Sat-kâ-li-â Sû 12

Yâ-lu-sat-lâng Voi Tet-kiu

1Yî-ha he Song-chú só khí-sṳ yû-koân Yî-set-lie̍t ke fa:

Song-chú phû-khôi kiûng-chhông, kien-li̍p thai-thi, su sâng-miang pûn ngìn-lui. Kì kóng: 2“Ngài oi sṳ́ Yâ-lu-sat-lâng chhiong yit-pî chiú, kì chû-vì ke koet-kâ lîm liá-pî chiú heu, voi chhiong chiú-chui ke ngìn lit-lòi lit-hi. Kì-têu pâu-vì Yâ-lu-sat-lâng ke sṳ̀-chiet, ya voi vì-kûng Yù-thai khì-thâ ke sàng-sṳ. 3Ke-ngit, Ngài oi sṳ́ Yâ-lu-sat-lâng chhiong yit-te thai sa̍k-kú, só-yû sióng-oi khià-hí liá te sa̍k-kú ke koet-kâ voi su chhûng-sông. Sṳ-song só-yû ke koet-kâ oi lièn-ha̍p hí-lòi kûng-tá Yâ-lu-sat-lâng. 4To ke-ngit, Ngài — Song-chú oi sṳ́ kì-têu yit-chhiet ke mâ-é chho̍k-kiâng, sṳ́ khì-mâ ke pot-tiên. Ngài oi khon-ku Yù-thai-kâ, sṳ́ lie̍t-koet só-yû ke mâ-é chhiâng-miâng. 5Ke-sṳ̀, Yù-thai ke-têu chhu̍k-chóng sîm-tú chhiu voi kóng: ‘Yâ-lu-sat-lâng ke ngìn-mìn yí-kho Song-chú — Van-kiûn ke Ngièn-soi, kì-têu ke Song-ti; liá chhiu sàng-cho ngài-têu ke li̍t-liong.’

6“Ke-ngit, Ngài oi sṳ́ Yù-thai ke-têu chhu̍k-chóng chhiong su-nà ke fó, vò-kón-tôi tî-poi ke fó-pá; kì-têu oi hiong-chó hiong-yu sêu-me̍t si-vì ke lie̍t-koet, chúng-he Yâ-lu-sat-lâng-ngìn hàn-he ôn-chhiòn he̍t chhai sàng-nui.

7“Ngài — Song-chú oi siên sṳ́ Yù-thai kiûn-chhui tet-sṳn, pûn Thai-ví ke heu-thoi lâu Yâ-lu-sat-lâng ke ngìn-mìn só-tet ke kông-yùng, m̀-voi chhêu-ko Yù-thai. 8To ke-ngit, Ngài — Song-chú oi pó-fu Yâ-lu-sat-lâng-ngìn; kì-têu tông-chûng chhin ngiôn-ngio̍k ke, ya voi chhiong Thai-ví án kiên-khiòng. Thai-ví ke heu-thoi voi tai-liâng kì-têu, chhiong Ngài — Song-ti, chhiong Ngài — Song-chú ke thiên-sṳ́ tai-liâng kì-têu yit-yong. 9Ke-ngit, Ngài oi sêu-me̍t yit-chhiet lòi kûng-kit Yâ-lu-sat-lâng ke ngoi-koet-ngìn.”

Sông-sîm Thai-kieu

10“Ngài oi sṳ́ Thai-ví ke heu-thoi lâu Yâ-lu-sat-lâng-ngìn chhûng-mân lìn-mén lâu khì-tó ke lìn. Kì-têu oi ngióng-mong ke pûn kì-têu chhiuk-sí ke, vi kì sông-sîm thai-kieu, chhiong sóng-thet thu̍k-sên-chṳ́ ke ngìn yit-yong; kì-têu oi vi kì kieu-to chhin thung-khú, chhiong sí chóng-chṳ́ ke ngìn yit-yong. 11Ke-ngit, Yâ-lu-sat-lâng voi yû-ngìn kieu-to fî-sòng chhî-chhám, chhiong ngìn chhai Mí-kit-tô phìn-ngièn vi-tó Ha̍p-tha̍t-Lìm-mùn#12:11 “vi-tó Ha̍p-tha̍t-Lìm-mùn”: Khó-nèn chṳ́ Kâ-nàm lâu Si-li-â ke chhṳ̍t-vu̍t sṳ̀n Pâ-li̍t. Tak-ngièn chhṳ̍t-vu̍t khû-châu sí-thet ke sṳ̀, pai Pâ-li̍t ke ngìn ngin-vì kì ya sí-thet, só-yî vi-tó kì sông-sîm thai-kieu. Liá kí-chak sṳ nang-ngoi ya-he yi̍t-cho “ke Ha̍p-tha̍t-Lìm-mùn”, chṳ́ Mí-kit-tô phìn-ngièn chûng yit-ke thi-miàng. án-ngiòng sông-sîm thai-kieu. 12Ke-ngit, liá thi-fông mî yit-ke kâ-chhu̍k voi sông-sîm thai-kieu: Thai-ví-kâ ke nàm-ngìn chhai yit-ke vi-só, ńg-ngìn chhai nang-ngoi yit-ke vi-só; Nâ-tân-kâ ke nàm-ngìn chhai yit-ke vi-só, ńg-ngìn ya chhai nang-ngoi yit-ke vi-só; 13Li-vi-kâ ke nàm-ngìn chhai yit-ke vi-só, ńg-ngìn ya chhai nang-ngoi yit-ke vi-só; Sṳ-mî-kâ ke nàm-ngìn chhai yit-ke vi-só, ńg-ngìn ya chhai nang-ngoi yit-ke vi-só. 14Khì-thâ só-yû ke kâ-chhu̍k ya he nàm-ngìn chhai yit-ke vi-só, ńg-ngìn ya chhai nang-ngoi yit-ke vi-só.”

Currently Selected:

Sat-kâ-li-â Sû 12: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Sat-kâ-li-â Sû 12

Video for Sat-kâ-li-â Sû 12

Zechariah 12-14

BibleProject

Sat-kâ-li-â Sû 12

Popular Bible Verses from
Sat-kâ-li-â Sû 12

Video for Sat-kâ-li-â Sû 12

Zechariah 12-14

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 12

Sat-kâ-li-â Sû 12

Popular Bible Verses from Sat-kâ-li-â Sû 12

Video for Sat-kâ-li-â Sû 12

Zechariah 12-14

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 12

Popular Bible Verses from
Sat-kâ-li-â Sû 12