ZEKALIA 9
9
1OZÓNJI ohó OKLUNỌ tọn tọn to aigba Hadlaki tọn ji, Damasku na sọ yin otẹn gbigbọjẹ etọn tọn: na OKLUNỌ tindo nukun de to gbẹtọ lẹ ji podọ to whẹndo Islaeli tọn lepo ji: 2podọ Hamati ga he dodogbo to enẹ ji: Tile po Zidọni po, le ewọ tlẹ yín nuyọnẹntọ talala sọ. 3Podọ Tile do figángán de na ede, bo sọ bẹ́ fataka pli di kọgudu, podọ sika dagbedagbe di ababá aligboji lẹ tọn. 4Dayi e go, OKLUNỌ na dè e sọn nutindo mẹ, podọ é na sọ hò ohù he yín osòhọ̀ etọn; yè na sọ yí miyọn do và ẹ. 5Askelọni na mọ ẹn, bo sọ dibu; Gaza ga, bo na yín awufiẹsanọ badabada; podọ Ẹklọni, na núdonukun etọn na yín winyanmọtọ: podọ ahọlu lọ na súdo sọn Gaza mẹ, podọ Askelọni mẹ ma na yín ninò gba. 6Podọ akò ayọvi de na sinai di ahọlu to Aṣdọdi mẹ, Yẹn bo na sọ sán osakla Filistini lẹ tọn sẹ̀. 7Podọ yẹn na sọ dè ohùn etọn sẹ̀ sọn onù etọn mẹ, po osùnú etọn lẹ po sọn adú etọn lẹ ṣẹnṣẹn; podọ ewọ ga na yín pipòtọ de na Jiwheyẹwhe mítọn: podọ ewọ na sọ yín gbèdètọ de to Juda mẹ, podọ Èklọni di Jẹbusinu de. 8Yẹn bo na sọ dosla lẹ́do ohọ̀ ṣie di otòwhàn de, bọ mẹde ma na ju wayi mọ sọ lẹ́gọ̀ gba: podọ mẹhodùtọ de ma na ju gbọn yé mẹ ba: na lè wẹ yẹn ko yí nukun ṣie lẹ do mọ.
9Viyọnnu Ziọni tọn È, jaya dahodaho, dabobo hiẹ viyọnnu Jelusalẹm tọn È: dayi e go, ahọlu towe ja de we; nugbonọ wẹ ewọ, bo tindo whlengan; whiwhẹnọ, bo hé kẹtẹkẹtẹ de ji, yèdọ kẹtẹkẹtẹsiwhe de ji, ovú kẹtẹkẹtẹ de tọn. 10Yẹn bo na sọ sán kẹkẹ sẹ̀ sọn Eflaimi mẹ, podọ osó lọ sọn Jelusalẹm mẹ, podọ ogába awhàn tọn na sọ yin sinsán sẹ́; ewọ bo na sọ dọhó jijọho hlan akọta lẹ: ahọluigba etọn bo na sọ tin sọn ohù mẹ jẹ ohù de, podọ sọn Otọ lọ mẹ jẹ opòdo aigba lọ tọn lẹ. 11Na hiẹ tọn ga, na ohùn alẹ̀nù towe tọn tọn wutu yẹn ko do ogàntọ towe lẹ hlan jẹgbonu sọn odò mẹ ehe mẹ osìn de ma te. 12Mì lẹ́gọ̀ do figángán lọ kọ̀n, mì ogàntọ otódido tọn emi: yèdọ egbé wẹ yẹn lá dọ yẹn na lẹ́gọ̀sú dogbẹ́aweji hlan we. 13Na yẹn ko dó Juda na mi, yẹn ko yí Éflaimi do gọ́ ogába ṣie; podọ yẹn na fọ́nadan visunnu towe lẹ, Hiẹ Ziọni È, do visunnu towe lẹ ji Hiẹ Javani E, bo na sọ basi we di ohi omẹ hlọnhlọnnọ de tọn. 14OKLUNỌ bo na sọ yín mimọ to yé ta, podọ ogá etọn na sọ jẹgbonu yì di abi: OKLUNỌ JIWHEYẸWHE bo na sọ kún opèn lọ, bo na sọ yì po jẹhọnahizi huwaji tọn lẹ po. 15OKLUNỌ awhànpa lẹ tọn na glọnawhànna yé; yé na vàsúdo, bo sọ tùnafọ zannu akotopẹ́ tọn lọ ji; podọ yé na nù, bo sọ basi hùnhlungbè de di gbọn ovẹ̃n mẹ: yé na sọ yín gigọ́ taidi òtọ̀ lẹ, taidi lọnglọnẹn agbà tọn lẹ. 16OKLUNỌ JIWHEYẸWHE yetọn bo na sọ whlẹn yé to azán nẹ gbè di lẹngbọpa omẹ etọn lẹ tọn: na yé na tin di zannu ojẹgbakun de tọn lẹ, he sisẹ́ to aigba etọn ta. 17Na nawẹ oyónna yetọn yin daho sọ, podọ nawe owhànpẹ yetọn yín daho sọ ogbadó na hẹn yọ̀pọ sunnu etọn lẹ whlẹsàn, podọ ovẹ̃n yọyó deviyọnnu lẹ.
Currently Selected:
ZEKALIA 9: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
