Sat-kâ-li-â Sû 10

Song-chú Tap-yin Oi Chṳ́n-kiu

1Chhai chhûn-thiên ngì-têu oi hiong chho ngiap-lang ke Song-chú khiù yí. Kì chhiu voi lo̍k chhûng-chiuk ke yí-súi, sṳ́ chung-ngìn ke thièn-yèn sên-sán nùng-chok-vu̍t. 2Yîn-vi hiong ngiéu-siong lâu puk-koa ke khiù-mun, só-tet ke fì-tap he hî-ká ke. Yû-têu ngìn kóng mò-yáng mò-chiak ke mung, kì-têu ke ôn-ví lûng-chúng mò yung. Só-yî ngìn-mìn liù-lì sṳt-só, chhiong yòng-è mò mu̍k-ngìn su-khú su-nan.

3Song-chú kóng: “Ngài hiong ke-têu thúng-chhṳ Ngài chṳ́-mìn ke ngoi-chhu̍k-ngìn fat-khién; Ngài oi chit-fa̍t kì-têu. Ngài — Song-chú, Van-kiûn ke Ngièn-soi oi cheu-ku chhṳ-kâ ke yòng-khiùn, chhiu-he Yù-thai ke ngìn-mìn, sṳ́ kì-têu sàng-cho Ngài khiòng-chong ke chan-mâ. 4Chhai kì-têu tông-chûng oi sán-sên chóng-khièn ke liâng-chhiu, chhiong vuk-è ke fòng-kok-sa̍k, tâng-é, lâu chan-chên ke kiûng. 5Kì-têu voi chhiong yúng-sṳ, chhai chan-chhòng chṳ-fu̍k sù-thi̍t, chhiong chhai kiê-lu chien-tha̍p nài-mòi. Kì-têu oi hi siông-chhṳ̀, yîn-vi Ngài — Song-chú lâu kì-têu thùng-chhai; kì-têu voi tá-yàng thi̍t-ngìn ke khì-pîn.

6Ngài oi sṳ́ Yù-thai-kâ khiòng-sṳn,

chṳ́n-kiu Yok-sit ke kâ.

Ngài oi lìn-mén kì-têu, tai-liâng kì-têu chón-lòi;

kì-têu voi chhiong m̀-sṳt pûn Ngài fit-thet yit-yong.

Yîn-vi Ngài he Song-chú — kì-têu ke Song-ti,

Ngài yit-thin voi thâng kì-têu ke khì-tó.

7Yî-fap-lièn-ngìn voi chhiong yúng-sṳ;

kì-têu voi chhiong lîm-chiú ke ngìn án-ngiòng, sîm-chûng sóng-khoai.

Kì-têu ke chṳ́-ńg ya voi yîn-vi liá-pái ke sṳn-li lòi khoai-lo̍k;

kì-têu ke sîm voi yîn-vi Song-chú só-cho ke thai-thai fôn-hí.

8Ngài oi fat-chhut sin-ho, chhi-si̍p kì-têu.

Ngài oi kiu-su̍k kì-têu,

sṳ́ kì-têu ke ngìn-su chen-kâ,

chhiong yî-chhièn án-ngiòng kín chen-kâ.

9Sûi-yèn Ngài chiông kì-têu fûn-san to lie̍t-koet chûng,

kì-têu chhai yén-fông hàn-he voi ki-ngiam Ngài.

Kì-têu lâu kì-têu ke chṳ́-ńg voi ki-siu̍k sên-chhùn,

yû-hó khiung-ha chón-lòi ku-hiông.

10Ngài oi tui Âi-khi̍p chiông kì-têu tai chón-lòi,

tui Â-sut tai-liâng kì-têu chhut-lòi.

Ngài oi thu kì-têu to Kî-lie̍t lâu Lì-pâ-nun;

liá-têu thi-fông to-mî voi m̀-la kì-têu he̍t.

11Kì-têu#10:11 “Kì-têu” ya-he yi̍t-cho “Ngài”. kîn-ko khú-hói ke sṳ̀,

Ngài oi tá hói-long,

Nì-lò-hò voi châu-thet.

Kiêu-ngau ke Â-sut voi pien-cho khiâm-pî;

khiòng-thai ke Âi-khi̍p voi pien mò li̍t-liong.

12Ngài oi sṳ́ Ngài ke chṳ́-mìn yí-kho Ngài lòi khiòng-sṳn;

kì-têu só-hàng só-cho lûng-chúng oi fung Ngài ke miàng.”

Song-chú án-ngiòng siên-pu lé.

Currently Selected:

Sat-kâ-li-â Sû 10: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Sat-kâ-li-â Sû 10

Video for Sat-kâ-li-â Sû 10

Zechariah 9-11

BibleProject

Sat-kâ-li-â Sû 10

Popular Bible Verses from
Sat-kâ-li-â Sû 10

Video for Sat-kâ-li-â Sû 10

Zechariah 9-11

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 10

Sat-kâ-li-â Sû 10

Popular Bible Verses from Sat-kâ-li-â Sû 10

Video for Sat-kâ-li-â Sû 10

Zechariah 9-11

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Sat-kâ-li-â Sû 10

Popular Bible Verses from
Sat-kâ-li-â Sû 10