PSALM 147
147
1HALLELUJAH.
Na yinyọn wẹ nado nọ jihàn pipa lẹ hlan Jiwheyẹwhe mítọn;
Na e vivi; pipa sọ jlọjẹ.
2OKLUNỌ wẹ dó Jelusalẹm;
Ewọ wẹ sọ ṣinyan gbakija Islaeli tọn lẹ plidopọ.
3E hẹnazọ̀ngbọna ayihagbadonọ lẹ,
Bo sọ bla alan yetọn.
4E hía sọha sunwhlẹvu lẹ tọn;
Bo sọ ylọ yé oyín yetọn-yetọn.
5Kiklo wẹ OKLUNỌ mítọn, dahonọ to huhlọn mẹ: madosọha wẹ nuyọnẹn etọn.
6OKLUNỌ hẹn homemimiọnnọ lẹ dóte:
E zín mẹylankan lẹ dai hlan aigba.
7Mì yi opẹ́ dọ jihàn hlan OKLUNỌ;
Mì jihan pipa lẹ to ajalẹn ji hlan Jiwheyẹwhe mítọn
8Mẹhe yí aslọ lẹ ṣinyọn na olọn,
Mẹhe wleawu ojikun tọn dai na aigba,
Mẹhe hẹn ogbé wú to osé lẹ ji.
9E na núdùdù kanlin tọn hlan ẹn,
Podọ hlan ohọ́nvú he to awhado lẹ.
10Ewọ ma tindo homẹvivi to huhlọn osọ tọn mẹ:
E ma sọ hùnhomẹ to agún gbẹtọ de tọn lẹ me gba.
11OKLUNỌ tindo homẹhùnhùn do yé he dibusi i lẹ go,
Do yé he to tódo to dagbewanyi etọn mẹ lẹ go.
12Pa OKLUNỌ, hiẹ Jelusalẹm È;
Pa Jiwheyẹwhe towe, hiẹ Ziọni È.
13Na ewọ ko hẹn opatin hòngbo towe tọn lẹ ṣinyẹn;
Ẹ ko dona ovi towe lẹ to ohò towe mẹ.
14E ko hẹn jijọho wá agboji towe lẹ ji,
Bo sọ yí olikún dagbedagbe do, gohona we.
15E ko do osẹ́n etọn hlan gbonu do aigba ji;
Ọhó etọn wezunhọn dédé,
16É yí kẹnsu na omẹ taidi kanlinfun;
É sọ vúnvún ahún-ago taidi afín.
17É zé osinmlinmlin etọn dlan taidi onùdo.
Mẹnu wẹ sọgan ṣite to avivọ etọn, nukọn?
18E do ohó etọn hlan gbonu, bo hẹn, ye yọ:
E hẹn jẹhọn etọn yìn, osìn lẹ sọ to sisa.
19E do oho etọn hia hlan Jakobu,
Osẹ́ndoai po whẹ̀dida etọn lẹ po hlan Islaeli.
20E ma ko wàhẹ akọta de do mọ gba:
Eyín é sọ yín whẹ̀dida etọn lẹ tọn wẹ,
Ye ma ko yọ́n yé gba.
Hallelujah.
Currently Selected:
PSALM 147: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.
