Sat-kâ-li-â Sû 11

Phau-kiûn ke Kiet-khiu̍k

1Lì-pâ-nun â, tá-khôi ngì ke mùn,

pûn fó sêu-chhiang ngì ke hiông-pak-su!

2Chhiùng-su â, thai-kieu ô!

Yîn-vi hiông-pak-su yí-kîn vang hâ-lòi;

ke-têu kô-thai ke su-é fí-thet lé.

Pâ-sân ke siong-su â, thai-kieu ô!

Yîn-vi yu-cha̍t yu-chiâng ke su-nà yí-kîn chám-thet lé.

3Ngì-têu thâng ke-têu mu̍k-chá kieu ke sâng,

yîn-vi kì-têu meu-sṳn ke chhó-chhòng fí-fái lé!

Ya oi thâng ke-têu seu-chong sṳ̂-é kieu ke sâng,

yîn-vi Yok-tan hò-piên ke su-nà fông-fi lé!

Lióng-ke Mu̍k-chá

4Song-chú — ngài ke Song-ti án-ngiòng kóng: “Ngì hi mu̍k-yông ke-khiùn chiông-oi chhṳ̀ ke yòng. 5Mâi-yòng ke chhṳ̀ kì-têu, ngin-vì chhṳ-kâ mò-chhui; mai-yòng ke kóng: ‘Chan-mî Song-chú, ngài-têu hó-ngiak lé!’ Lièn kì-têu ke mu̍k-chá ya mò khó-lièn kì-têu.”

6Song-chú kóng: “Ngài mò oi chai lìn-mén he̍t liá thi-fông ke ngìn lé; Ngài oi chiông liá-têu ngìn kâu-pûn kì-têu ke lìn-sa lâu kì-têu ke vòng sú-chûng. Kì-têu oi chô-me̍t liá thi-fông; Ngài ya mò oi kiu liá-têu ngìn thot-lì kì-têu ke sú.”

7Án-ngiòng, ngài chhiu vi-tó ke-têu mâi-mai yòng-khiùn ke ngìn mu̍k-yông liá-khiùn chiông-oi chhṳ̀ ke yòng. Ngài nâ-tén lióng-kî mu̍k-chhóng, yit-kî ôn-to “Ên-fi”, yit-kî ôn-to “Ha̍p-yit”, chhiu khôi-sṳ́ cheu-ku yòng-khiùn. 8Chhai yit-ke ngie̍t nui, ngài chhù-thet sâm-ke mu̍k-chá, yîn-vi ngài ke sîm mò fap-thu ngiûn kì-têu, kì-têu ya tông-nâu ngài. 9Ngài tui yòng-khiùn#11:9 “tui yòng-khiùn” ya-he yi̍t-cho “tui ke-têu mâi-mai yòng-khiùn ke ngìn”. Hî-pak-lòi-vùn mò liá kí-chak sṳ. kóng: “Ngài mò-oi chai cho ngì-têu ke mu̍k-chá lé. Oi sí ke, yù-chhai kì sí; oi me̍t-mòng ke, cho kì hi me̍t-mòng; chhûn ke, yù-chhai kì-têu fu-siông thûn-sṳ̍t.” 10Yèn-heu ngài chiông ôn-to “Ên-fi” ke chhóng áu-thôn, péu-mìn ngài fi-thet lâu van-koet só-li̍p ke yok. 11Tông-ngit, ke yok chhiu fi-thet lé. Ke-têu mâi-mai yòng-khiùn ke ngìn chu-yi khon ngài, kì-têu chhiu tî he Song-chú thûng-ko ngài lòi chhòn-fa. 12Ngài tui kì-têu kóng: “Na-he ngì-têu khon-cho hó, chhiu pûn ngài kûng-chhièn, m̀-hó chhiu son lé!” Kì-têu chhiu pûn ngài sâm-sṳ̍p ke ngiùn-è, cho ngài án-séu ke kûng-chhièn.

13Song-chú tui ngài kóng: “Chiông liá-têu chhièn piong-ngi̍p sṳn-thien ke ngiùn-khu#11:13 “piong-ngi̍p sṳn-thien ke ngiùn-khu” he kîn-kí yit kú yi̍t-pún, Hî-pak-lòi-vùn he “kâu-pûn sêu-fì sṳ̂-fu”..” Ngài chhiu chiông liá sâm-sṳ̍p ke ngiùn-è, chhiu-he kì-têu ngin-vì ngài yin-tet án-hó ke kûng-ka, piong-ngi̍p sṳn-thien ke ngiùn-khu. 14Yèn-heu ngài chiông thi-ngi kî ôn-to “Ha̍p-yit” ke chhóng áu-thôn, péu-mìn chhiet-thôn Yù-thai lâu Yî-set-lie̍t chṳ̂-kiên ke hiûng-thi chhìn.

15Song-chú tui ngài kóng: “Ngì chai nâ fái mu̍k-chá só-yung ke yung-hi. 16Ngài oi chhai liá-thi hîn-hí yit-ke mu̍k-chá, ham kì chóng Ngài ke yòng-khiùn; chúng-he kì m̀ pông-chhu ke-têu me̍t-mòng ke, m̀ hi-chhìm m̀-kien-thet ke, m̀ yî-chhṳ su-sông ke, ya m̀ vi ke-têu khiòng-chong ke; kì fán-chón sṳ̍t-thet chui-phì ke yòng, hàn pak-thet kì-têu ke thài.

17Ke vok-thet yòng-khiùn, mò lu-yung ke mu̍k-chá chhám lé!

Chan-chên oi chha̍t-tái sêu-me̍t kì ke sṳ-li̍t.

Kì ke sú thin-chho̍k voi vàn-chhiòn khû-châu;

kì yu-phién ke muk-chû voi chhiòn-phu khon m̀-tó.”

Currently Selected:

Sat-kâ-li-â Sû 11: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Sat-kâ-li-â Sû 11

Video for Sat-kâ-li-â Sû 11

Zechariah 9-11

BibleProject

Sat-kâ-li-â Sû 11

Popular Bible Verses from
Sat-kâ-li-â Sû 11

Video for Sat-kâ-li-â Sû 11

Zechariah 9-11

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 11

Sat-kâ-li-â Sû 11

Popular Bible Verses from Sat-kâ-li-â Sû 11

Video for Sat-kâ-li-â Sû 11

Zechariah 9-11

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 11

Popular Bible Verses from
Sat-kâ-li-â Sû 11