HÓWHÍNWHÉN LẸ 3
3
1OVI ṣie, a wòn osẹ́n ṣie blo:
Ṣigba gbọ ayiha towe ni yí osẹ́n ṣie whlá.
2Na azán gã, po ogbẹ̀ gã po.
Po jijọho po wẹ yé na dogọ́ ẹ na we.
3A dike lẹblanu po nugbo po jo we dai blo:
Bla yé lédo okọ̀ towe;
Wlan yé do tafo ayiha towe tọn ji:
4Mọ wẹ hiẹ na mọ nukundagbe po zìnzìn dagbe
Po to nukun Jiwheyẹwhe po gbẹtọ po tọn mẹ.
5Yí ayiha towe do dotudo OKLUNỌ go;
A dẹ́ hlan dewe tọn dali blo.
6Yẹn ẹn to aliho towe lẹpo ji,
Ewọ na sọ jlọ omó towe.
7A yín nuyọnẹntọ to nukun dewe tọn mẹ blo;
Dibu Si OKLUNỌ, bo tón sọn oylan, mẹ.
8E na yín gángán na ahón towe,
Podọ mimi ọn na ohú towe.
9Yí agban towe do gbògbéna OKLUNỌ towe,
Podọ sọn sinsẹ́n tintan sudeji towe lẹpo mẹ:
10Mọ wẹ zĩnhọ towe na gọ́ na susugégé,
Agbá towe na gó na vẹ̃nhàn yọ́ yọ́.
11Ovi ṣie, a vlẹ wọhẹ OKLUNỌ tọn blo;
Mọ a dike núdikòna we na hókọnamẹ etọn blo.
12Na mẹhe OKLUNỌ yiwanna wẹ é nọ kọ́hóna,
Kẹdẹdile otọ́ nọ kọ́hóna ovi he go homẹ etọn hùn do.
13Jijọhonọ wẹ dawe lọ he din ayitùnnugo mọ,
Po dawe he duale zìnzìn tọn po.
14Na ajọ́ etọn hú ajọ́ fataka tọn,
Ale etọn hú sika dagbedagbe tọn.
15E hòakuẹ hú ayòn:
Podọ onú he hiẹ sọgan jlo lẹpo, núde ma tin bọ yè sọgan sọ jlẹ do e go.
16Azán gà tin to adusilọ etọn mẹ;
Podọ to amiyọnlọ etọn mẹ, adọkun po yẹyi po.
17Aliho etọn wẹ aliho whanpẹ tọn,
Omó etọn lẹpo wẹ omọ jijọho tọn
18Ewọ wẹ atin ogbẹ́ tọn hlan yé he hẹn e go:
Jijọhonọ wẹ omẹ he hẹn e go gligli.
19Nuyọnẹn gbọn nuyọnẹn dali wẹ,
OKLUNỌ yi dòdo aihọn tọn hẹnai;
Ayitùnnugo wẹ é yí do wleawu olọn lẹ tọn.
20Gbọn oyọnẹn etọn mẹ osédò lẹ tlẹn do aga,
Aslọ lẹ sọ jà ahún kónyinai.
21Ovi ṣie, a dike yé tọ́n sọn nukun towe mẹ bló;
Yí nuyọnẹn he po zìnzìn po whlá.
22Mọ wẹ yé na nọ yín ogbẹ̀ hlan ayiha towe,
Po nukundagbe po hlan okọ̀ towe.
23Whenẹnu wẹ hiẹ na to zọnlinzin to aliho to jijọho mọ́,
Áfọ towe ma na planú.
24Whenuena hiẹ mlọnai hiẹ ma na dibu: mí
Nugbo, hiẹ na mlọnai, amlọn towe na sọ vivi.
25A savọ̀ na sisọsisọ ajiji tọn,
Kavi gbigbà mẹylankan lẹ tọn, whenuena e wá blo.
26Na OKLUNỌ na yín tudido towe,
Bo na sọ yí afọ towe whlá sọn wiwle mẹ.
27A dòn alọ dagbe tọn do godo sọn yé he a dùahọ etọn do blo,
Whenuena é tin to huhlọn alọ towe tọn mẹ nado basi i.
28A dọ na kọmẹnu towe blo, dọ, Yì, bo gòwá,
Eyín é zùn osọ̀ yẹn na na we, Whenuena hiẹ tindo é to alọ towe mẹ.
29A lẹn oylan do kọmẹnu towe go blo,
Le é sinai jijọho to adà towe mẹ.
30A wọhe omẹ matin owhẹhó blo,
Eyín é ma wà oylan do ogo we.
31A hàhomẹ awusinyẹnnamẹtọ ton blo,
A sọ dè dopo to ali etọn lẹ mẹ blo.
32Na osùnú de wẹ tasinyẹntọ yín hlan OKLUNỌ:
Ṣigba aṣli etọn tin dódónọ lẹ de.
33Ódẹ̀hodo OKLUNỌ tọn tin to owhé mẹylankan lẹ tọn gbè:
Ṣigba é dona aisintẹn nugbonọ lẹ tọn.
34Nugbo é kò mẹṣankotọ lẹ,
Ṣigba é do ojọmiọn hlan whiwhẹnọ le.
35Nugbo, nuyọnẹntọ lẹ na dugú gigo tọn:
Ṣigba nulunọ lẹ na hẹn winyan yetọn.
Currently Selected:
HÓWHÍNWHÉN LẸ 3: BWL23
Highlight
Share
Copy
Want to have your highlights saved across all your devices? Sign up or sign in
Holy Bible in Gun-Alada © Bible Society of Benin and Bible Society of Nigeria, 1923.