PSALM 148
148
1HALLELUJAH.
Mì pa OKLUNỌ sọn olọn lẹ mẹ:
Mì pa ẹ to fiyìji lẹ.
2Mì pa ẹ, mì angẹli etọn lẹ emi;
Mì pa ẹ, mì awhànpa etọn lẹpo emi.
3Mì pa ẹ, owhè po osùn po:
Mì pa ẹ, mì sunwhlẹvu hinhọ́n tọn lẹ emi.
4Pa ẹ, mì olọn olọn lẹ tọn,
Podọ mì osìn he tin to aga olọn lẹ tọn.
5Mì gbọ yé ni pa oyín OKLUNỌ tọn:
Na é degbè, yè sọ da yé.
6Ẹ sọ hẹn yé lódo ga kakadoi:
E ko do asẹ de ai he ma na juwáyì.
7Mì pa OKLUNỌ sọn aigba-homẹ,
Mì dànawànọ lẹ emi, po mì osédò lẹpo po:
8Miyọn, po kẹnjikun po, kẹnsu, po avìvì po:
Oyú jẹhọn he to ohó etọn hẹn ṣẹ:
9Osó lẹ po okọta lẹpo po:
Atin sinsénnọ lẹ po kedali lẹpo po.
10Gbékanlin po whékanlin lẹpo po;
Onú he nọ lìnlẹ, po ohẹ́ he zinzlọn po:
11Ahọlu aigba tọn lẹ, po gbẹtọ lẹpo po;
Ahọvi lẹ, po whẹ̀datọ aigba tọn lẹpo po:
12Dẹ̀pẹ lẹ, po awhli lẹ po;
Yọ́nhónọ lẹ, po yọ̀pọ lẹ po:
13Mì gbọ yé ni pa oyín OKLUNỌ tọn
Na oyín ewọ dopokẹdẹ tọn wẹ gbọ̀nvo:
Yẹyidaho etọn sọ ṣinyọn aigba po olọn po ji.
14E sọ zé azò omẹ etọn lẹ tọn daga ga,
Pipa mẹwiwe etọn lẹpo tọn;
Yèdọ ovi Islaeli tọn lẹ, gbẹtọ he sẹpọ́ dali etọn lẹ.
Hallelujah.
Currently Selected:
PSALM 148: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
