Mâ-lâ-kî Sû 3

1Song-chú — Van-kiûn ke Ngièn-soi kóng: “Khon â, Ngài oi phai Ngài ke sṳ́-chá vi Ngài yi-phi tho-lu. Yèn-heu ngì-têu só-chhìm ke Chú voi fut-yèn-kiên lòi-to Kì ke sṳn-thien; khon â, ngì-têu só hot-mu li̍p-yok ke sṳ́-chá, kì voi lòi lé!”

2Chúng-he, Kì lòi ke ngit-è, má-ngìn nai-tet hò nè? Kì chhut-hien ke sṳ̀-chiet, má-ngìn khî tet-chhai nè? Yîn-vi Kì chhiong kî tông-chhûng ke chhà-kû, chhiong lien-kîm yung ke fó. 3Kì oi lòi sṳ́m-phan, chhiong lien ngiùn-è ke ngìn; Kì oi kiet-chhiang Li-vi heu-thoi ke chi-sṳ̂, lien-chhiang kì-têu chhiong lien kîm-ngiùn; án-ngiòng kì-têu chhiu voi tî hiong Song-chú hien ha̍p-sṳt ke chi-vu̍t. 4Ke-sṳ̀, Yù-thai lâu Yâ-lu-sat-lâng ngìn-mìn só-hien ke chi-vu̍t, chang voi tet Song-chú ke fôn-hí, chhiu-chhiong thèu-pái ke ngièn-ngit yit-yong.

5Song-chú — Van-kiûn ke Ngièn-soi kóng: “Ngài oi to ngì-têu ke-vi hi, chṳp-hàng sṳ́m-phan. Ngài oi kiak-kiak cho-chṳn, lòi ko ke-têu hàng sià-su̍t ke, fam kiên-yìm ke, cho ká kien-chṳn ke, pok-siok kûng-chhièn ke, khî-fu kû-yì koá-fu ke, yên-vóng ngoi-chhu̍k-ngìn ke, lâu só-yû mò kin-vi Ngài ke ngìn.”

Sṳ̍p-fûn Chṳ̂-yit Fung-hien

6“Yîn-vi Ngài he Song-chú, Ngài yún-yén mò kói-pien; só-yî, Ngâ-kok ke chṳ́-sûn â, ngì-têu hàn-màng vàn-chhiòn sêu-me̍t. 7Lâu ngì-têu ke chú-siên khiung-yong, ngì-têu sòng-sòng phiên-lì Ngài ke fap-li̍t, mò-oi chûn-sú. Ngài — Song-chú, Van-kiûn ke Ngièn-soi kóng: Ngì-têu oi chón-hiong Ngài, Ngài chhiu chón-hiong ngì-têu. Ngì-têu fán-chón mun: ‘Ngài-têu oi ngióng-pân cho chang-son chón-hiong Ngì nè?’ 8Ngài mun ngì-têu: Ngìn cho-tet phien Song-ti mò? Tông-yèn cho-m̀-tet! Chúng-he ngì-têu phien Ngài! Ngì-têu mun-kóng: ‘Ngài-têu ngióng-pân phien Ngì nè?’ Ngài kóng: Chhiu-he chhai yin-kôi na̍p ke sṳ̍p-fûn chṳ̂-yit, lâu yin-kôi hien ke chi-vu̍t song phien Ngài. 9Chu-chú voi lìm-to ngì-têu, yîn-vi ngì-têu chhiòn-koet ke ngìn-mìn lûng-chúng phien Ngài. 10Ngì-têu oi chiông sṳ̍p-fûn chṳ̂-yit chhiòn-su sung-ngi̍p Ngài ke chhông-khu, sṳ́ sṳn-thien — Ngài ke vuk-hâ yû fûng-fu ke liòng-sṳ̍t. Ngài he Song-chú — Van-kiûn ke Ngièn-soi; chhṳ-khon Ngài â! Ngài he m̀-he voi chiông thiên-táng ke chhûng-mùn vi ngì-têu tá khôi-lòi, chiông kok-yong ke fuk-fun fûng-fûng fu-fu tó-pûn ngì-têu. 11Ngài — Song-chú, Van-kiûn ke Ngièn-soi m̀-pûn hoi-chhùng fí-fai ngì-têu ke nùng-chok-vu̍t. Ngì-têu ke phù-thò-yèn voi kiet-mân phù-thò. 12Ke-sṳ̀, van-koet ke ngìn voi kóng ngì-têu he yû fuk-hi ke, yîn-vi ngì-têu ke thú-thi voi sàng-cho ôn-kî lo̍k-ngia̍p ke thi-fông.” Liá he Song-chú — Van-kiûn ke Ngièn-soi só-kóng ke.

Song-ti Yin-hí Sṳ̂-hàng Lìn-mén

13Song-chú kóng: “Ngì-têu kóng lû-fû fa tù Ngài. Ngì-têu hàn mun: ‘Ngài-têu kóng má-ke fa tù Ngì nè?’ 14Ngì-têu kóng: ‘Sṳ-fung Song-ti he mò-yi-mò-sṳ ke. Ngài-têu chûn-hàng Kì só fûn-fu ke, ya-he chhai Song-chú — Van-kiûn ke Ngièn-soi mien-chhièn péu-sṳ ôi-sông, yû má-ke yung nè? 15Liá-ha cheu ngài-têu khon, kiêu-ngau ke ngìn yû fuk-hi, chok-ok ke ngìn hîn-vong; sûi-yèn kì-têu sṳ-tham Song-ti, hàn-he m̀-sṳ́ tù-tó châi-nan.’ ”

16Ke-sṳ̀, kin-vi Song-chú ke ngìn khiung-ha thàm-lun; Song-chú ya ngin-chṳ̂n thâng kì-têu ke fa. Chhai Kì mien-chhièn yû yit-kién ki-ngiam-chhak, tên-ki kin-vi Song-chú lâu chûn-chhung Song-chú sṳn-miàng ke ngìn. 17Song-chú — Van-kiûn ke Ngièn-soi kóng: “Chhai Ngài só-thin ke ngit-è, kì-têu oi su̍k Ngài, cho Ngài pó-pi ke chṳ́-mìn. Ngài oi thung-siak kì-têu, chhiong â-pâ thung-siak ke fu̍k-sṳ kì ke lai-é. 18Ke-sṳ̀, ngì-têu voi chai yit-pái khon-chhut, ngi-ngìn lâu fái-ngìn chûng-kiên yû má-ke mò khiung-yong, fu̍k-sṳ Ngài lâu mò fu̍k-sṳ Ngài ke ngìn yû má-ke chhâ-phe̍t.”

Currently Selected:

Mâ-lâ-kî Sû 3: THV12Rdb

Highlight

Copy

Want to have your highlights saved across all your devices? Sign up or sign in

Learn More About HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán)

Popular Bible Verses from
Mâ-lâ-kî Sû 3

Video for Mâ-lâ-kî Sû 3

Malachi 3

BibleProject

Mâ-lâ-kî Sû 3

Popular Bible Verses from
Mâ-lâ-kî Sû 3

Video for Mâ-lâ-kî Sû 3

Malachi 3

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mâ-lâ-kî Sû 3

Mâ-lâ-kî Sû 3

Popular Bible Verses from Mâ-lâ-kî Sû 3

Video for Mâ-lâ-kî Sû 3

Malachi 3

Bible:

Hakkafa (Roman script)

Version: HAK-NGÎ SṲN-KÎN – Hien-thoi Thòi-vân Hak-ngî Yi̍t-pún – Sîn-Khiu Yok Chhiòn Sû (Lò-mâ-sṳ pán) - THV12Rdb

Mâ-lâ-kî Sû 3

Popular Bible Verses from
Mâ-lâ-kî Sû 3