ZEKALIA 2

1YẸN sọ zé nukun ṣie lẹ daga, bo mọ, bo dayi dawe de go po okàn nujlẹnu tọn de po to alo etọn mẹ. 2Whenẹnu wẹ yẹn dọmọ, Fiedali hiẹ jei? Ewọ sọ dọ hlan mi dọ, Nado jlẹ Jelusalẹm, nado mọ etẹ́ ogblo etọn yín, podọ etẹ otè etọn yín. 3Bo, dayi e go, angẹli he to hódọ hẹ mi lọ jegbonu yì, angẹli devo sọ jẹgbonu yì nado hòjẹ ẹ, 4Bo sọ dọ hlan ẹn dọmọ, Dowezun, dọhó hlan omẹ winyanwinyan he, dọmọ, Jelusalẹm na nọ nò di tòpẹvi lẹ matin odokó, gbọn ogégé gbẹtọ lẹ po whékanlin lẹ po tọn dali to e mẹ. 5Na yẹn, wẹ OKLUNỌ dọ, na yín adó miyọn tọn de hlan ẹn lẹ́do pé, podọ yẹn na, sọ yín gigo to gblagbla e tọn mẹ. 6Ũ, ũ, họ̀nyì sọn aigba agéwaji tọn lọ mẹ, wẹ OKLUNỌ dọ: na yẹn ko dlan mì hlangbonu di ojẹhọn ẹnẹ olọn tọn lẹ, wẹ OKLUNỌ dọ. 7Ũ Ziọni, họ̀ngán, hiẹ he nọnọ̀ viyọnnu Babilọni tọn lọ de. 8Na le wẹ OKLUNỌ awhànpa lẹ tọn dọ: To gigo lọ godo ewọ ko do mi hlan akọta he mì gble lẹ de: na ewọ he doalọ mì go doalọ azìn nukun etọn tọn go. 9Na, dayi e go, Yẹn na whàn alọ ṣie do yé ta, yé bo na sọ yin ogblannú de hlan enẹlẹ he to yé sẹ̀n mìwlẹ bo na sọ yọnẹn dọ OKLUNỌ awhànpa lẹ tọn wẹ ko do mi hlan. 10Jihàn bo sọ jaya, hiẹ viyọnnu Ziọni tọn E: na, pọ́n, yẹn wá, yẹn na sọ nọnọ̀ gblagbla hiẹ tọn mẹ, wẹ OKLUNỌ dọ. 11Podọ akọta susu we na sọ kọ̀n yéde dopọ hlan OKLUNỌ to azán nẹ gbè, bo na sọ yín omẹ ṣie lẹ: yẹn bo na sọ nọnọ̀ gblagbla hiẹ tọn mẹ, hiẹ bo na sọ yọnẹn dọ OKLUNỌ awhànpa le tọn wẹ ko do mi hlan hiẹ de. 12OKLUNỌ bo na sọ yí Juda do dùgú di mimá etọn to aigba wiwe lọ mẹ, bo na sọ vọ Jelusalẹm dè. 13Yín abọẹnọ, mì agbasalan lẹpo, to OKLUNỌ nukọn: na yè fọ́n ẹn tite sọn fininò wiwe etọn mẹ.

Currently Selected:

ZEKALIA 2: BWL23

Highlight

Copy