet-liòng sok ke chhiâng-ngièn kóng: ‘Yâ-lu-sat-lâng voi yû chhin-tô ngìn lâu thèu-sâng lòi he̍t; kì voi chhiong yit-ke mò sàng-chhiòng ke sàng. 5Song-chú yí-kîn tap-yin, Kì oi sàng-cho yit-chho fó-chhiòng, vì-tén liá-sàng, pó-fu kì, ya oi cho kì tông-chûng ke yùng-kông.’ ”

Fû-seu Ngìn-mìn Chón Ku-hiông Lòi

6-7Song-chú tui Kì ke ngìn-mìn kóng: “Ngài sṳt chiông ngì-têu fûn-san to si-mien pat-fông hi. Chúng-he ngì liá-têu liù-mòng ke ngìn â, oi kiak-kiak thot-lì Pâ-pí-lùn, chón Yâ-lu-sat-lâng lòi. 8Má-ngìn kûng-kit ngì-têu, chhiu-he kûng-kit tó Ngài ke muk-chû-yìn.”

Só-yî, Yùng-kông ke Song-chú — Van-kiûn ke Ngièn-soi chhâi-phai ngài chiông yî-ha ke sin-sit lâu ke-têu chhióng Kì ngìn-mìn ke koet-kâ kóng: 9“Khon â, Ngài — Song-chú oi chhîn-chhṳ kûng-kit ngì-têu; yî-chhièn fu̍k-sṳ ko ngì-têu ke ngìn oi chhióng-kiap ngì-têu.”

Ke sṳ̀-chiet, ngì-têu chhiu voi tî Song-chú — Van-kiûn ke Ngièn-soi chhâi-phai ngài.

10Song-chú kóng: “Siak-ôn ke ngìn-mìn â, oi fôn-hí chhong-kô! Yîn-vi Ngài oi lòi he̍t chhai ngì-têu tông-chûng.”

11Ke-sṳ̀, chhin-tô koet-kâ oi kûi-hiong Song-chú, sàng-cho Kì ke ngìn-mìn. Kì oi he̍t chhai ngì-têu tông-chûng, ngì-têu chhiu voi tî Song-chú — Van-kiûn ke Ngièn-soi chhâi-phai ngài to ngì-têu ke-vi hi. 12Yù-thai oi chhùng-sîn cho su̍k Song-chú ke sṳn-thi; Kì oi chai yit-pái kién-sién Yâ-lu-sat-lâng cho sṳn-sàng.

13Chhiòn ngìn-lui yin-kôi chhai Song-chú mien-chhièn kiûng-kin tiâm-chhin, yîn-vi Song-chú tui Kì ke sṳn-só chhut-lòi!

Currently Selected:

Sat-kâ-li-â Sû 2: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Sat-kâ-li-â Sû 2

Videos for Sat-kâ-li-â Sû 2

Zechariah

BibleProject

Zechariah 1-6

BibleProject

Sat-kâ-li-â Sû 2

Popular Bible Verses from
Sat-kâ-li-â Sû 2

Videos for Sat-kâ-li-â Sû 2

Zechariah

Zechariah 1-6

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 2

Sat-kâ-li-â Sû 2

Popular Bible Verses from Sat-kâ-li-â Sû 2

Videos for Sat-kâ-li-â Sû 2

Zechariah

Zechariah 1-6

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 2

Popular Bible Verses from
Sat-kâ-li-â Sû 2