HÓWHÍNWHÉN LẸ 4
4
1Mì ovi emì, mì sè oplọ́n otọ́ tọn,
Mì sọ dayi e go nado yọ́n zìnzìn.
2Na yẹn na na oplọn dagbe mì,
Mì gbé osẹ́n ṣie dai blo.
3Ovi otọ́ ṣie tọn wẹ yẹn,
Omẹ kikẹ podọ mẹyiwanna dopo, akan to onọ ṣie nukunmẹ.
4E plọ́n mi ga, bo sọ dọ na mi,
Dọmọ gbọ̀ ayiha towe ni hẹn ohó ṣie go:
Yí osén ṣie whlá bo nọ ogbẹ.
5Tindo nuyọnẹn, tindo zìnzìn:
A wọ̀n blo; mọ a sọ lẹ́ sọn ohó onù ṣie tọn mẹ blo.
6A gbé ẹ dai blo, é na whlẹn we:
Yiwan nẹ, é na sọ yí we whlá.
7Dòdo nuyọnẹn tọn wẹ nado tindo nuyọnẹn;
Gọna otindo etọn lẹpo, tindo zìnzìn.
8Zé e daga, é na gọalọna we:
E na hẹn we wá yẹyi kọ̀n, whenuena hiẹ dọ̀n ẹn do ogo;
9E na yí gbakun whanpẹ tọn de do ota na we:
E na yí ojẹ́gbakun gigo tọn do ota na we.
10Sè, hiẹ ovi ṣie, bo sọ yí ohó ṣie;
Owhè ogbẹ towe tọn nasọ zùn susu.
11Yẹn ko plọ́n aliho nuyọnẹn tọn we:
Yẹn ko plan we gbọn omó jijlọ ji.
12Whenuena hiẹ to zọnlinzin aliho towe ma to na ján na otẹn;
Whenuena hiẹ to wezundo, hiẹ ma na klẹnafọ.
13Hẹn oplọ́n go gligli, a jo e do blo:
Yí i whlá; na ewọ wẹ ogbẹ́ towe.
14A biọ omó mẹylankan tọn mẹ blo,
A sọ zinzọnlin to ali ylandonọ lẹ tọn ji blo.
15Klọ́n ẹn dai, afẹ gbọn ṣẹnṣẹn etọn blo,
tọn sọn finẹ, bo yì na dewe.
16Na yé ma nọ damlọn adavo yé zán jijọylankan;
Amlọn yetọn nọ dá, adavo yé hẹn omẹ jai.
17Na yé to núdùdù jijọ ylankan tọn dù,
Bo sọ to ovẹ̃n huhlọn tọn nù.
18Ṣigba omọ́ nugbonọ tọn taidi hinhọ́n he sé,
He to sisẹ́ yì nukọn kaka jẹ okle.
19Aliho mẹylankan tọn taidi zinvlu:
Yé ma yón onú he yé to agbàli.
20Ovi ṣie, nọtepọn ohó ṣie;
Tùn otó towe ai do ohó ṣie go.
21A dike yé tón sọn nukun towe ji blo:
Yí yé whlá to ṣẹnṣẹn ayiha towe tọn.
22Na ogbẹ́ wẹ yé yín na yé he din yé mọ,
Podọ gángánninọ hlan agbasalan lẹpo.
23Hú whiwhlá lẹpo, yí otù towe whlá,
Na é mẹ wẹ asisa ogbẹ̀ tọn sọn.
24Hẹn yẹwiwà po nùflo fifìẹ tọn
Po dẹn sọn de we.
25Gbò nukun towe ni to titegbe pọ́n,
Na nukunga towe ni nọ pọ́n dín to nukọn towe.
26Lẹnnu omó towe tọn pọ́n,
Gbọ aliho towe lẹpo ni hẹnai.
27A lẹ́ do adusi kavi do amiyọn blo:
Dè afọ towe sọn oylan mẹ.
Currently Selected:
HÓWHÍNWHÉN LẸ 4: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.